ខេត្តត្បូងឃ្មុំ ៖ គេនៅចាំបានថាកាលពីរសៀលថ្ងៃទី៣ ខែមេសា ឆ្នាំ២០១៧វេលាម៉ោង១ និង១៥នាទីមានករណីគ្រោះថ្នាក់ចរាចរណ៍មួយកើតឡើងនៅចំណុចផ្លូវជាតិលេខ៧នៅភូមិសង្គមមានជ័យចាសឃុំមេមត់ស្រុកមេមត់ខេត្តត្បូងឃ្មុំហើយម្ចាស់រថយន្តដែលបង្កមករករឿងគេទៀត ។
ហេតុការណ៏គ្រោះថ្នាក់ខាងលើត្រូវបានសាក្សីឃើញហេតុការណ៍និយាយថា គេបានឃើញរថយន្តម៉ាកវីហ្គោពណ៌សពាក់ ស្លាកលេខរដ្ឋ 10 2.0242 បើមានបំពាក់សេរ៉ែនផងដែលគេស្គាល់ថាជាឡានគយបានបើកកបរ ក្នុងល្បឿនលឿន ហើយក៏បានទៅបុកនិងរថយន្តមួយគ្រឿងទៀតម៉ាកវីហ្គោពណ៌ខ្មៅពាក់ ស្លាកលេខភ្នំពេញ2P5896 ជារថយន្តរបស់ពលរដ្ឋដែលចេញមកពីឆេងម៉េង (សែនថ្នូដូនតា) តែណាងល្អមិនបង្កឲ្យមានមនុស្សស្លាប់ដល់អាយុជីវិត ។ អ្វីដែលជាការចាប់អារម្មណ៍នៅត្រង់ថាម្ចាស់រថយន្តវីហ្គោស្លាកលេខរដ្ឋបែជាចុះពីឡានមកក្របួចកអាវរករឿងម្ចាស់ឡានជាប្រជាពលរដ្ឋទៅវិញក្នុងពេលដែលឡានស្លាកលេខរដ្ឋត្រូវបានអ្នកភូមិនៅកន្លែងកើតហេតុជាសាក្សីនិយាយថា ៖ អ្នកបើកបររថយន្តគយថាមិនប្រុងប្រយត្ន័ បើករថយន្តបុកគេហើយមិនទទួលខុសត្រូវ។
ក្រោយពីការកើតហេតុមន្ត្រីគយឈ្លើយបុកគេហើយរករឿងគេទៀតនោះត្រូវបានគេរាយការណ៍ថាមានឈ្មោះព្រាបគារ៉ាត់ហៅគយសិទ្ធជាមេគយចល័តប្រចាំមួយជ្រុងប្រទេស(ខេត្តភូមិភាគឥសាន្តនិងខេត្តត្បូងឃ្មុំព្រៃវែងស្វាយរៀង)ជាមន្ត្រីគយជើងខ្លាំងព្រោះជាមនុស្សជំនិតមេធំជាពិសេសមេធំគយចលត័ឈ្មោះកើតសុធារ៉ាដែលជាមិត្តភក្រ័លោកទេសរដ្ឋមន្ត្រីនិងជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុដែលជាមនុស្សមានសិទ្ធឲ្យគយដេកដេក!ឈរឈរ!។ចឹងបានគាត់ខ្លាំងម៉េស!។
សូមបញ្ជាក់ដែរថា បើតាមប្រភពពីមន្ត្រីគយចលត័បាននិយាយថា មុនវត្តមានលោកព្រាបគារ៉ាត់គេ ប្រមូលពន្ធបានរាប់ពាន់លានរៀល ក្នុងមួយខែ។ ប៉ុន្តែក្រោយពេលលោក លោកព្រាបគារ៉ាតចូលកាន់តំណែង គឺចំណូលពន្ធបានធ្លាក់រហូតដេលចង់មាន័យថាលោកព្រាបគារ៉ាត់គាត់រកចំណូលឯកជនច្រើនជាងរដ្ឋ? ។ មូលហេតុគឺដោយសារមានការឃុបឃិតកេងប្រវ័ញ ជាមួយឈ្មួញ ដោយមិនធ្វើការប្រមូលពន្ធតាមលក្ខណៈបច្ចេកទេសឲ្យបានត្រឹមត្រូវ ។ ការពិតកន្លងមកគេបានឃើញមានការបង្ក្រាបដោយបទល្មើសដោយក្រុមគយលោកព្រាបគារ៉ាត់ខ្លះៗដែរតែគឺធ្វើតែលើក្រុមហ៊ុនណាដែលមិនរាយការណ៍ពីទំនិញដែលពួកគេដឹកជញ្ចូនឲ្យលោកព្រាបគារ៉ាត់ជាមុនតែប៉ុណ្ណោះ។
ប្រភពពីអ្នករកស៊ីបានឲ្យដឹងថា ៖ មាន ក្រុមហ៊ុនដឹកទំនិញបាននាំចូលទំនិញ ឆ្លងកាត់ខេត្តត្បូងឃ្មុំគឺឃុបឃិតគ្នាជាមួយគយវាយតម្លៃពន្ធទាប និងបង់ពន្ធមិនគ្រប់ចំនួន ហើយនៅមានឈ្មួញជាច្រើនទៀតបានឃុបឃិតជាមួយលោកមេគយលោកព្រាបគារ៉ាត់កេងបន្លំពន្ធទៅលើមុខទំនិញដែលពួកគេបាននាំចូលពីប្រទេសវៀតណាម ក៏ដូចជាការនាំទំនិញចេញពីកម្ពុជាផងដែរ។
ប្រភពពីមន្ត្រីគយ បានព្រលយឲ្យដឹងថា៖ តារាងតម្លៃ (ក្រដាសបញ្ជី) អត្រាពន្ធ៧ភាគរយ ឡានតូចត្រូវបង់ពន្ធ៩លានរៀល បង់ថ្លៃបាយ៥លានរៀល។ អត្រាពន្ធ១៥ភាគរយ ឡានតូចបង់ពន្ធ១០លានរៀល ថ្លៃបាយ៥លានរៀល ទំនិញចាប់ហ៊ួយបូក អត្រាពន្ធ៣៥ភាគរយ ឡានតូចបង់ពន្ធ២២លានរៀល ថ្លៃបាយ ៥លានរៀល ឡានតូចដូចគ្នាដែរ បង់ពន្ធ ៨,៥លានរៀល ថ្លៃបាយ១១លានរៀល សសេរទំនិញផ្សេងៗអត្រា៧ភាគរយ កង់ឡាន ឡានតូចបង់ពន្ធ២២លានរៀល ថ្លៃបាយ៥លានរៀល ត្រូវសសេរជាកង់ឡាន ហើយប្រេងម៉ាស៊ីន (២០) បូកផ្សេងៗ ឡានធំ បង់ពន្ធ៩លានរៀល ថ្លៃបាយ ១៥លានរៀល។
ចំពោះទំនិញមានអត្រាពន្ធខ្ពស់បង្កប់ជាមួយ ទំនិញមានអត្រាពន្ធទាប ត្រូវគិតបង់ពន្ធ និងថ្លៃបាយតាមទំនិញអត្រាខ្ពស់។ ទំនិញ (ចាប់ហ៊ួយ បូកអត្រាពន្ធ ៣៥ភាគរយ) ចំនួន៣កុងតឺន័រ ត្រូវសសេរពន្ធ២២លានរៀល ឡានតូច១កុងតឺន័រ និង២កុងតឺន័រទៀត សសេរជាទំនិញផ្សេង បង់ពន្ធ ៨,៥លានរៀលឡានតូច។ ក្រៅពីទំនិញខាងលើ ដែលឈ្មួញបានបង់ពន្ធ និងថ្លៃបាយឲ្យលោកមេគយក៏នៅមានទំនិញផ្សេងៗទៀត ដែលមេគយចល័តរូបនេះ បង្ខំឲ្យអ្នករកស៊ីតូចតាច បង់លុយឲ្យខ្លួនតាមតែទំនើងចិត្ត។
ក្នុងនោះដូចជាឡានដឹក ថ្នាំជក់មួយគ្រឿងបង់ង៣០ដុល្លារ, រថយន្តដឹកឈើកៅស៊ូ បង់៩០ដុល្លារ, រថយន្តដឹកចំណីសត្វបង់ ៣០ដុល្លារ ពិសេសរថយន្តដឹកដំឡូងមី មួយគ្រឿងត្រូវលោកព្រាបគារ៉ាត់ជម្រិតទារលុយ ពី៣ម៉ឺន ទៅ៥ម៉ឺនរៀល ហើយក្នុងមួយថ្ងៃ មានរថយន្តដឹកកសិផលនាំចេញ មិនតិចជាង៣០០ទៅ៤០០គ្រឿងនោះទេ។
ដោយឡែកលុយដាក់ចូលកេះខ្មៅ (លុយសន្សំសម្រាប់ផ្តល់ជូនមន្ត្រីគយ) ត្រូវលោកព្រាបគារ៉ាត់(ហៅគយសិទ្ធ)ដកយកក្នុងមួយថ្ងៃ ពី១០០០ដុល្លារ ទៅ១៥០០ដុល្លារ ដោយនិយាយប្រាប់មន្ត្រីគយថ្នាក់ក្រោមថា យកទៅជូនឲ្យមេៗថ្នាក់លើ ដែលធ្វើឲ្យលុយលុយដែលសន្សំនេះ ពុំសូវសល់ ដល់មន្ត្រីគយតូចតាចនោះទេ។ បើអ្នកណាហ៊ានសួរ លោកព្រាបគារ៉ាត់តែងគម្រាមរករឿងដោះដូរ ឬដកឲ្យទៅអង្គុយអានកាសែត ស្ងៀមតែម្តង។
តាមប្រជាពលរដ្ឋបានរាយ ការណ៍ឱ្យដឹងបន្តថា សព្វថ្ងៃ លោក ព្រាប គារ៉ាត់ ឬ(គយ សិទ្ធិ)បានប្រព្រឹត្តអំពើពុករលួយ យ៉ាងចំហរបំផុតតាមរយៈទំនិញ គេចពន្ធជាច្រើនប្រភេទដែល ឈ្មួញធំៗនាំឆ្លងកាត់ ។ ឈ្មួញនិយាយចំអកថា៖ ចរិកទារលុយម្តងៗ ប្រៀបដូចជាលុយជីដូន ជីតាគាត់យកមកទុកនៅនិងឈ្មួញអ៊ីចឹង? ជាទម្លាប់របស់ពួកគេ គឺពេលផឹកស៊ីឬមានពេលអោបស្រីៗ ត្រូវតែទូរស័ព្ទមកកាន់ឈ្មួញ ដូចជាឈ្មួញឈើអោយឡើងមកជួបខ្លួន យកលុយមកអោយ និងតំលើងហាងឆេងតាមតែការនឹកឃើញរបស់ពួកគេ។ បើមិនអោយវិញ គឺយកកម្លាំងមកគម្រាម បន្លាច ឆ្វែលចុះឆ្វែលឡើង ដើម្បីចចារពីតំលៃគឺមិនមែនមកចាប់បទល្មើសទេ។
ជាក់ស្តែងក្រុមឈ្មួញឈើដែលកន្លងទៅធ្លាប់បង់អោយគយចល័តមួយឡាន ២០០ដុល្លារតែឥឡូវនេះមួយឡានគេទារ១៨០០ដុល្លារ និងគម្រាមថា៖ បើមិនហ៊ានកុំរកស៊ី(ហាង ឆេងនេះចេញបញ្ជាអោយអនុវត្តចាប់ពីយប់ថ្ងៃទី២២ ខែមីនា ឆ្នាំ២០១៧មក) ។មិនដឹងថាថ្នាក់បានដឹងដែរឬអត់ឬទេពីវប្បធម៍ក្រុមជញ្ជក់ឈាមរាស្ត្រទាំងនេះ?។
ក្រុមឈ្មួញបង្ហើបថា៖ ក្រុមគយចល័តធ្វើបែបនេះ ប្រយោជន៍ដើម្បីអោយខាងឧកញ៉ាៗដែលប្រមូលទិញឈើពីបាតអាងដោយឡានយីឌុប មានឱកាសបានដឹកឈើកាច់ចង្កេះទាំងឡាន”ឆ្លងទៅវៀតណាម ហើយពួកគេប្រមូលលុយមូលពេញៗដៃតែម្តង។ មន្ត្រីគយដែលរងការគាបសង្កត់និងប្រជាពលរដ្ឋ បានសំណូមពរយ៉ាងទទូចដល់រាជរដ្ឋាភិបាល, លោករដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ ជាពិសេសអគ្គនាយកគយ និងអង្គភាពប្រឆាំងអំពើពុករលួយ មេត្តាមានវិធានការចាត់តាំងមន្ត្រីជំនាញចុះទៅអង្កេតស្រាវជ្រាវពី ការដឹកនាំ និងសកម្មភាពការងារកិបកេង ឥតសំចៃ ដែលកំពុងធ្វើឲ្យប៉ះពាល់ និងបាត់បង់ចំណូលពន្ធរដ្ឋនៃក្រុមគយលោកព្រាបគារ៉ាត់ផង ។
