ភ្នំពេញ ៖ ករណីលោកឃ្លាំងហួតអភិបាលខណ្ឌជ្រោយចង្វារទិញស្បែកជើងតម្លៃមួយពាន់ដុល្លារអាមេរិក ឲ្យអ្នកនាងចនចន្ទលក្ខិណា ដែលគេដឹងថា ជាប្រពន្ធមិនទាន់រៀបការរបស់លោក ហេង ឡុង ទុកដូចជាការដូឆ្នាំមាន់២០១៧នេះ បានធ្វើឲ្យមានការចាប់អារម្មណ៍នៅក្នុងបណ្តាញសង្គម ។ បន្ទាប់ពីទទួលរងការរិះគន់ចាស់ដៃពីអ្នកលេងហ្វេសប៊ុក ។
ក្រោយពីកើតរឿងនេះ លោក ឃ្លាំង ហួត បានចេញមុខបកស្រាយតាមបណ្តាញហ្វេសប៊ុក ដោយបានចាត់ទុកថា រឿងនេះ ជារឿងស៊យធំមួយ សម្រាប់រូបលោកក្នុងឆ្នាំថ្មី និងបានស្នើដល់អ្នកព័ត៌មានមើលតម្លៃលុយឲ្យបានច្បាស់ផង។«ដល់កហើយខ្ញុំ ប្ដីចនច័ន្ទ ផ្ដាំទិញស្បែកជើង ផ្ញើប្រពន្ធជាកាដូរចូលឆ្នាំខ្មែរ តម្លៃក្នុងវិក័យប័ត្រ គឺលុយអារ៉ាប់មិនមែនដុល្លាទេ យួរស្បែកជើងមក ហត់ចង់ងាប់ បែរជាគេរិះគន់ខ្ញុំគ្មានប្រណី។
ប្ដីចេញលុយ ប្រពន្ធអ្នកពាក់ ខ្ញុំអ្នកទិញ ហើយយួរមកឲ្យ គឺត្រូវបានមតិមួយចំនួនរិះគន់ខ្ញុំ។ មុន និង post មើលផងលោកអឺយលោក ងាប់គេងាប់អែងអស់ហើយ។ ចាត់ទុកជាស៊យសំរាប់ ឆ្នាំចាស់ទៅចុះ»។
តាមការបកស្រាយនេះមានន័យថាលោក ឃ្លាំង ហួត មិនបានចំណាយលុយផ្ទាល់ខ្លួន ដើម្បីទិញរបស់មានតម្លៃ គឺស្បែកជើងមួយគូនេះ ឲ្យតារាសម្ដែង ចន ច័ន្ទលក្ខិណា នោះទេគ្រាន់តេជាអ្នយកាន់ឲ្យ ពោលគឺជាលុយរបស់ប្ដី ចន ច័ន្ទលក្ខិណា គឺលោក ហេង ឡុង ជាអ្នកផ្ញើ និងផ្ដាំឲ្យលោក ឃ្លាំង ហួត ទិញឲ្យស្របពេលដែលលោកអភិបាលខណ្ឌរូបនេះ ទៅលេងនៅប្រទេសអារាប់ និងក្នុងទីក្រុងឌួបៃ។
ស្តាប់ទៅម្យ៉ាងដែរ តែបើតាមរយៈការ តារាម៉ូឌែលនិងសម្ដែងនាង ចន ច័ន្ទលក្ខិណាដែលបង្ហោះក្នុងហ្វេសប៊ុកដូចជាចង់បញ្ជាក់ថា ស្បែកជើងមួយគូ ដែលមានតម្លៃជាង១ពាន់ដុល្លារ (៣៧០០លុយអារ៉ាប់ ឬ 3700 AED) នេះ គឺលោកអភិបាលខណ្ឌជ្រោយចង្វារ ឃ្លាំង ហួត ជាអ្នកទិញឲ្យទៅវិញ។«ចូលឆ្នាំហើយហេងៗហ្មង មិនដែលប៉ង មិនដែលស្រម៉ៃថា នឹងបានប្រើវាទេ ស្រឡាញ់ណាស់តែមិនហ៊ានប្រាថ្នា ហើយក៏មិនហ៊ានចំណាយលុយលើរបស់ថ្លៃដែរ!! អរគុណបងប្រុស Khliang Huot (ឃ្លាំង ហួត) ដែលបានឲ្យកាដូរឆ្នាំថ្មីមកប្អូនស្រី ហេតុតែចង់ឲ្យប្អូនស្រីមានរបស់ brand ប្រើ ដើម្បីឲ្យចូលចំណោមគេ បងខំទិញពីបរទេសមកឲ្យប្អូន អរគុណចំពោះទឹកចិត្តដ៏ល្អរបស់បងប្រុស ខ្ញុំដឹងថា មនុស្សប្រុសពិបាក និងមិនចូលចិត្តទិញរបស់មនុស្សស្រី តែបងទិញឲ្យប្អូន ហើយត្រូវចិត្តប្អូនទៀត អត់មានសួរប្អូនទេ តែបងរើសពណ៌ឲ្យប្អូន យ៉ាងពេញចិត្តស្តូកតែម្តង ពណ៌នេះ គឺមិនរើសសម្លៀកបំពាក់ ហើយប្រើបានគ្រប់កម្មវិធី..!»។
នាងបានបន្តសារទៀតថា «អរគុណខ្លាំងណាស់បង នូវទឹកចិត្តមួយនេះ ខ្ញុំនឹងចងចាំមិនភ្លេច ហើយក៏មិនហ៊ានប្រើទេ ខ្លាចខូច ព្រោះមិនដែលហ៊ានទិញស្បែកជើងថ្លៃទេ ខ្លាចខូច ហើយស្តាយ hashashas ចង់និយាយថា គេងមើលម៉ាយប់ហើយ រហូតដាក់តាមឡានមើលតាមផ្លូវទៀត បងឡុងបង្អាប់ថា អូនឯងទុកមើល ឬទុកពាក់ ឃើញតែអង្អែល និងកាន់មើលរហូត hashashas អត់ហ៊ានពាក់ទេ បើខូចស្តាយណាស់ ព្រោះវាស្អាតពេក !!!! ហេតុតែគ្នាមិនដែលមានស្បែកជើងថ្លៃពាក់..!»។
ក្រោយពេលព័ត៌មាននេះបានចុះផ្សាយរួច អ្នកនាង ចន ច័ន្ទលក្ខិណាដែលជាប្រធានសមាគមសិល្បៈស្មគ្រ័ចិត្ត ក្តៅស្លឹកត្រចៀកយ៉ាងខ្លាំង ដោយសារចាត់ទុកថាជាការចុះផ្សាយមិនពិត។ តារាស្រីរូបនេះបានសរសេរថា៖ចំពោះ បងៗ រៀនសរសេរព័តមានអោយមានវិជ្ជាជីវះក្នុងខ្លួនផង បើខ្លួនមិនស្គាល់រូបិយប័ណ្ណរបស់ប្រទេសណាផងតើសរសេរព័តមានអោយអ្នកណាជឿ ? ឬក៏ដឹងធ្វើមិនដឹងហើយកេងចំណេញទាំងបំពាន ? វិជ្ជាជីវះអ្នកលាបពណ៍ពីសទៅខ្មៅធ្វើអោយមនុស្សវឹកវរ ខ្ញុំអរគុណដែលជួយផ្សព្វផ្សាយ តែខ្ញុំអត់ចង់អោយផ្សព្វផ្សាយពីអ្វីដែលធ្វើអោយប៉ះពាល់អ្នកដទៃឡើយ ខ្ញុំសុំអោយបងៗសាព័តមានជួយផ្សព្វផ្សាយការងារសង្គមរបស់សមាគមមិត្តសិល្បៈរបស់ខ្ញុំផង
តែបងៗខ្លះរឿងការងារសង្គមមិនសូវអើពើផ្សព្វផ្សាយអោយទូលំទូលាយទេ ខ្លះធ្វើមិនដឹង ធ្វើមិនឃើញ ទោះខ្ញុំបង្ហោះរហូតចង់ធ្លាយ Acc របស់ខ្ញុំក៏បងៗខ្លះមិនជួយផ្សាយផង តែបើរឿងទាញប្រយោជន៍អ្វីម្យ៉ាងគឺបងលឿនណាស់ សរសេរដោយមិនបាច់ពឹង ធ្វើបែបនេះគឺធ្វើអោយមនុស្សកាន់តែខ្លាចអ្វីៗជុំវិញខ្លួនរហូតក្លាយទៅជាសម្ពាធមួយក្នុងការរាប់អាន និង ប្រាស្រ័យទាក់ទងគ្នា៕
ស្រីស្អាតច្រើនតែហេងចឹង ! តែម្រាប់លោក ឃ្លាំង ហួត បើគេមិនទាន់ភ្លេចទេកាលពីអំឡុងឆ្នាំ៩០ប្លាយកាលនៅជាអភិបាលខណ្ឌទួលគោកក៏ធ្លាប់ផ្ទុះរឿងអាស្រូវស្រីញីជាមួយអ្នកស្រីម៉ៅសុចន្ធីដែលជាតារាចម្រៀងនិងសម្តែងម្តងផងដែរ ។ ចឹងបានថាបុរសខ្លាំងខាងទំនាក់ទំនងនយោបាយជាមួយពួកអាវក្រហមតែបែជាជួបរឿងស៊យជាមួយស្រីញីទៅវិញ៕