ខេត្តពោធិ៍សាត់ ៖ រមនីយ៍ដ្ឋានកោះថាស់ និងសំណង់ធារាសាស្ត្រទំនប់ដំណាក់អំពិល ដែលកាលពីមុនមានមនុស្សម្នាភ្ញៀវទេសចរណ៍ទាំងក្នុងស្រុក និងក្រៅស្រុកទៅទស្សនា និងលេងកំសាន្តយ៉ាងច្រើនកុះករ ហើយប្រជាពលរដ្ឋ ដែលធ្លាប់តែបានទាញយកចំណូលពីការលក់ដូរទំនិញនិងម្ហូបអាហារនៅទីនោះកំពុងប្រឈមនឹងការរលាយហិនហោចដោយសារអាជីវកម្ម បូមខ្សាច់លោកជំទាវ ម៉ៅ ធនិន ។
តាមសេចក្តីរាយការណ៍របស់ប្រជាពលរដ្ឋបានឲ្យដឹងថា ៖ ឥឡូវទីតាំងនោះបានក្លាយទៅជាទីតាំងការដ្ឋានបូមខ្សាច់អស់ ហើយដោយគេយកគ្រឿងចក្រ និងម៉ាស៊ីនបូមខ្សាច់បូមយកខ្សាច់និងជីកដីផ្ដាច់កោះថាស់នោះទៀតផង ។ រមណីយ៍ដ្ឋានកោះថាស និងទំនប់ទ្វារទឹកដំណាក់អំពិល បច្ចុប្បន្នបានក្លាយជាទីស្ងាត់ជ្រងំ ពុំមានមនុស្សម្នាភ្ញៀវទេសចរណ៍ទៅទស្សនាកសាន្ត ដូចមុនទៀតទេ ដោយសារតែគ្មានការយកចិត្តទុកដាក់ពីចៅហ្វាយខេត្ត ។
លោក ហួត ថៅកែការដ្ឋានបូមខ្សាច់ នៅចំណុចខាងក្រោមទំនប់ដំណាក់អំពិល បានប្រាប់អ្នកយកព័ត៌មានយើងអោយដឹងថា ៖ ក្រុមហ៊ុនរបស់លោកសព្វថ្ងៃស៊ីឈ្នួលបូមខ្សាច់ លោកអភិបាលខេត្តដោយក្នុងប៉ែល AX(មួយម៉ែតគូប) ត្រូវបង់លុយអោយខេត្តចំនួន 1$ ស្មើនឹង៤០០០រៀល ដែលក្នុង១ប៉ែល លក់បានតម្លៃត្រឹមតែ៨០០០រៀលប៉ុណ្ណោះ។
លោកបន្តថា លុយដែលត្រូបង់ឲ្យខេត្តសព្វថ្ងៃ គឺត្រូវតែគ្រប់ចំនួនសូម្បី១ប៉ែល ក៏មិនអាចខ្វះបានដែរ មិនដឹងថា គេយកលុយនោះទៅបង់ចូលថវិការាជាតិឬអត់នោះទេ បើអ្នកសារព័ត៌មានចង់ដឹ ងឬចង់សួរអីសូមសួរទៅសួរលោកអភិបាលខេត្តទៅ ។
ចំណែកលោក ហួត បញ្ញវុធ (ហៅម៉ៅ) ម្ចាស់អាជីវកម្មបូមខ្សាច់នៅការដ្ឋានកោះថាស់ បានប្រាប់អ្នកយកព័ត៌មានយើងតាមទូរស័ព្ទ កាលពីរសៀលថ្ងៃទី០១ មេសា ២០១៧ ថា ក្រុមហ៊ុនគាត់ស៊ីឈ្នួលបូមខ្សាច់អោយលោកជំទាវ បើចង់ដឹងអោយសួរទៅលោកជំទាវនោះទៅ ដែលមានលេខទូរស័ព្ទ ០៨៨ ៤៥ ៥៥ ៥៦០ ។ ចំណែកលោកជំទាវ ហ៊ុន ចាន់ធី បានប្រាប់អ្នកយកព័តមានយើងតាមទូរស័ព្ទ កាលពីរសៀលថ្ងៃទី០១ មេសា ២០១៧ ថា ក្រុមហ៊ុនរបស់គាត់ឈ្មោះក្រុនហ៊ុន (HT) មានច្បាប់ត្រឹមត្រូវបើមិនមានច្បាប់គេមិនអាចបូមខ្សាច់នៅទីនោះបានទេ? ។
ពាក់ព័ន្ធនឹងករណីខុបឃឹតគ្នារកស៊ីខាងលើត្រូវបានប្រជាពរលរដ្ឋរិះគន់ព្រោះបានមើលឃើញថា ៖ លោកអភិបាលខេត្តពោធិ៍សាត់ និងប្រពន្ធសុទ្ទតែមានភាគហ៊ុនជាមួយម្ចាស់អាជីវកម្មបូមខ្សាច់ទាំងអស់ ដែលបាននិងគំពង់បំផ្លាញបរិស្ថាន ដោយគ្មានការដេញថ្លៃឬវាយតម្លៃផលប៉ះពាល់អ្វីឡើយ ។ តើល្មមអង្គភាពប្រឆាំងអំពើរពុករលួយមើលឃើញតាមច្បាប់ប្រឆាំងអំពើរពុករលួយអត់? ៕