ប្រជាពលរដ្ឋចាស់ជរា កំព្រាគ្មានទីពឹងចំនួន ៦គ្រួសារ ស្ថិតនៅឃុំសែនមនោរម្យ ស្រុកអូររាំង ទទួល បានអំណោយពីសាខាកាកបាទក្រហមកម្ពុជាខេត្តមណ្ឌលគិរី ដែលដឹកនាំដោយលោកស្រី ទូច ដារ៉ា អនុប្រធានសាខាកាកបាទក្រហមកម្ពុជា លោកឡុង វិបុល នាយកសាខាកាកបាទក្រហម កាលពីរ សៀល ថ្ងៃទី២៧ វិច្ឆិកា ២០១៤។
លោកឡុង វិបុល នាយកសាខាកាកបាទក្រហម និងលោកស្រី ទូច ដារ៉ា អនុប្រធានសាខាកាក បាទក្រហមកម្ពុជា បានពាំនាំនូវការផ្តាំផ្ញើសាកសួរសុខទុក្ខពីសំណាក់ប្រមុខរដ្ឋាភិបាលកម្ពុជា ជាពិសេស សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជានិច្ចកាល សម្តេចតែងតែយកចិត្តទុកដាក់សួរសុខ ទុក្ខប្រជាពលរដ្ឋទូទៅ ក៏ដូចជាប្រជាពលរដ្ឋទីទល់ក្រ ចាស់ជរា កំព្រាគ្មានទីពឹង ។
ជាក់ស្តែងអំណោយដ៏ ថ្លៃថ្លានេះ សម្តេចតែងតែប្រគល់អំណោយ ទៅឲ្យសាខាកាកបាទក្រហមកម្ពុជាខេត្ត ដើម្បីចែកជូនដល់ ដៃប្រជាពលរដ្ឋដែលខ្វះខាត់ ហើយថ្វីត្បិតតែអំណោយទាំងនេះមានចំនួនតិចតួច មិនសមស្របតាម តម្រូវក្តី នេះក៏អាចជួយដល់ប្រជាពលរដ្ឋបានមួយកម្រិតដែរ ហើយតាមប្រសាសន៍របស់សម្តេច គឺមិន ឲ្យបងប្អូនប្រជាពលរដ្ឋណាដែលស្លាប់អត់អាហារនោះទេ ។ លោកបានណែនាំដល់ប្រជាពលរដ្ឋនៅពេល មានជម្ងឺត្រូវប្រញាប់ប្រញាល់ទៅមណ្ឌលសុខភាពឲ្យបានទាន់ពេលវេលា ហើយត្រូវចេះ រស់នៅស្អាត ហូបស្អាត និងផឹកស្អាត ជាពិសេស ពេលដេកយប់ប្រលប់ត្រូវ បន្លត់ភ្លើង ក៏ដូចជាទាន ឫធូក ដែលយើង ដុត ព្រោះវាអាចបង្ករគ្រោះអគ្គិភ័យផ្សេងៗដែលស្មានមិនដល់។
អំណោយដែលសាខាកាកបាទក្រហមកម្ពុជាខេត្តមណ្ឌលគិរី ចែកជូនដល់ប្រជាពលរដ្ឋចាស់ជរា កំព្រាគ្មានទីពឹងចំនួន ៦គ្រួសារនាពេលនោះ គឺក្នុងមួយគ្រួសារទទួលបាន សារុង ១ ក្រមា ១ មុង ១ ភួយ ១ កន្ទេល ១ តង់ ១ ទឹកស៊ីអ៊ិវចំនួន ៣ដប ទឹកត្រីចំនួន ៣ដប ប្រេងឆា ២ដប មី ១កេះ អង្ករ ២៥គីឡូក្រាម និងថវិកាចំនួន ៥០,០០០រៀលផងដែរ ៕