ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង បានអញ្ជើញចូលរួមជាគណអធិបតី ក្នុងពីធីប្រគល់ ទទួលទូក ម៉ាស៊ីន ផលិតគណកម្មការគ្រប់គ្រងគ្រោះមហន្តរាយខេត្តបាត់ដំបង ម្ចាស់មូលនិធិ សហគមន៍ អឺរ៉ុប តាមរយៈអង្គការជំនួយ ព្រះវិហារ ដាណឺម៉ាក សហការរៀបចំដោយសាលាខេត្តបាត់ដំបង និងអង្កការជីវិតថ្លៃថ្នូរ កាលពីរសៀលថ្ងៃទី ១៤ ខែវិច្ឆិការ។
លោក ណុប ប៉ូលីន មន្ត្រីសំរបសំរួលអង្គការជំនួយព្រះវិហារដាណឺម៉ាក បានឱ្យអង្គការនេះចាប់ផ្តើមការងារ នៅឆ្នាំ១៩៩៧ ដោយផ្តោតលើបញ្ហា សន្តិសុខស្បៀងគ្រប់គ្រងគ្រោះមហន្តរាយ ការប្រែប្រួលអាកាសធាតុ និង អភិបាលកិច្ចល្អ ដោយបានសហការ ជាមួយអង្គការដៃគូ មួយចំនួនទៀតក្នុងការអភិវឌ្ឍន៍ មូលដ្ឋានក្នុងខេត្តបាត់ដំបង។ គម្រោងស្តារទឹកជំនន់ឡើងវិញ គឺមានរយៈពេល ១០ខែ ដោយចាប់ដំណើរការពីខែ ២ ឆ្នាំ២០១៤ និង បញ្ចប់នាចុងឆ្នាំ២០១៤ នេះ ដោយផ្តោតលើសកម្មភាពធំៗ ៣ ទី១ យើងផ្តល់ ថវិការចំនួន ២៤ ម៉ឺនរៀលដល់គ្រួសារក្រីក្រ ដែលរងគ្រោះដោយទឹកជំនន់កាលពីឆ្នាំ២០១៣ ក្នុងខេត្តបាត់ដំបង ដោយបានធ្វើការ ជ្រើសរើស បានជាង៩ពាន់គ្រួសារ ក្នុងនោះខេត្តបាត់ដំបង មានជាង ២៤០០ ក្នុងចំណោមប្រជាពលរដ្ឋសរុប នៃខេត្តចំនួន ៤ ដែល បានធ្វើការ មានខេត្ត ព,ស,ប,ប,ប,ជ និងខេត្តឧត្តរមានជ័យ។ គម្រោងទី២ នៅខេត្តបាត់ដំបង ដោយផ្តោត លើការស្តារអណ្តូង ឡើងវិញ ចំនួន ៨០ អណ្តូង ក្នុងចំណោម ១៦១ អណ្តូង នៅខេត្តទាំង៤ គម្រោងទី៣ គឺផ្តោតលើការងារសមត្ថភាព របស់គណៈ កម្មការគ្រប់គ្រង គ្រោះមហន្តរាយ ឃុំ ស្រុក ខេត្តដោយបានរៀបចំជាវគ្គ បណ្តុះបណ្តាល ពីសេសកម្មវិធីប្រគល់ទូកម៉ាស៊ីន នាពេលនេះ។
ឯកឧត្តម ច័ន្ទ សុផល បានសំដែងការអបអរសាទរ ចំពោះសហគមន៍ អឺរ៉ុបពិសេស អង្គការជំនួយព្រះវិហារដាណឺម៉ាក អង្គការជីវិតថ្លៃថ្នូរ សម្រាប់ជួយសង្គ្រោះប្រជាពលរដ្ឋដោយទឹកជំនន់។ រយៈពេលប៉ុន្មានឆ្នាំកន្លងទៅនេះ ការប្រែប្រួលអាកាសធាតុ កត់សំគាល់ឃើញថា មានកំរិតខ្ពស់ និងមានភាពមិនប្រក្រតី នៃប្រែប្រួលនេះ។ បញ្ហានេះបណ្តាលឱ្យមានគ្រោះមហន្តរាយកាន់តែ ច្រើនឡើង ធ្វើឱ្យប៉ះពាល់ធ្ងន់ធ្ងរដល់ការរស់នៅ និងការចិញ្ចឹមជីវិតប្រជាពលរដ្ឋយើង។ក្នុងរដូវវស្សា ឆ្នាំ២០១៣ កន្លងទៅនេះ ខេត្តបាត់ដំបងបានទទួលរងគ្រោះដោយទឹកជំនន់ជាទ្រងទ្រាយធំរួមផ្សំ និងខ្យល់ព្យុះ ភ្លៀងធ្លាក់ខ្លាំងជាបន្តបន្ទាប់ ធ្វើ់ឱ្យប៉ះពាល់ដល់ ប្រជាពលរដ្ឋជាង ៨៥ពាន់គ្រួសារ លិចលំនៅដ្ឋានប្រជាពលរដ្ឋ ជិត ៦៨ពាន់ ខ្នង ខូចខាតផ្ទអ ២២៣ ខ្នង បណ្តាលឱ្យមនុស្សស្លាប់ ៧ នាក់ និងប៉ះពាល់ដល់ហេដ្ឋារចនាសម្ពន្ធជាតិ ជាច្រើន។ ផលប៉ះពាល់ ដោយគ្រោះមហន្តរាយ បានធ្វើឱ្យបាត់បង់ អាយុជីវិតជនពិការចាស់ជរា និងស្ត្រីមានផ្ទៃពោះ ងាយរងគ្រោះជាងគេ។
ដោយមើលឃើញការលំបាកទាំងនេះ ទើបសហគមន៍អឺរ៉ុប បានផ្តល់ទួកម៉ាស៊ីន ៦ គ្រឿង ដល់គណកម្មការគ្រប់គ្រង គ្រោះ មហន្តរាយ ក្នុងនោះគណគ្របគ្រងគ្រោះមហន្តរាយខេត្តបាត់ដំបង ៥ គ្រឿង និងគណកម្មការគ្រប់គ្រងគ្រោះមហន្តរាយស្រុកមង្គលបុរី ខេត្តបន្ទាតមានជ័យ ១ គ្រឿង។
