ប៉ៃលិន៖ភ្នាក់ងារកាសែត មួយ ត្រូវបានទាហ៊ានមានឋានៈជាមេគ ប្រចាំការនៅច្រកបឹងឆ្នាំង ចំណុះឲ្យកងការពារព្រំដែនលេខ៥០៤ (ស្រែម្អម) ស្រុកសាលាក្រៅ ខេត្តប៉ៃលិនគម្រាម ហើយយកទូរស័ព្ទដៃ ដែលថតបទល្មើសគ្រឿងចក្រកាយដីភ្នំខុសច្បាប់យកលក់ ទៅលុបរូបចោល កាលពីវេលាម៉ោង៩និង៥០នាទីព្រឹក ថ្ងៃទី១ ខែមេសា ឆ្នាំ២០១៧ ស្ថិតនៅចំណុច ជើងភ្នំកុយ ក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន។
អ្នកកាសែតដែលត្រូវនាយទាហាន(មេគ) គម្រាមមានឈ្មោះ សេង សុវណ្ណារិទ្ធ ភេទប្រុស អាយុ៣៨ឆ្នាំ បម្រើការឲ្យស្ថាប័នកាសែតកម្ពុជាថ្មី ប្រចាំខេត្តប៉ៃលិន រស់នៅភូមិចំការកាហ្វេ សង្កាត់ទូលល្វា ក្រុងប៉ៃលិន ខេត្តប៉ៃលិន ។ ចំណែកមេទាហាន(មេគ) លួចកាយដីឈ្មោះ ប៉ាន់ សុធា ភេទប្រុស អាយុប្រហែលជាង៤០ឆ្នាំ ប្រចាំការនៅច្រកបឹងឆ្នាំង ស្រុកកំរៀង ខេត្តបាត់ដំបង បច្ចុប្បន្នរស់នៅភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន។
ប្រភពពីជនរងគ្រោះ បានឲ្យដឹងថា ៖ មុនពេលកើតហេតុ គាត់បានចុះទៅយកព័ត៌មានពាក់ព័ន្ធដំណាំស្រូវ ក្នុងភូមិភ្នំកុយ ក៏បានឃើញរថយន្តដឹកដី កំពប់លើផ្លូវយ៉ាងច្រើន ហើយ ក៏ចាប់ផ្តើមថតរូបដីធ្លាក់លើផ្លូវ និងបន្តទៅទីតាំង ដែលរថយន្តនិងគ្រឿងចក្របានកាយដីទាំងនោះដើម្បីទំនាក់ទំនងសួរ។ ទៅដល់ទីតាំងកាយដីជើងភ្នំកុយ ក្នុងភូមិភ្នំកុយ ឃើញគ្រឿងចក្រកាយដី រួចហើយ ជនរងគ្រោះក៏បានទៅថត ដើម្បីយករូបភាព ស្របពេលកំពុងថតរូប ស្រាប់តែមានបុរសម្នាក់ ដែលគេស្គាល់ថាជាទាហាន បានមកគម្រាមម៉េចក៏ថតមិនសុំគេហើយមេទាហាននោះ បានចាប់ដកយកទូរស័ព្ទដកយកម៉ាកSAMSUNG S5 ពណ៌ស ពីលោកសេង សុវណ្ណារិទ្ធ(ជនរងគ្រោះ) ។
ចំណែកជនរងគ្រោះ បានចេញពីកន្លែងកើតហេតុ រួចក៏ទំនាក់ទំនងទៅអភិបាលស្រុកសាលាក្រៅ និងមន្ត្រីជំនាញផ្សេងៗ ដើម្បីជួយអន្តរាគមន៍យកទូរស័ព្ទមកវិញ លុះនៅវេលាម៉ោង១០និង៣៥នាទីព្រឹកថ្ងៃដដែល បានឃើញមេការគ្រឿងចក្រយកទូរស័ព្ទមកឲ្យជនរងគ្រោះវិញ ដើម្បីបញ្ចាប់រឿង។ ចំណែក ឈ្មោះ ប៉ាន់ សុធា ជាមេទាហាន(មេគ) និងជាអ្នកដកយកទូរស័ព្ទពីអ្នកកាសែត បានទទួលស្គា់ថា ៖ ដីនៅចំណុចដែលកើតហេតុ មិនមែនជាដីលោក(ជនសង្ស័យ)នោះទេ វាជាដីរដ្ឋ(ដីភ្នំ) ហើយគ្រឿងចក្រដែលកំពុងកាយដីជើងភ្នំនេះគឺជនសង្ស័យ បានជួលមកកាយ ដើម្បីពង្រីកធ្វើស្រះទឹក។
ករណីដែលដក យកទូរស័ព្ទពីអ្នកកាសែតនោះ ព្រោះតែលោកខឹងថា មុននឹងមកថតមិនចេះសួរនាំគេ ។ ចំណែកដីដែលគ្រឿងចក្រកំពុងកាយនេះ លោកបានប្រាប់លោក អាន់ សំអាត មេឃុំសាលាក្រៅរួចហើយដែរ។
ពាក់ព័ន្ធករណីថ្លើមធំលួចកាយដីសាធារណៈនិងដកយកទ្រព្យសម្បតិ្តអ្នកដទៃដោយគ្មានការអនុញ្ញាត(កំហែងយក)ដែលតាមនិយមន័យច្បាប់ហៅថាប្លន់ ត្រូវបានលោក សំ សារ៉េត អភិបាលស្រុកសាលាក្រៅមិនគាំទ្រដែរ។លោក មានប្រសាសន៍ថា៖ ទីតាំងដែលគ្រឿងចក្រកំពុងកាយដីខាងលើ លោកមិនបានដឹងនោះទេ តើហេតុអ្វីបានជាដកយកទូរស័ព្ទពីអ្នកកាសែតដូច្នោះ?។
ចំណែកលោកសុខសួនអនុប្រធានមន្ទីររ៉ែនិងឋាមពលខេត្តប៉ៃលិនឲ្យដឹងថាគ្រឿងចក្រដែលកាយដីខាងលើគ្មានច្បាប់ទេ។ផ្ទុយទៅវិមន្ត្រីបរិស្ថានវិត្រូវបានគេរាយការណ៍ថាក្រោយពីដឹងរឿងនេះបែរជាទៅគោះលុយទាហ៊ានហើយសំងំឈឹង? ។
លោក ពេជ្រ សំបូ ប្រធានការិយាល័យច្បាប់សាលាខេត្តប៉ៃលិនចាត់ទុកសកម្មភាពលួចកាយដីបង្កដោយឈ្មោះគឺខុសនិងថាអ្នកកាសែតអាចដាក់ពាក្យប្តឹងបាន ។ ចឹងករណីខាងលើនេះឈ្មោះប៉ាន់ សុធាដែលអាងខ្លួនជាទាហ៊ានប្រព្រឹត្តកំហុសពីរ ។ ទីលួចកាយដីភ្នំលក់និងទី២គម្រាមប្លន់ទូរសព្ទអ្នកកាសែតដែលបំពេញភារកិច្ច៕