រតនគិរី ៖ ប្រជាពលរដ្ឋប្រមាណជិត២០០០នាក់ ដែលស្មើនឹងជាង៤០០គ្រួសារ បានធ្វើពិធីជប់លៀងមួយអបអរគណបក្សប្រជាជនកម្ពុជា ពេលដែលគណបក្សនេះបានឆ្លើយតបទៅនឹងសំណូមពររបស់ពួកគាត់។
ពិធីជប់លៀងអបអរគណបក្សប្រជាជននេះ គឺបានធ្វើឡើងកាលពីរសៀលថ្ងៃទី០៨ ខែមេសាម្សិលមិញនេះ នៅក្នុងភូមិគងធំ ឃុំប៉ាតេ ស្រុលអូរយ៉ាដាវ ក្រោមការចូលរួមពីថ្នាក់ដឹកនាំជាតិរបស់គណបក្សប្រជាជនកម្ពុជា គឺឯកឧត្តម លី ធុជ ប្រធានក្រុមការងារថ្នាក់ជាតិចុះជួយខេត្តរតនគិរី និងក្រុមមន្ត្រីក្នុងជួរស្ថាប័នរដ្ឋក្នុងខេត្តរតនគិរីនេះផងដែរ។
អ្វីដែលធ្វើអោយមានពីធីអបអរសាទរនេះឡើង គឺដោយសារតែបានទទួលនូវការឆ្លើយតបពីថ្នាក់ដឹកនាំគណបក្សប្រជាជនកម្ពុជា ចំពោះសំណូមពររបស់ពួកគាត់ដែលរួមមានៈ ការស្នើអោយមានការជួសជុលផ្លូវ៣ខ្សែតភ្ជាប់ពីភូមិមួយទៅភូមិមួយក្នុងឃុំប៉ាតេនេះ។ ស្នើអោយមានប្រឡាយទឹកប្រវែ៣០០០ ម៉ែត្រ ជាងនេះទៀតគឺស្នើសុំមិនអោយមានការយកលុយ នៅពេលដែលពួក គាត់ចេញ ចូល ទៅលេងបងប្អូនឬទៅមើលជម្ងឺនៅប្រទេសវៀតណាម។
លោក ឆាយ ធី ដែលកំពុងឈរឈ្មោះជាបេក្ខភាពជាមេឃុំប៉ាតេ បានថ្លែងប្រាប់អ្នកសារព័ត៌មានថាៈ អ្វីដែលជាការស្នើសុំពីបងប្អូនប្រជាពលរដ្ឋ ចំពោះគណបក្សប្រជាជននៅពេលនេះ គឺយើងបានធ្វើ និងកំពុងបន្តធ្វើរួចរាល់ បណ្តើរៗហើយ។ លោកបញ្ជាក់ថាៈ ផ្លូវមួយខ្សែប្រវែងជាង៤គីឡូម៉ែត្រនៅឃុំ នេះ ដែលជាការស្នើសុំពីប្រជាពលរដ្ឋនោះ គឺឯឧត្តម លី ធុជ ប្រធានក្រុមការ ងារថ្នាក់ជាតិ បានទទួលយកសំណើនោះហើយ។ មិនត្រឹមតែប៉ុណ្ណោះកាកបាត ក្រហមកម្ពុជាខេតរតនគិរី ក៏បានឆ្លើយតបទៅនឹងការស្នើសុំផងដែរនូវប៉ុស្តិ៍សុខ ភាព អណ្តូងទឹកជំនួន២បានផ្តល់ជូនរួចហើយផងទៀត។
លោកបញ្ជាក់ថាៈ ប្រជាពលរដ្ឋនៅក្នុងភូមិនោះ បានទទួលចាក់ថ្នាំបង្ការ ចំនួន៣លើករួចមកហើយ ដោយមិនយកកំរៃពីពួកគាត់នោះទេ។ ដោយឡែក ការស្នើសុំមិនអោយមានការយកកំរៃនៅពេលចេញ ចូល ទៅប្រទេសវៀត ណាម ក៏គណបក្សបានឆ្លើយតបរួចផងដែរ។
លោកថ្លែងបញ្ជាក់ថាៈ មេឃុំគណបក្សសង្គ្រោះជាតិ និងសមាជិករបស់គាត់រហូតដល់ប្រជាពលរដ្ឋនៅក្នុងភូមិនេះទាំងមូល ដែលកន្លងមកបាន ចាញ់បោក បោះឆ្នោតអោយគណបក្សប្រឆាំងរយៈកាល២អាណត្តិកន្លងមក ឥឡូវនេះ ពួកគេបានងាកមកស្វាគមន៍ មករួមរស់ជាមួយគណបក្សប្រជាជនវិញហើយ ដោយចាត់ទុកថាជាមហាគ្រួសារតែមួយ និងចាប់ពីពេលនេះតទៅ នៅថ្ងៃបោះឆ្នោតខាងមុខ ពួកគាត់បានប្តេជ្ញាចិត្តបោះឆ្នោតជូនគណបក្សប្រជា ជន ដើម្បីអោយមេឃុំគណបក្សប្រជាជនដឹកនាំមូលដ្ឋាន ដែលពួកគាត់ចាត់ ទុកថាបានខកខ្លួនចាញ់បោកគណបក្សប្រឆាំងរយៈពេល១០ឆ្នាំហើយ ហើយ មិនមានឃើញចុះសួរសុខទុក្ខ ពីសំណាក់មន្ត្រីជាន់ខ្ពស់គណបក្សសង្គ្រោះជាតិ ទេ ដោយទុកពួកគាត់ចោលអោយនៅឯកោ ហើយការអភិវឌ្ឍន៍មូលដ្ឋាសន្យា ខ្យល់ ទាំងនេះហើយដែលធ្វើអោយពួកគាត់វិលមកគណបក្សប្រជាជនវិញ នោះ។
ក្នុងជំនួបជាមួយប្រជាពលរដ្ឋនៅឃុំប៉ាតេនោះ ឯកឧត្តម លី ធុជ ប្រធាន ក្រុមការងារថ្នាក់ជាតិចុះជួយខេត្តរតនគិរី ថ្លែងថាៈ ប្រជាពលរដ្ឋដែលគ្រប់គ្រង ដោយគណបក្សសង្គ្រោះជាតិរយៈពេល១០ឆ្នាំ នៅក្នុងឃុំនេះ គឺពុំមានការរីកចំ រើនទាល់តែសោះ ហើយអ្វីៗដែលខាតជាងគេនោះគឺខាតការអភិវឌ្ឍន៍។
លោកថ្លែងបញ្ជាក់ថាៈ ចាត់ទុកជាភព្វសំណាង ដែលប្រជាពលរដ្ឋនៅឃុំ នេះ មិនទទួលរងនូវគ្រោះមហន្តរាយ។ ប្រសិនបើកើតករណីនេះឡើង តើបាន នរណាជួយបតងប្អូន ដូចជាបាតុភូតខ្យល់កន្ត្រាក់ រលំផ្ទះ គ្រោះអគ្គីភ័យ ។ល។ និង។ល។ ដូច្នេះចាប់ពីពេលនេះទៅ សូមបញ្ឃប់នូវការបោះឆ្នោតដែលធ្វើ អោយខាតបង់ប្រយោជន៍របស់បងប្អូនតទៅទៀត។
សូមជម្រាបថាៈ នៅក្រោយបញ្ចប់ការសំណេះសំណាលនោះ ថ្នាក់ដឹកនាំ ជាតិ និងមន្ត្រីស្ថាប័នរដ្ឋ ព្រមទាំងកំលាំងប្រដាប់អាវុធផង បានចូលរួមសប្បាយ ជាមួយវង់តន្ត្រី ដែលពលរដ្ឋនៅទីនោះ បានរៀបចំស្វាគមន៍និងអបអរសាទរ ថ្នាក់ដឹកនាំ និងមន្ត្រីគណបក្សប្រជាជនថែមទៀត ៕
ដោយ ៖ យឹម សារិទ្ធិ
