ខេត្តរតនគិរី ៖ អភិបាលក្រុងសន្យាថា នឹងសំអាតទីក្រុងជាប្រចាំ មិនសំអាតតែនៅពេលបុណ្យជាតិធំៗនោះទេ ធ្វើបែបនេះគឺសំដៅទៅរកការទាក់ទាញភ្ញៀវទេសចរណ៍ជាតិនិងអន្តរជាតិ។
ថ្ថ្លែងសន្យានេះ គឺនៅពេលអភិបាលក្រុងត្រូវគេឃើញ បានដឹកនាំមន្ត្រីក្រោមឱវាទចុះសំអាតក្រុងនៅរសៀលថ្ងៃទី29 ខែមិនានេះ។
លោក ងិន ណែល អភិបាលក្រុងបានលុង ក្នុងសកម្មភាពកាត់សួនច្បារកណ្តាលក្រុង បានថ្លែងថា ការសំអាតទីក្រុងនេះ មិនមែនធ្វើតែនៅថ្ងៃបុណ្យជាតិធំៗទេ។ ចាប់ពីពេលនេះតទៅ លោកនឹងចាត់មន្ត្រីឬអ្នកថែសំអាតក្រុង អោយចុះសំអាតក្រុងជារៀងរាល់ថ្ងៃ មិនថាតែនៅតាមសាធារណៈទេ ក្នុងផ្ទះសំណាក់ ភោជនីយដ្ឋាន ទីកំសាន្ត រមណីយដ្ឋាននានា ដែលមាននៅក្នុងក្រុង គឺត្រូវអនុវត្តសកម្មភាពសំអាតជាប្រចាំ។ លោកថា ការសំអាតទីក្រុង គឺសំដៅទៅរកការទាក់ទាញភ្ញៀវទេសចរណ៍ជាតិ និងអន្តរជាតិ ដែលមកកំសាន្តខេត្តរតនគិរីនេះ។
ក្នុងពិធីចុះសំអាតអនាម័យនោះ លោក ងិនណែល ត្រូវគេឃើញបាននាំយកទឹកបរិសុទ្ធចែកដល់កំលាំងកម្មករ និងក្រុមមន្ត្រី បានពិសារផងដែរ។
កម្ពុជា ត្រូវគេឃើញថា កំពុងតែទាក់ទាញភ្ញៀវទេសចរណ៍ជាតិ និងអន្តរជាតិ ពីមួយថ្ងៃទៅមួយថ្ងៃ ដែលតម្រូវអោយរាជរដ្ឋាភិបាល កាន់យកចិត្តទុកដាក់ថែមទៀត ជុំវិញបញ្ហាសំអាតក្រុង ដែលការណ៍នេះទើបកម្ពុជាបានដាក់ចេញនៅនយោបាយប្រឡងប្រណាំងទីក្រុងស្អាតនៅទូទាំងប្រទេសនោះ៕
ដោយៈ យឹម សារិទ្ធិ
