ភ្នំពេញ៖តារាកំប្លែងនៃស្ថានីយ៍ទូរទស្សន៍ស៊ីធីអិនអ្នកនាង ខ្ញុងបានបង្ហើប ឲ្យដឹងពីបំណងចង់បានប្តីមួយទៀតដោយសារខ្លាចមានការរិះគន់ព្រោះតែកាសម្តែងដែលបើកឲ្យប្រុសឱបថើបច្រើនពេក។អ្នកស្រីស្រេងសុខាន់ដាហៅខ្ញ៉ុងបានបញ្ជាក់ថា៖ ការងារសិល្បៈ ជាតារាសម្ដែងក៏ដូចជាកំប្លែង គឺត្រូវផ្លាស់ប្ដូរដៃគូច្រើនរូបណាស់ រាប់មិនអស់ឡើយ ជាមួយគ្នានោះឈុត សម្ដែងភាគច្រើន ត្រូវដៃគូប្រុសឱបរឹត មិនលួសឡើយ។ ដោយសារតែបច្ចុប្បន្នខ្លួនជាស្ត្រីមេម៉ាយច្រើនឆ្នាំផងនោះ ដូចនេះ នាងខ្លាចមានការរិះគន់ពីមហាជន។”ខ្លាចគេថា មួយនេះអ្នកណាក៏បានឱបៗ មិនគិតយកប្ដីទេអី ចង់រៀបការដូចគេដូចឯងដែរហ្នឹង តែរកមិនទាន់បាន” ខ្ញុងថ្លែង ។
សូមបញ្ជាក់ថាអ្នកនាងខ្ញុង និងស្វាមីបានចែកផ្លូវគ្នាជាច្រើនឆ្នាំមកហើយ ពោលគឺតាំងពីតារាកំប្លែងមេម៉ាយកូន១រូបនេះ បោះជំហានចូលសិល្បៈមកម្ល៉េះ។
មូលហេតុដែលនាំឲ្យអ្នកទាំងពីរចែកផ្លូវគ្នា ត្រូវបានខ្ញុង ទម្លាយឲ្យដឹងថា អតីតស្វាមីខ្លួនមានស្រីថ្មី ហើយខ្លួនតាមទាន់ច្រើនលើក ទ្រាំមិនបានកីសម្រេចចែកផ្លូវគ្នាតែម្ដងទៅ។
ទោះជាយ៉ាងណាសម្រាប់ស្វាមីថ្មីអ្នកស្រី ខ្ញុងដែលអាចរកចំណូលសមរម្យរសឲដោយខ្លួនឯងបានបានដាក់លក្ខខណ្ឌថា៖ បុរសដែលអាចក្លាយជាស្វាមីនាងបានលុះត្រាតែ មិនដូចទៅហ្នឹងអតីតស្វាមីរបស់ខ្លួន រឿងទ្រព្យសម្បត្តិ និងវ័យក៏ត្រូវគិតផងដែរ ប្រសិនបើខុសគ្នាឆ្ងាយពេក ក៏នាងមិនអាចទទួលយកបានដែរ។
នាងខ្ញុងឲ្យដឹងថា បច្ចុប្បន្នមានប្រុសៗមិនតិចឡើយចង់បាននាង ប៉ុន្តែនាងមិនទាន់សម្រេចចិត្តនៅឡើយទេ ។ បើសម្តីនេះ គេអាចប៉ានស្មានបានថាខ្ញុងបានសម្លឹងមើលឃើញប្រុសស្ងួនចំណីថ្មីហើយគ្រាន់តែមិនទាន់បង្ហាញចឹងនិយាយចោលមួយសិនទៅបើឃើញនាងបណ្តើគ្នាក៏មិនអីដែរ!។ចាំមើលមើលថាតើប្រុសបែបណាជាគូថ្មីដែលអាចមកមើលខុសត្រូវអ្នកនាងខ្ញុងនិងកូនរបស់នាង?៕
