កំពង់ឆ្នាំង ៖ នៅចំណុចស្ទឹងប្រពុត ចំណុចពាមបាលូង .បឹងជួងតូចជួងធំ.ចំណុចស្ទឹងស្លាប់មកទល់ព្រែកចង្កៀងនិងចំណុចស្ទឹងហូទៅទល់ចំណុចព្រែករាំង មានបទល្មើសសម្រាស់រាប់រយដុំ។បទល្មើសនេសាទដាក់សម្រាសនេះស្ថិតនៅក្នុងការគ្រប់គ្រងកាងពីសំណាក់លោកមេឃុំសំរោងសែន ឡុង គឹមហុង និងមានឈ្មះសុខ ជាអ្នកប្រមូលលុយតាមសម្រាស់ក្នុង សម្រាស់១ដុំចាប់ពី១៥ម៉ឺនរៀលទៅ៣០ម៉ឺនរៀល(សម្រាស់តាមព្រែក)រីឯសំម្រាស់តាមបឹងក្នុង១ដុំចាប់ពី១០ម៉ឺនរៀលទៅ២០ម៉ឺនរៀលដោយសំអាងថា៖សំរាប់រត់ការបង់លុយអោយសមត្ថកិច្ចជំនាញជលផលនិងសមត្ថកិច្ចពាក់ព័ន្ធ។ប្រជាពលរដ្ឋប្រកបរបរដាក់សម្រាស់បានប្រាប់អ្នកយកព័ត៌មានយើងដឹងថាការហ៊ំសម្រាស់ព័ទ្ធចាប់ត្រីបានគឺត្រូវបង់លុយអោយលោកមេឃុំនិងឈ្មោះសុខជាអ្នករត់ការទើបអាចប្រព្រឹត្តទៅបានយ៉ាងរលូន។
ចំណែកការប្រមូលផលតនេសាទបានត្រូវតែលក់អោយកូនរបស់លោកមេឃុំឈ្មោះឡុន គីមហៃ ដែលជាម្ចាស់យឿទិញត្រីនិងជួយលុយដល់អ្នកបង្កបទល្មើសសម្រាស់។
ពាក់ព័ន្ធករណីខាងលើបើតាមសំដីរបស់លោមេឃុំឡុង គឹមហុងបានអះអាងប្រាប់ប្រជាពលរដ្ឋថា៖កុំទៅខ្លាចអីបើមានសមត្ថកិច្ចឬមានអ្នកកាសែតទៅរករឿងព្រោះការហ៊ុំសំម្រាស់នេះអាចថ្វើទៅបានដោយមានការអនុញ្ញាតិអោយហ៊ុំពីរលោកអភិបាលខេត្តដើម្បីយកសន្លឺកឆ្នោត(ស៊ិក)។
តែតាមធាតុពិត លោក ឡុង គឹមហុងបាន យកឈ្មោះថ្នាក់ដឹកនាំអោយមកប្រើដើម្បីឲ្យកូនចៅដើរប្រមូលលុយពីអ្នកដាក់សម្រាស់់ជាប្រយោជន៍ផ្ទាល់ខ្លួន តែប៉ុណ្ណោះ។នៅពេលមានបញ្ហាលោកមេឃុំច្រើនយកលេសយកឈ្មោះប្រជាពលរដ្ឋមកដាក់មុខដើម្បីបិទបាំងនូវទង្វើឃុបឃិតរបស់ខ្លួនដែលប្រព្រឹត្តជាមួយឈ្មួញនិងជនល្មើស ងាយស្រួលយកលុយដាក់ហោប៉ៅរៀងៗខ្លួន។
ពាក់ព័ន្ធនិងសកម្មភាពកាងបទល្មើសខាងលើរបស់លោកមេឃុំជើដប់ ឡុង គឹមហុងប្រជាពលរដ្ឋនិយាយថា៖ ល្មមដល់ពេលលោកងិន ហ៊ុនប្រធានមន្ទីរកសិកម្មខេត្តនិងឯកឧត្តមអភិបាលខេត្តកំពង់ឆ្នាំង ឈួ ច័ន្ទឌឿនហៅគាត់មកដុះក្អែលម្ដងហើយព្រោះលោកមេឃុំរូបនេះគាត់ចូលចិត្តយកឈ្មោះថ្នាក់ដឹកនាំមកមកលេងល្បិច(តាមរបៀបកន្ទេលធំបន្លំដេក)ដើម្បីប្រយោជន៍បក្ខពួកក្រុមគ្រួសាររបស់គេលើគំនរទុក្ខរបស់ប្រជាពលរដ្ឋដេលគ្នាគ្មានលទ្ធភាព៕