មណ្ឌលគីរី ៖ បន្ទាប់ពីមានរបាយការណ៍របស់អគ្គស្នងការនគរបាលជាតិ រាយការណ៍ទៅសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ស្តីពីមានមន្ត្រីសមត្តកិច្ចនៅក្នុងខេត្តមណ្ឌលគិរីជាង១០នាក់ ជាប់ពាក់ពន្ធ័និងបទល្មើសឃុបឃឹតបើកដៃឲ្យយួន៧នាក់នាំឡានបង្កុងមកកាប់ឈើនៅតំបន់អូរហ៊ុចមកមានសេចក្តីរាយការណ៍មកថាថ្មីៗនេះមាន
មន្ដ្រីយោថាថ្នាក់ផ្កាយ ១ ត្រូវបានគណះកម្មការថ្នាក់ជាតិ ហៅទៅសួរនាំ ខណះដែលទាហាន ៥ រូបទៀតត្រូវបានសួរចម្លើយ។
ប្រភពពតិមានដែលសុំលាក់ឈ្មោះបានឲ្យដឹងថា៖ កាលពីថ្ងៃទី ១៦ ១៧ មិនា ឆ្នាំ២០១៧កន្លងទៅនេះ កម្លាំងគណះកម្មការថា្នក់ជាតិ ដែលដឹងនាំ ដោយឧត្តមសេនីយ៍ ឯក ហុងវិណុលមេបញ្ជារការរងប៉េអឹមលើផ្ទៃប្រទេស បានចេញលិខិត កោះហៅមន្ដ្រី ទាហាន ៥ រូបដែលសិទ្ធតែជាទាហានការពារព្រុំដែន ១០៣ អភិរក្សជីវះចំម្រុះសីមា ចំណុចអ៊ូហុច ក្នុងបទពាក់ពន្ធ័ករណី ពាក់ព័ន្ធកាកាប់បំផ្លាញ់ព្រៃឈើ ដែលត្រូវបានបង្រា្កប កាលពីថ្ងៃទី ២១ ខែកុម្ភះឆ្នាំ២០១៧ចាប់បានយួឲន៧នាក់មានវត្ថុតាងគ្រប់គ្រាន់។
លទ្ធផលចេញសុទ្ធតែជាថ្នាក់មន្ត្រីថ្នាក់ឧត្តមសេនីយ៍ ដែលមានការពាក់ព៍ន្ធ និងជាមេក្លោង ក្នុងការបើកផ្លូវឲជនជាតិវៀតណាមចូលមកកាប់ឈើយ៉ាងអណាធិបតេយ្យ។ ប្រភពពីមន្ត្រីថ្នាក់ខេត្តបានបង្ហើបឲ្យដឹងថា ឧត្តមសេនីយ៍ត្រី សាក់ សារ៉ាងមេប៉អឹមខេត្ត ឧត្តមសេនីយ៍ត្រី ឃិន ម៉េង ស្រេងមេយោថាខេត្ត ឧត្តមសេនីយ៍ត្រី ទូច យ៉ុនមេនគរបាលខេត្ត និងថ្នាក់រងជាច្រើនអ្នកទៀត ដែលត្រូវបានសង្ស័យ មានការពាក់ព័ន្ធ ត្រូវហៅមកសួរទាំងអស់ ក្នុងរឿងក្ដីដែលមានការពាក់ព័ន្ធស៊ីសំណូក សូកប៉ាន់នេះផងដែរ។
ប្រជាពលរដ្ឋក្នុងមូលដ្ឋាន ដ៏ដូចក្នុងខេត្តមណ្ឌលគីរី និងខេត្តដ៏ដៃទៀត កំពុងតែចាំមើលចំណាត់ការរបស់ថ្នាក់លើ និងត្រូវមានវិធានការយ៉ាងណាចំពោះមន្ដ្រី ដែលរកស៊ីបទល្មើសព្រៃឈើ សិទ្ធសឹងតែជាមន្ដ្រីជាន់ខ្ពស់ និងមានខ្សែ នៅក្នុងខេត្តនេះ ។ លទ្ធផលស្រាវជ្រាវដែលចុះហត្ថលេខដោយនាយឧត្តមសេនីយ៍នេតសាវឿនអគ្គស្នងការនគរបាលជាតិផ្ញើជូនសម្តេចក្រឡាហោមសខេងរដ្ឋមន្ត្រីក្រសួងមហាផ្ទៃកាលពីថ្ងៃទី ៩ ខែមីនា បានឲ្យដឹងថាមានថមន្ត្រីចំនួន ៣ នាក់បានឃុបឃិត និងទទួលប្រាក់ពីឈ្មួញឈើជនជាតិវៀតណាមឈ្មោះ អ៊ុក ញ៉ ចំនួន ១៧ ម៉ឺនដុល្លារព្រឹត្តបទល្មើស។
មន្ត្រីទាំង ៣ នាក់រួមមានឈ្មោះ ទា ខៃម៉េង ប្រធាន គ ៣ នៃយោធាក្នុងស្រុកកែវសីមា, ឯម សុងហ៊ួ ជាមន្ត្រីយោធាការពារព្រំដែនប្រចាំប៉ុស្តិ៍ អូរហ៊ុច និង ជុំ រតនា ជានាយប៉ុស្តិ៍នគរបាលការពារព្រំដែនអូរជុំ។ ទឹកប្រាក់ពុករលួយនេះត្រូវបានបែងចែកជា ២ ផ្នែកដែលក្នុងនោះចំនួន ៨៥ ០០០ ដុល្លារឲ្យមន្ត្រីយោធាគឺលោក ឯម សុងហ៊ួ និង ទា ខៃម៉េង។
រីឯទឹកប្រាក់ ៨៥ ០០០ ដុល្លារផ្សេងទៀតត្រូវលោក ជុំ រតនា ចែកទៅឲ្យលោក សាក់ សារុន មេបញ្ជាការអាវុធហត្ថស្រុកកែវសីមា ៥ ពាន់ដុល្លារលោក សាក់ សារ៉ាង មេបញ្ជាការអាវុធហត្ថខេត្ត ១ ម៉ឺនដុល្លារលោក ឌុល មន្ត្រីអាវុធហត្ថចល័តលើផ្ទៃប្រទេស ៧ ពាន់ដុល្លារលោក ណាក់ មន្ត្រីព្រៃឈើ ៦ ពាន់ដុល្លារ និងលោក លាង ភារ័ត្ន នាយប៉ុស្តិ៍នគរបាលការពារព្រំដែនអូរហុច ២២៥០០ ដុល្លារ។ នៅពេលដែលដឹកឈើចេញមេឈ្មួញរូបនោះក៏បង់លុយឲ្យមន្ត្រីទាំង ៣ នាក់នោះទៀតដែរ។
នាយឧត្តមសេនីយ៍ នេត សាវឿន សន្និដ្ឋានថា៖ «ឈ្មោះ ជុំ រតនា, លាង ភារ័ត្ន, ទា ខៃម៉េង, ឯម សុងហ៊ួ និងមេឈ្មួញវៀតណាម អ៊ុក ញ៉ ជាមេខ្លោងបានប្រព្រឹត្តអំពើឃុបឃិតគ្នាកាប់បំផ្លាញ ប្រមូល និងដឹកជញ្ជូនផលអនុផលព្រៃឈើ ឆ្លងដែនខុសច្បាប់ ទៅប្រទេសវៀតណាមពិតប្រាកដមែន»។
អគ្គស្នងការនគរបាលជាតិបានសំណូមពរ និងស្នើសុំគោលការណ៍ពីលោក ស ខេង រដ្ឋមន្ត្រីក្រសួងមហាផ្ទៃក្នុងការកសាងសំណុំរឿងរបស់លោក ជុំ រតនា និង លាង ភារ័ត្ន ទៅតុលាការដើម្បីចាត់ការតាមផ្លូវច្បាប់។
រីឯមន្ត្រីនគរបាល ៩ នាក់ត្រូវស្នើដាក់វិន័យដូចជាអប់រំ ព្រមាន និងផ្ទេរភារកិច្ចទៅកាន់កន្លែងផ្សេងក្នុងនោះមានឈ្មោះ ព្រំ វណ្ណៈ, យ៉ា សុផា, សា ផល្លា, ស្រេវ ម្នើប (នាយរងប៉ុស្តិ៍អូរជុំ), អន សំអាត, ប៊ុន ភារម្យ, សូត្រ ពន្លៃ, ពិត ជឿន, និង ពៅ ឆឡៃហៀង ៕
