ខេត្តក្រចេះ ៖ ដូចការគិតទុកចឹងមែន ឧកញ៉ាអ៊ឹងតាន់វីរៈហៅឧកញ៉ាលក្ស័ ដែលជាដេញថ្លៃបានឈើដែលនាយឧត្តមសេនីយ៍សៅសុខាបង្ក្រាបបាន កាលពីឆ្នាំ២០១៦ ហើយត្រូវបានក្រសួងកសិកម្មអនុញាត្តឲ្យបើសិប្បកម្មកែច្នៃឈើនៅព្រុំដែនក្នុងភូមិត្រពាំងស្រែឃុំពីរធ្នូស្រុកស្នួលខេត្តក្រចេះបាននិងកំពុងសម្រុកដឹកជញ្ជូនឈើចេញទៅលក់នៅស្រុកយួនតាម ច្រកព្រុំដែនវ៉ាលឺ ។
ចាប់តាំងពីចុង ខែវិច្ឆិកាឆ្នាំ២០១៦ សកម្មភាពដឹកជញ្ជូនឈើប្រណិតទាំងនោះបានដឹកចេញពីក្រុមហ៊ុនហ៊ុនប៊ិញហ្វឿក១តាមរយៈរថយន្តយីឌុបភ្លៅប្រាំចេញឆ្ពោះទៅកាន់ទីតាំងកែឆ្នៃស្ថិតនៅក្នុងភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះក្រោមលេសលិខិតអនុញ្ញាតិរបស់រាជរដ្ឋាភិបាលអោយធ្វើការកែឆ្នៃឈើប្រណិតបំរើក្នុងស្រុក(ស៊ិក)។ នេះបើតាមការប្រាប់អោយដឹងពីលោក វង សុខសិរី នាយខណ្ឌរដ្ឋបាលព្រៃឈើខេត្តមណ្ឌលគិរី ។
កាលនោះ លោក វង សុខសិរីបញ្ជាក់ថា ៖ យោងទៅតាមលិខិតអនុញ្ញាតផ្តល់សិទ្ធិទៅអោយក្រុមហ៊ុនឈើប្រណិតទាំងនោះ ត្រូវបានដាក់គោលដៅអោយយកទៅកែច្នៃនៅក្នុងទីតាំងភូមិត្រពាំងស្រែតែប៉ុណ្ណោះបើខុសកន្លែងនិងបង្ក្រាប ។ មានសេចក្តីរាយការណ៍ថា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទលោក វេង សុខុន បានចេញសេចក្ដីប្រកាសស្ដីពីការអនុញ្ញាតឲ្យក្រុមហ៊ុន Lim Royal Joint Stock Company Limited បង្កើតរោងម៉ាស៊ីនកែច្នៃឈើ និងផលិតគ្រឿងសង្ហារិមជាបណ្ដោះអាសន្នមួយកន្លែងដែលមានទីតាំងស្ថិតនៅក្នុងភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះលើផ្ទៃដីទំហំ៨ហិកតារដោយមានរយៈពេល១ឆ្នាំខណៈរដ្ឋមន្ត្រីក្រសួងបរិស្ថាន គ្រោងនឹងពិភាក្សាជាមួយក្រសួងកសិកម្ម លើការមិនអនុញ្ញាតឲ្យមានអាជីវកម្មឈើនៅក្នុងតំបន់ដីសម្បទាន។
តែប្រការគួឲ្យកត់សម្គាល់គឺទីតាំងខាងលើនេះមិនទាន់មានរោងសិប្បកម្មកែច្នៃឈើអីនោះទេតែផ្ទុយទៅវិញក្រុមហ៊ុនឧកញ៉ាអ៊ឹងតាន់វីរៈបានសម្រុកដឹកជញ្ជូនឈើទៅគរស្តុកទុកហើយស្រេចទៅហើយក្រោមលេសថាខ្លាចភ្លើងឆេះ(ស៊ិក)។ប៉ុន្តែឥឡូវឈើដែលឧកញ៉ាអ៊ឹងតាន់វីរៈហៅឧកញ៉ាលក្ស័ដឹកជញ្ជូនយកទៅស្តុកបានសម្រុកដឹកជញ្ជូនឈើចេញទៅលក់នៅស្រុកយួនដោយខុសច្បាប់តាមច្រកព្រុំដែនវ៉ាលឺតែគ្មានសមត្តកិច្ចណាយកភ្នែកមើលទេព្រោះបានលាភសក្ការៈទៅហើយ។
សេចក្ដីរាយការណ៍យ៉ាងច្បាស់មួយពីប្រជាពលរដ្ឋនៅភូមិសម្ពូចឃុំឃ្សឹមស្រុកស្នួលខេត្តក្រចេះបានឲ្យដឹងថា៖ជារាងរាល់ថ្ងៃពួកគេសង្កេតឃើញមានឡានប្រភេទយីឌុបប្រាំផ្លូវរាប់សិបគ្រឿងជារបសកម្មសិទ្ធលោកឧកញ៉ាលក្ខ័សម្រុកដឹកជញ្ជូនឈើហុបទាំងមូលចេញពីក្រុមហ៊ុនខ្មែរអង្គរនឹងក្រុមហ៊ុនដៃថាងទាំងថ្ងៃទាំងយប់តាមបណ្ដោយផ្លូវជាតិលេខ7Aឆ្ទោះទៅចំណុចសជិតព្រំប្រទល់វៀតណាមក្នុងភូមិវេវឃុំពីរធ្នូស្រុកស្នួលខេត្តក្រចេះរាប់សិបឡានមិនដឹងថាស្របច្បាប់ឬយ៉ាងណានោះទេ។
ករណីយ៍នេះ លោក វង សុខសិរី នាយខណ្ឌរដ្ឋបាលព្រៃឈើខេត្តមណ្ឌលគិរីបែរជានិយាយប្រាប់កាសែតថា៖ឲ្យដឹកចេញតែឈើមុខកាត់តូចៗឯឈើមុខធំត្រូវទុកកែច្នៃ(ស៊ិក) ។ ការពិតច្បាប់នាំឈើចេញគឺមានតែតាមកំពង់ផែអន្តរជាតិខេត្តព្រះសីហនុឬផែភ្នំពេញតែប៉ុណ្ណោះ។ជាងនេះទៅទៀតការនាំឈើចេញដោយមិនមានការកែច្នៃចេញទៅស្រុកយួនត្រូវបានរាជរដ្ឋាភិបាលបញ្ឈប់លែងឲ្យមានទៅហើយ ។ ចឹងបើដូចសម្តីលោកវង់សុខសេរីនិយាយគឺខុសច្បាប់វាជាការឃុបឃឺតគ្នាប្រព្រឹត្តអំពោះពុករលួយ! ។
សូមបញ្ជាក់ថា ៖ កាលពីថ្ងៃទី១៥ ខែមករា ឆ្នាំ២០១៦កន្លងមក ប្រមុខរាជរដ្ឋាភិបាលតេជោហ៊ុនសែនបានបង្កើតគណកម្មកាចំរុះមួយដើម្បីបង្ក្រាប់បទល្មើសព្រៃឈើនៅតាមបណ្តាខេត្តភូមិភាគឥសាន្តជាប់ព្រដឪុំដែនយួនដឹក ដោយលោកនាយ ឧត្តមសេនីយ៍ សៅ សុខា មេបញ្ជាការកងរាជអាវុធហត្ថផ្ទៃប្រទេស ។ជាលទ្ធផលរឹបអូសបានឈើប្រណីតប្រមាណ៧ម៉ឺនម៉ែតគីបតែអត់ចាប់បានក្បាលឈ្មួញដែលជាឧក្រឹដ្ឋជនព្រៃឈើណាម្នាក់មកផ្តន្ទាទោសឡើយ។
ឈើប្រមាណ ៧ ម៉ឺនម៉ែតគូបនោះ ក្រសួងសេដ្ឋកិច្ចនិងហិរញ្ញវត្ថុដាក់ដេញថ្លៃចំនួ១២លានដុល្លារអាមេរិក ។ ទោះជាយ៉ាងណាករណីដេញថ្លៃឈើនេះ អត់ឮខាងក្រសួងសេដ្ឋកិច្ចនិងហិរញ្ញវត្ថុប្រកាសឲ្យដឹងពីនីតិវិធិដេញហើយមានមានអ្នកណាចូលរួមខ្លះនិងបានលុយប៉ុន្មាននោះឡើយ។
ឥឡូវនេះ ស្រាប់តែឃើញមានឡានឧកញ៉ាលក្ស័ ដឹកជញ្ជូនចេញដោយចំហរដែលមេព្រៃប្រាប់ថាឈើដេញថ្លៃបាន ។ មានប្រភពខ្លះនិយាយថា ឧកញ៉ាលក្ស័ដេញក្នុងតម្លៃតែ៧លានដុល្លារអាមេរិកប៉ុណ្ណោះបង់ចូលរដ្ឋ។ឯ៥លានដុល្លារទៀតគឺសម្រាប់សេវារត់ការ? ។ មិនអាចសុំការបកស្រាយពីលោកឧកញ៉ាលក្ស័និងសមត្តកិច្ចពាក់ពន្ធបាននៅឡើយតែសង្ឃឹមថានឹងមានការពន្យល់អំពីមូលហេតុដែលឧកញ៉នាំចេញឈើប្រណីតទៅស្រុកយួនយ៉ាងសកម្មនោះ៕
