ខេត្តត្បូងឃ្មុំ ៖ នៅរសៀលថ្ងៃទី៣ ខែមេសា ឆ្នាំ២០១៧វេលាម៉ោង១ និង១៥នាទី មានករណីគ្រោះថ្នាក់ចរាចរណ៍មួយកើតឡើងនៅចំណុចផ្លូវជាតិលេខ៧នៅភូមិសង្គមមានជ័យចាសឃុំមេមត់ស្រុកមេមត់ខេត្តត្បូងឃ្មុំ ហេតុការណ៏គ្រោះថ្នាក់ខាងលើបង្កឡើង ដោយរថយន្តម៉ាកវីហ្គោពណ៌សពាក់ ស្លាកលេខរដ្ឋ 10 2.0242 បើកបរដោយមន្ត្រី គយក្នុងល្បឿនលឿនបានទៅបុកនិងរថយន្តមួយគ្រឿងទៀតម៉ាកវីហ្គោពណ៌ខ្មៅពាក់ ស្លាកលេខ ភ្នំពេញ2P5896 ជារថយន្តរបស់ពលរដ្ឋដែលចេញមកពីឆេងម៉េង (សែនថ្នូដូនតា) សំណាងល្អមិនបង្កឲ្យមានមនុស្សស្លាប់ដល់អាយុជីវិត។
ពាក់ពន្ធ័និងករណី រថយន្តមន្ត្រីគយបើកបុករថយន្តពលរដ្ឋខាងលើ អ្នកភូមិនៅកន្លែងកើតហេតុ បានរិះគន់អ្នកបើកបររថយន្តគយថា មិនប្រុងប្រយត្ន័ បើករថយន្តបុកគេហើយមិនទទួលខុសត្រូវ មិនតែប៉ុណ្ណោះ មន្ត្រីគយខាងលើបានចុះពីលើរថយន្តខ្លួន ស្ទុះទៅចាប់ទាញកអាវពលរដ្ឋដែលជាជនរងគ្រោះនោះ ថា បើករថយន្តមិនចេះមើលមន្ត្រីរាជការទៀតផង ។
យ៉ាងណាក៏ដោយពាក់ពន្ធ័នឹងករណីរថយន្តគយបើកបុករថយន្តពលរដ្ឋពីក្រោយនៅស្រុកមេមត់ខេត្តត្បូងឃ្មុំពលរដ្ឋជាច្រើនបានរិះគន់ដល់មន្ត្រីគយដដែលនោះថា អាងខ្លួនជាមន្ត្រីគយយកអំណាចរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុមកគំរាមហើយក្របួច ក អាវ ជនរងគ្រោះរកវាយតប់ថែមទៀតប្រជាពលរដ្ឋបានសំណូមពរដល់មន្ត្រីខាងលើមេត្តាពិនិត្យលើលទ្ធភាពមន្ត្រីរបស់ខ្លួនឲ្យបានល្អផង ព្រោះសម័យហ្វេសប៊ុកនេះ ពលរដ្ឋលោកយល់ដឹងច្បាប់ជាងពួកមន្ត្រីជើង១០ខ្លះទៀតក៏មាន ៕
