កិច្ចប្រជុំសាមញ្ញោលីកទី៧ អាណត្តិទី២ របស់ក្រុមប្រឹក្សាខេត្តបាត់ដំបង បានប្រព្រឹត្តទៅកាលពីថ្ងៃទី ០១ ខែធ្នូ ក្រោមអធិបតីភាព ឯកឧត្តម អ៊ុក វង្ស ប្រធានក្រុមប្រឹក្សាខេត្តហើយក៏មានវត្តមាន ឯកឧត្តមលោក លោកស្រី ជាអភិបាល អភិបាលរងខេត្ត អញ្ជើញចូលរួមផងដែរ។
កិច្ចប្រជុំបានអនុម័តសេចក្តីព្រាង របៀបវារៈកិច្ចប្រជុំសាមញ្ញោលីកទី ៧ ក៏ដូចជាពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញោលីកទី៦ កាលពីថ្ងៃទី ៣០ ខែតុលា ឆ្នាំ២០១៤ ហើយក៏បានស្តាប់របាយការណ៍ សកម្មភាពការងាររបស់ គណៈកម្មា
ធិការ ពិគ្រោះយោបល់កិច្ចការស្ត្រី និងកុមារប្រចាំខែវិច្ឆិការ ឆ្នាំ២០១៤ ដែលរាយការណ៍ដោយលោកជុំទាវ អ៊ីវ តារា ប្រធាន គ,ក,ស,ក ខេត្ត ព្រំទាំងបានពិនិត្យពិភាក្សា និងអនុម័តលើសេចក្តីព្រាង របាយការណ៍ប្រចាំត្រីមាសទី៣ គឺខែកក្តដា សីហា កញ្ញា
ឆ្នាំ២០១៤ និងសេចក្តីព្រាង របាយការណ៍ ខែតុលា ឆ្នាំ២០១៤ របស់រដ្ឋបាលខេត្ត រាយការណ៍ដោយលោក ឌី ពៀច នាយកទីចាត់ការសាលាខេត្ត និងពិនិត្យពិភាក្សាផ្តល់យោបល់ លើឯកសារ នៃកិច្ចដំណើរការ ក្នុងការរៀបចំវេទិកា ផ្សព្វផ្សាយពិគ្រោះ យោបល់របស់ក្រុមប្រឹក្សាខេត្ត សម្រាប់ឆ្នាំ២០១៤ រាយការណ៍ដោយលោក សឿម ប៊ុនរិទ្ធី នាយករដ្ឋបាលសាលាខេត្ត។ ទមកកិច្ចប្រជុំ បានបញ្ចេញយោបល់ លើកជាសំណួរចម្លើយ យ៉ាងផុលផុស ក្នុងគោលដៅជម្រុញ គ្រប់សកម្មភាពនៃការអភិវឌ្ឍន៍ លើគ្រប់វិស័យក្នុងខេត្ត ឱ្យកាន់តែរីកចំរើនមួយកម្រឹតថែមទៀត។
ឯកឧត្តម អ៊ុ វង្ស បានថ្លែងអំណរគុណ ដល់ក្រុមប្រឹក្សាខេត្ត ពិសេសឯកឧត្តម អភិបាល អភិបាលរងខេត្ត ដែលបានសហការយ៉ាងល្អ ក្នុងការអភិវឌ្ឍន៍ សម្រេចបានលទ្ធផលជាបន្តបន្ទាប់ ពិសេស ការអនុវត្តគោលនយោបាយ ភូមិ ឃុំ មានសុវត្ថិភាព ធ្វើឱ្យគ្រប់សកម្មភាព នៃបទល្មើសមានការថយចុះ ធានាបានសន្តិសុខ សណ្តាប់ធ្នាប់ ធ្វើឱ្យប្រជាពលរដ្ឋមានភាពកក់ក្តៅ និងកាន់តែមានជំនឿមកលើការដឹកនាំរបស់រាជរដ្ឋាភិបាលកម្ពុជាយើង មួយកំរិតថែមទៀត ៕
