ខេត្តរតនគិរី ៖ នាព្រឹកថ្ងៃទី12ខែមេសាឆ្នាំ2017វេលា ម៉ោង8,00នាទី ស្នងការដ្ឋាននគរបាលខេត្តរតនគិរីបានបើកពិធីប្រជុំជួរ ដល់កងកម្លាំងមន្ត្រីនគរបាលទូរទាំងក្រុងស្រុកទាំង9 ដើម្បីពង្រឹងអភិបាលកិច្ច និងកែតម្រង់ផ្នែករដ្ធបាលសាធារណៈ ជំរុញការអភិវឌ្ឈន៍របស់រាជរដ្ធាភិបាល ។ ក្រោមអធិបតីភាពលោកឧត្តមសេនីយ៍ត្រី ងួន គឿន ស្នងការដ្ធាននគរបាលខេត្តរតនគិរី។ ដោយមានការចូលរួមពី លោក ស្នងការរង លោកអធិការ អធិការរង និងមន្ត្រីនគរបាលក្រុងស្រុកទាំង 9។
លោកឧត្តមសេនីយ៍ ងួន គឿនបានមានប្រសាសន៍ផ្តាំផ្ញើ បែងចែកមុខងារនិងតួរនាទី ការពារសណ្តាប់ធ្នាប់សាធារណះជូនប្រជាពលរដ្ធ នាអំឡុងពេលបុណ្យចូលឆ្នាំថ្មី ប្រពៃណីជាតិខាងមុខនេះបានប្រព្រិត្តិទៅដោយភាពរលូន បញ្ជៀសនូវឧបទ្ធវហេតុផ្សេងៗ។
លោកស្នងការបន្តថា៖ ការបែងចែកកម្លាំងទិសដៅចុះបំពេញការងារមានបួនចំណុចសំខាន់ៗ ដូចខាងក្រោម៖
ទី១: កម្លាំងការពារសណ្តាប់ធ្នាប់សាធារណះ : ត្រូវបែងចែកកម្លាំងចុះតាមគោលដៅនិមួយៗ តាមគ្រប់ច្រក់ ផ្លូវ និងតាមគេហដ្ធានបងប្អូនប្រជាពលរដ្ធដែលពួកគាត់បិទទ្វាចោល(ចំណាក់ស្រុក) ចាកចេញទៅស្រុកកំណើត។ រីឯកងកម្លាំងយាមតាមដងផ្លូវ(នគរបាលចរាចរណ៍) ត្រូវបាញ់ល្បឿនទោចចក្រយានយន្តគ្រប់ប្រភេទ និង
ដើររើសដុំថ្ម កំណាត់ឈើ ។ល។ ព្រមទាំងធ្វើការត្រួតពិនិត្យអាវុធជាតិផ្ទុះដូចធម្មត្តាផងដែរ។
ទី២: កងកម្លាំងការពារអគ្គីភ័យ ត្រូវត្រៀមលក្ខណះរថយន្តអគ្គីភ័យគ្រប់២៤ម៉ោង ត្រូវត្រួតពិនិត្យប្រេង ទឹកក្នុងស៊ីទែន ជួយពន្លត់ទាន់ពេលវេលា ខណះមានអគ្គីភ័យកើតមានឡើងជាយក្ខថហេតុ។
ទី៣: កងកម្លាំងផ្នែកព្រហ្មទ័ណ្ឌ ត្រូវចុះផ្សារភ្ជាប់ សហការជាមួយអង្គភាពពាក់ព័ន្ធ ធ្វើការស្រាវជ្រាវបទល្មើសផ្សេងៗ ការពារនិងទប់ស្កាត់អោយទាន់ពេលវេលានូវអំពើហឹង្សា ដែលផុសចេញពីល្បែងស៊ីសង ប្រើប្រាស់គ្រឿងញៀនគ្រប់ប្រភេទ។ល។
ដោយឡែក កងកម្លាំងនូវតាមបណ្តាក្រុងស្រុកទាំង9 លោកស្នងការបានសង្កត់ធ្ងន់ថា៖ គឺ មានភារកិច្ចយ៉ាងសារះសំខាន់បំផុត ត្រូវសហការជាមួយកងកម្លាំងប្រជាការពារភូមិ និងកងរាជអាវុធហត្ថស្រុក ចុះដើរល្បាត ធ្វើការអំពាវនាវ តាមគ្រប់មធ្យោបាយនូវសារាចរណ៍ណែនាំរបស់ប្រមុខរាជរដ្ធាភិបាល និងបិទលេខទូរស័ព្ទលោកអធិការ អធិការរង នៅតាមលំនៅដ្ធានបងប្អូនប្រជាពលរដ្ធទៅតាមបណ្តាស្រុកនិមួយៗ។
ជាចុងក្រោយ លោកឧត្តមសេនីយ៍ត្រីស្នងការខេត្តបានសង្កត់ធ្ងន់ថា ៖គ្រប់កងកម្លាំងនគរបាលទាំងអស់ក្នុងពេលចុះបំពេញកាតព្វកិច្ចការងារហាមសេពគ្រឿងស្រវឹង ត្រូវរក្សាសណ្តាប់ធ្នាប់ សិលធ័ម សុជីវធ័ម ក្រមវិជ្ជាជីវះកងកម្លាំងបំរើផលប្រយោជន៍ប្រជាពលរដ្ធនិងរាជរដ្ធាភិបាល ហើយក៍ធ្វើការហាមឃាត់សុំច្បាប់ពីកងកម្លាំងក្នុងអំឡុងពេលបុណ្យចូលឆ្នាំថ្មីរយះពេលបីថ្ងៃខាងមុខនេះ ៕
