ខេត្តព្រះវិហារ ៖ បើទោះជាក្រុមហ៊ុនដួងស្រួចប្រាប់ថាផ្អាកដំណើរការជាបណ្ដោះអាសន្នរយៈពេលពីរ.បីថ្ងៃមកនេះក៏ដោយតែបើគេគិតត្រឹមថ្ងៃទី២៥ខែមិនាឆ្នាំ២០១៧ គេនៅតែសង្កេតឃើញមានរថយន្តបង្កុងរាប់សិបគ្រឿងដឹកឈើហ៊ុបយកមកពីតំបន់នានាក្នុងស្រុកជាំក្សានចូលទៅក្នុងរោងចក្រអារឈើរបស់ក្រុមហ៊ុនដួងស្រួចស្ថិតក្នុងភូមិរំដោះស្រែឃុំរំដោះ ស្រែស្រុកជាំក្សានខេត្តព្រះវិហារ ដដែលក្រោមរូបភាពអារឈើអភិវឌ្ឈន៍គ្រួសារយោធិន។
បើតាមសេចក្តីរាយការណ៍ពីប្រជាពលរដ្ខបានបង្ហើបថា៖ ក្រុមហ៊ុនដួងស្រួចបានបំផុសឲ្យមានចលនាកាប់ឈើពីខាងក្រៅចូលក្រុមហ៊ុនក្រោមរូបភាពអភិវឌ្ឍន៍គ្រួសារយោធិនយ៉ាងផុលផុសនៅគ្រប់ទិសទីនៃស្រុកជាំក្សានខេត្តព្រះវិហារ។នៅក្រុមហ៊ុនដួងស្រួចពួកគេដាក់ម៉ាស៊ីនអាឈើប្រភេទ(ម៉ាស៊ីនរ៉ៃ)សម្រុកអារឈើនៅទីតាំងក្រុមហ៊ុននិងមានម៉ាស៊ីនអារឈើប្រមាណ៧ទៅ៨គ្រឿងទៀតដែលក្រុមឈ្មួញដាក់អារឈើនៅខាងក្រៅស្ថិតក្នុងភូមិបារមីតេជោសែន ឃុំយៀងស្រុកជាំក្សាន ខេត្តព្រះវិហារ ។
ក្រុមហ៊ុនឌួងស្រួចធ្លាប់បានដុតកំទេចឈើបំបាត់ភសត្តុតាងពេលដែលសម្តេចហ៊ុនសែនបង្កើតគណកម្មការស្រាវជ្រាវបង្ក្រាបបទល្មើសព្រៃឈើកាលពីដើមឆ្នាំ២០១៦ម្តងហើយ។
ប្រភពបានបង្ហើបអោយដឹងថា ជារៀងរាល់ថ្ងៃ គេឃើញមានរថយន្តយីឌុបផ្លូវ៥ប្រភេទយ័ក្សដឹកជញ្ជូនឈើចេញពីដីតំបន់នានាទាំងអស់នៅខាងក្រៅក្រុមហ៊ុនដោយហែកប៉េសេពីមេព្រៃតាមរយៈក្រុមហ៊ុនដួងស្រួច ដឹកយកទៅលក់នៅតាមបណ្ដាខេត្តនានា ។ ប្រភពព័ត៌មានបានឲ្យដឹងទៀតថាប៉េសេមួយសន្លឹកត្រឹម១៨ម៉ែត្រគូបប៉ុណ្ណោះ តែក្រុមឈ្មួញបានដឹកលើសការកំណត់ស្ទើតែគ្រប់ជើងរថយន្តទាំងអស់គឺក្នុង១រថយន្តចាប់ពី៤០ទៅ៤៥ម៉ែត្រគូប.។
ដោយជ្រកក្រោមផ្លាកហ៊ុនដួងស្រួចពួកគេបានដាក់ពង្រាយមេការរងឬកូនកញ្ច្រែងជាច្រើននាក់ដើរប្រម៉ូលទិញពីក្រុមអ្នករកស៊ីកាប់ឈើយ៉ាងអនាធិប្បតេយ្យក្នុងស្រុកជាំក្សាន ខេត្តព្រះវិហារក្នុងនោះគេបានស្គាល់ច្បាស់មានមនុស្សក់តែ៣នាក់ប៉ុណ្ណោះយកមកបង្ហាញគឺឈ្មោះថៃ គឹមហេង.ដែលអះអាងថា ៖ គេជាជំនួយការឯកឧត្ដម ស ថាវី អភិបាលខេត្តឧត្ដមានជ័យ.និងលោកពៅនិងលោកប៉េងអាន.ដែលពួកគេកំពុងប្រកូសប្រកាសដឹកនាំកម្លាំងនិងរថយន្តបង្កុងមកពីបណ្ដាខេត្តនានាកាប់និងដឹងជញ្ជូនឈើយ៉ាងកក្រើកដល់ប្រជាពលរដ្ឋនិងសមត្ថកិច្ចពាក់ព័ន្ធក្នុងខេត្តព្រះវិហារ ។
ព័ត៌មានខាងលើនេះប្រជាពលរដ្ឋបានសំណូមពរ សូមឯកឧត្តមនាយឧត្តមសេនីយ៏ សៅសុខាប្រធានគណកម្មការបង្ក្រាបថ្នាក់ជាតិនិងជា មេបញ្ជាការកងរាជអាវុធហត្ថលើផ្ទៃប្រទេស នឹងឯកឧត្តម វេងសាខុន រដ្ឋមន្ត្រីក្រសួងកសិកម្មរុក្ខាប្រម៉ាញ់នឹងនេសាទ មេត្តាត្រួតពិនិត្យក្រុមហ៊ុន ដួងស្រួច ដែលប្រើអាជ្ញាប័ណ្ណអភិវឌ្ឍន៍គ្រួសារយោធិនខុសគោលការណ៍នេះផងប្រសិនបើមិនទទួលបានលាភសក្ការៈពីក្រុមហ៊ុនដួងស្រួចនោះ ៕
