ភ្នំពេញ ៖ ករណីអង្គភាពប្រឆាំងអំពើពុករលួយចាប់ខ្លួនមន្ត្រី នគរបាលប្រឆាំងបទល្មើសសេដ្ឋកិច្ចម្នាក់ឈ្មោះ ហ៊ុយ ហឿន ពាក់សក្តិ៣ពីបទដើរជំរិតទារប្រាក់ដាក់ខែតាម ក្រុមហ៊ុន សហគ្រាសនានាក្នុងរាជធានីភ្នំពេញ ប្រមាណជាង១០០ទីតាំង ដែលមានតម្លៃចាប់ពី ២០០០០រៀលរហូតដល់១០០០ដុល្លារអាមេរិកក្នុង ១កន្លែងនាពេលថ្មីៗនេះបានធ្វើឲ្យមានការ ភ្ញាក់ផ្អើល និងរញ្ជួញនៅក្នុងនាយកដ្ឋាននគរបាលប្រឆាំងបទ ល្មើសសេដ្ឋកិច្វក្រសួងមហាផ្ទៃ ។ ករណីមួយនេះ ត្រូវបានគេវាយតម្លៃថា ជាសកម្មភាពអារកមានបន្លាចស្វាព្រោះកន្លងមកលោកឧត្តមសេនីយ៍ឯកវ៉ាន់ចាន់រឿនប្រធានាយកដ្ឋាននគរបាលមួយនេះ បានពង្រាយកូនចៅដើររកលុយឲ្យប្រសេចប្រសាចតែមិនដែលឃើញចេញសាច់ការអ្វីជាដុំកំភួនដែលនគរបាលប្រឆាំងបទល្មើសសេដ្ឋកិច្ចធ្វើបានរាប់តាំងពីថ្នាំពេទ្យក្លែងក្លាយបទល្មើសព្រៃឈើ ។ល។
ប្រភពពីមន្ត្រី នគរបាលនៅ ក្នុងនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃបានលួចបង្ហើបឲ្យដឹងថា ៖ ប៉ុន្មានថ្ងៃនេះ មានមន្ត្រីនគរបាលខ្លះ ត្រេកអរខ្លះភ័យខ្លួនថាមិនដឹងថាថ្ងៃណាជាថ្ងៃអន្សាររបស់ខ្លួន ។
ប្រភពបន្តទៀតថាអ្នកត្រកអរគឺ ក្រុមប៉ូលីស ដែលអត់ខ្សែអត់ខ្នងអត់បានប៉េ(លិខិតបេសកកម្ម)ចុះកាន់ ប៉ុស្តិ អត់មាន អំណាចដើម្បីបង្ក្រាបឬគោះបទល្មើសប្រមូល សេដ្ឋកិច្ច ។
ឯអ្នកភ័យខ្លាចវិញ គឺក្រុមមន្ត្រីនគរបាល សេដ្ឋកិច្ចដែលធ្លាប់ទទួលបានផលប្រយោជន៍ លាភ សក្ការៈពីបុគ្គល ឈ្មោះ ហ៊ុយ ហឿន នាពេលកន្លង មកព្រោះបារម្ភខ្លាច ក្រោយពេលតុលាការស៊ើបសួរ ជនសង្ស័យ ហ៊ុយ ហឿន បែកធ្លាយរាយការណ៍ថាមានការពាក់ ព័ន្ធដល់ខ្លួនទៅ។ ប្រភពបន្ត ទៀតថា អ្នកដែលភ័យជាង គេគឺលោកសក្តិ៤ ឯម កុសល ព្រោះមានឈ្មោះក្នុង បញ្ជីរខ្មៅរបស់ACU ពាក់ព័ន្ធជាមួយនិងឈ្មោះ ហ៊ុយ ហឿន ។
បន្ទាប់តទៅទៀត ក៏នឹងមានអ្នកធោមៗ ថ្នាក់ ឡូសជាមិនខាន បើសិន តុលាការស៊ើបអង្កេតឲ្យ ស៊ីជម្រៅដល់ឬសគល់នៃ ដើមចមដែលបង្កឲ្យមាន បទល្មើសនៃការដើរជំរិតទារប្រាក់ ដាក់ខែតាមក្រុម ហ៊ុន សហគ្រាស និងអាជីវករពីនគរបាលឈ្មោះ ហ៊ុយ ហឿន ។ ដោយឡែកខាងក្រុមអ្នករកស៊ីវិញ ទាំងក្រុមហ៊ុន សហគ្រាសតូចធំ អ្នកដឹកជញ្ជូន ទំនិញសព្វសារពើ ដែលធ្លាប់រងការគាបស៊ីលុយពីក្រុមមន្ត្រីនគរ បាល សេដ្ឋកិច្ចខិលខូចមួយចំនួនតួយ៉ាងដូច ហ៊ុយ ហឿន នេះជាដើមបាននាំគ្នាសប្បាយចិត្ត ហើយស្វាគមន៍ ចំពោះចំណាត់ការរបស់អង្គភាព ប្រឆាំងអំពើពុក រលួយ។
ព្រោះពួកគេរងការគាប ជំរិតទារប្រាក់ខុស ច្បាប់ពីសំណាក់បូលីសខិលខូចនេះយូរមកហើយ ។ តែទោះជាបានធូរចិត្តខ្លះក៏ដោយក៏ ក្រុមអាជីករខ្លះ បានលើកឡើងថា ករណីចាប់ប៉ូលីស ឈ្មោះ ហ៊ុយ ហឿន នេះគឺជារឿងចាប់ត្រីចង្វារ ដែលចិញ្ចឹមត្រី ឆ្តោរនៅឡើយទេ ពួកគាត់ចង់ឲ្យលោកទេសរដ្ឋមន្ត្រីឱមយ៉ិនទៀងប្រធាអង្គភាពប្រឆាងអំពើពុករលួយមានវិធាន ការចាប់ត្រី ឆ្តោរតែម្តងទៅ ទើបពួកអស់កង្វល់ ៕