ខេត្តកំពង់ស្ពឺ ៖ នៅថ្ងៃទី៥ ខែមេសា ឆ្នាំ២០១៧ ការិយាល័យសន្តិសុខ អ ហ ផ ទ បានអនុវត្តដីកាលេខ១៩០ របស់សាលាដំបូងរាជធានីភ្នំពេញនាំខ្លួនឈ្មោះ ជឿង ថេង ភេទប្រុស អាយុ៣៨ឆ្នាំ រស់នៅភូមិផ្សារកន្ទូត ឃុំសង្កែសាបទ ស្រុកឱរ៉ាល់ ខេត្តកំពង់ស្ពឺ នៅវេលាម៉ោង១២ និង០០នាទីនៅចំណុចភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។
ឈ្មោះ ជឿង ថេង គឺជាឈ្មួញរកស៊ីឈើខុសច្បាប់ដ៏ធំ ហើយកន្លងមកធ្វើការប្រមូលសន្និធិ នឹងដឹកជញ្ជូនព្រៃឈើគ្មានលិខិតអនុញាតពីជំនាញរដ្ឋបាលព្រៃឈើ ក្លាយជារបបរកស៊ីចិញ្ចឹមជិវិតរបស់គេទៅហើយ។ ជននេះមិនត្រឹមតែកាប់បំផ្លាញព្រៃឈើនោះទេ ថែមទាំងដឹកឈើធ្វើអោយខូចផ្លូវ និងស្ពានទៀតផង ជាក់ស្តែងនៅថ្ងៃទី១១ ខែមិថុនា ឆ្នាំ២០១៦ ឡានដឹកឈើរបស់គេបានឆ្វើអោយបាក់ស្ពាននៅចំណុច ភូមិជយ័សេនា ឃុំកោះស្លា ស្រុកឈូក ខេត្តកំពត៕
