ត្បូងឃ្មុំ ៖ មានសេចក្តីរាយការណ៍ថា ឈើប្រណីត២ឡានយីឌុបដែលគយនិងប៉េអឹមចាប់បានកាលពីល្ងាចថ្ងៃទី៣១ ខែមីនា ឆ្នាំ២០១៧ នៅតាមផ្លូវក្នុងចំការកៅស៊ូមួយនៅក្នុងស្រុកមេមត់ ខេត្តត្បូងឃ្មុំ ពេលកំពុងធ្វើដំណើរនាំចេញទៅប្រទេសវៀតណាម តាមច្រកទន្លូង ក្នុងខេត្តត្បូងឃ្មុំកំពុងត្រូវបានគេច្នៃឲ្យទៅជាឈើស្របច្បាប់ក្រោមអាជ្ញាបណ្ណ័ឧកញ៉ាគិតម៉េង នៅសេសាន២(ស៊ិក)។រថយន្តធុនយក្សដឹកឈើប្រណិត២គ្រឿង ដែលត្រូវបានកម្លាំងគយចល័តចាប់បាននោះ គឺមួយគ្រឿងកំពុងធ្វើដំណើរជិះចេញពីផ្លូវជាតិលេខ៧ ប្រមាណ១០គីឡូមែត្រ និងមួយគ្រឿងទៀត ជិះចុះពីផ្លូវជាតិប្រមាណ២-៣គីឡូម៉ែត្រ ស្ថិតនៅក្នុងស្រុកមេមត់ ខេត្តត្បូងឃ្មុំ។លោក ព្រាប គារ៉ាតមេគយចលត័ប្រចាំផ្លូវជាតិលេខ១និងលេខ៧៨ បានឲ្យដឹងថា៖រថយន្តដឹកឈើប្រណិតទាំង២គ្រឿង នេះមិនមានឯកសារ អ្វីទាំងអស់ ទើបកម្លាំងគយចល័តបង្ក្រាប ។តែក្រោយពីចាប់បានតិចម្ចាស់ឈើបានរត់ការសម្រួល។
ឧត្ដមសេនីយ៍ទោ អេង ហ៊ី អ្នកនាំពាក្យអាវុធហត្ថលើផ្ទៃប្រទេសឲ្យដឹងថា៖ ក្រុមហ៊ុនអងអាសូស៊ិអេតឡយឺរ( Ang and Associates Lawyers) ជាបុត្រសម្ព័ន្ធរបស់ក្រុមហ៊ុនរ៉ូយ៉ាល់ គ្រុបរបស់លោក គិត ម៉េង បានបង្ហាញលិខិតអនុញ្ញាតដែលចេញដោយរដ្ឋាភិបាលដល់មន្ត្រីគយនៅថ្ងៃបន្ទាប់អំពីសិទ្ធិដឹកឈើពីខេត្តស្ទឹងត្រែងកន្លែងដែលគេកាប់រានដើម្បីសាងសង់ទំនប់វារីអគ្គិសនីសេសានក្រោម២ជាគម្រោងរួមគ្នារវាងក្រុមហ៊ុន រ៉ូយ៉ាល់ គ្រុប និងក្រុមហ៊ុនហាយដ្រូឡានកាង អ៊ិនធើណេសិនណល អ៊ែនណើជីរបស់ចិនតាំងពីឆ្នាំ២០១៥។
លិខិតអនុញ្ញាតនេះអនុញ្ញាតឱ្យក្រុមហ៊ុន Ang and Associates ប្រើរថយន្តពីរគ្រឿងដឹកឈើចេញពីកន្លែងសាងសង់ទំនប់វារីអគ្គិសនីនេះ ដោយរថយន្តនីមួយៗដឹកឈើប្រភេទលេខ១ ចំណុះក្រោម១៨ម៉ែត្រគូប។ទោះជាយ៉ាងណាលិខិតនេះមិនបានអនុញ្ញាតឱ្យក្រុមហ៊ុននេះដឹកឈើទៅប្រទេសវៀតណាមទេ ដែលត្រូវបានហាមឃាត់ជាផ្លូវការមិនឱ្យនាំឈើចេញពីកម្ពុជាចាប់តាំងពីខែមករា ឆ្នាំ២០១៦មក។”កងរាជអាវុធហត្ថខេត្តបានរាយការណ៍ប្រាប់យើងថា រថយន្តទាំងពីរគ្រឿងនេះដឹកឈើទៅប្រទេសវៀតណាម។ ខ្ញុំមិនប្រាកដថាតើរថយន្តទាំងពីរគ្រឿងនេះដឹកឈើខុសច្បាប់ឬយ៉ាងណានោះឡើយ ពីព្រោះមន្ត្រីរបស់យើងកំពុងធ្វើការផ្ទៀងផ្ទាត់ឯកសារជាមួយនឹងឈើនៅលើរថយន្តទាំងពីរគ្រឿងនេះ”។ឧត្ដមសេនីយ៍ទោ អេង ហ៊ី ដោះស្រាយ!។
លោក ចាន់ តារា ជំនួយការលោក ហ៊ាង សុភក្ត្រ ព្រះរាជអាជ្ញាអមសាលាដំបូងខេត្តត្បូងឃ្មុំ បាននិយាយពីមូលហេតុដែលឃាត់ឡានថា៖ “ព្រះរាជអាជ្ញាបានបញ្ជាឱ្យកងរាជអាវុធហត្ថខេត្តឃាត់រថយន្តទាំងពីរគ្រឿងនេះ ពីព្រោះរថយន្តទាំងនេះកំពុងត្រៀមបើកឆ្លងព្រំដែន។អ្នកបើកបរបានប្រាប់មន្ត្រីគយថា ពួកគេបានដឹកឈើនេះឱ្យក្រុមហ៊ុនAng abd Associatesហើយថា ឈើនេះនឹងដឹកទៅប្រទេសវៀតណាម។
ទោះជាមានការហាមឃាត់ក៏ដោយតែបើតាមទិន្នន័យគយវៀតណាមដេលទទួលបានពីអង្គការ Forestry Trends ជាអង្គការមិនមែនរដ្ឋាភិបាលរបស់អាមេរិកបង្ហាញថា កម្ពុជាបាននាំចេញឈើ និងឈើអាររួចជាង៣១០.០០០ម៉ែត្រគូបទៅកាន់ប្រទេសវៀតណាមក្នុងឆ្នាំ២០១៦ ដោយគិតជាទឹកប្រាក់សរុប១៨១លានដុល្លារ។
ក្រុមហ៊ុនរ៉ូយ៉ាល់គ្រុបរបស់លោកឧកញ៉ា គិត ម៉េងគឺជាក្រុមហ៊ុនដែលទទួលបានសិទ្ធកាប់ប្រមូលឈើពីបាតអាងដែលត្រូវធ្វើទំនប់វារីអគ្គិសនីសេសាន២តាំងពីឆ្នាំ២០១៦៥។ក្រុមហ៊ុននេះ បានរងការចោទប្រកាន់ពីសំណាក់អង្គការមិនមែនរដ្ឋាភិបាល និងអ្នកភូមិក្នុងខេត្តស្ទឹងត្រែងថាបានប្រើប្រាស់ទំនប់វារីអគ្គិសនីដើម្បីចាប់ផ្ដើមការកាប់បំផ្លាញព្រៃឈើដោយខុសច្បាប់នៅក្រៅតំបន់អនុញ្ញាត។
ឈ្មួញឈើដែលប្រជាពលរដ្ឋរាយការណ៍ថាជាអ្នកប្រមូលកាប់ឈើពីខាងក្រៅក្រោមអាជ្ញាបណ្ណ័របស់ឧកញ៉ាគិតម៉េងមានឈ្មោះថាម៉ឹកសុផាណារ៉េតហៅជ័យដែលជាឧត្តមសេនីយ៍និងជាឧកញ៉ាផងដែរដែលជាអតីតប្រធានក្រុមហ៊ុនហួតម៉េងរីតាដែលថ្លាប់បានធ្វើសកម្មភាពមិនតិចជាង១០ឆ្នាំក្នុងការកាប់និងជួញឈើនៅក្នុងខេត្តឧត្តរមានជ័យនិងព្រះវិហ៊ារទៅស្រុកយួន ៕
