បន្ទាយមានជ័យ ៖ ក្រុមហ៊ុនកាស៊ីណូឡាគីក្រុងប៉ោយប៉ែតដែលមានទីតាំងនៅជាប់និងរង្វង់មូលច្រកអន្តរជាតិ ស្ថិតក្នុងភូមិបោយបែតសង្កាត់និងក្រុងបោយបែតខេត្តបន្ទាយមានជ័យ បានប្រកាសបិទទ្វារថាក្ស័យធនភ្លាមៗ នៅល្ងាចថ្ងៃទី២៤មីនាដោយមិនបានជូនដំណឹងដល់អាជ្ញាធរនិងបុគ្គលិកឲ្យដឹងជាមុននោះទេ ។ ការប្រកាសក្ស័យធនទាន់ហន់ចឹង វាក៏បង្កឲ្យបុគ្គលិកខ្មែរស្លឈាមផងដែរ ព្រោះជិតដល់ថ្ងៃបើកប្រាក់ខែតែបែជាអត់ចឹង ។
តំណាងបុគ្គលិកម្នាក់មានអាយុ២៧ឆ្នាំឈ្មោះនូ សារឿងភេទប្រុស ក្នុងចំណោម២០០នាក់ផ្សេងទៀត បានឲ្យដឹងមុនថា៖ កាលពីព្រឹកថ្ងៃទី២៤មិនា២០១៧ប្រធានរដ្ឋបាលក្រុមហ៊ុននិងតំណាងក្រុមហ៊ុនបានចូលបន្ទប់ពិគ្រោះគ្នាមួយសន្ទុះហើយចេញមកវិញក៏ប្រកាសថាក្ស័យធន។ភ្លាមៗនោះពួកគេបានរុះរើតុល្បែងយ៉ាងលឿនធើ្វឲ្យបុគ្គលិកភ្ញាក់ផ្អើលនាំគ្នាតវ៉ាដើម្បីសុំបើកប្រាក់ខែ ដែលក្រុមហ៊ុនកាស៊ីណូនៅជំពាក់ពួកខ្លួនមិនទាន់បានបើកកាលពីខែមុនតែមិនទទួលបានលទ្ធផល ។
ពាក់ពន្ធ័និងបញ្ហាកាស៊ីឡាគីក្រុងប៉ោយប៉ែតប្រកាសក្ស័យធនខាងលើនេះ លោកង៉ោម៉េងជ្រូន អភិបាលក្រុងប៉ោយប៉ែតបានឲ្យដឹងតាមទូរសព្ទ័មកថា៖ លោកមិនទាន់ដឹងរឿងអ្វីទាំងអស់នៅឡើយទេ។ លោក ថា ខាងក្រុមហ៊ុនក៏មិនបានជូនដំណឹងមកលោក រីឯកម្មករដែលបំរើការងារនៅក្រុមហ៊ុនកាស៊ីណូនោះក៏មិនទាន់បានទៅពឹងពាក់លោកនៅឡើយដែរ(ស៊ិក) ។ គេមិនដឹងថា ពេលនេះ សមត្ថកិច្ចមានចំណាត់ការបែបណាចំពោះកាស៊ីណូនេះនៅឡើយ។
សូមបញ្ជាក់ថា កាស៊ីណូឡាក់គីក្រុងប៉ោយប៉ែតនេះ បានបើកកាលពីឆ្នាំ២០១៥ ក្រោមអធិបតីភាព លោក គោស៊ុម សារឿត ចៅហ្វាយខេត្តបន្ទាយមានជ័យ ។ កាស៊ីណូនេះ បើកល្បែងជល់មាន់និងល្បែងឲ្យខ្មែរចូលលេង ។ កាស៊ីណូនេះធ្លាប់បោកប្រាសប្រជាពលរដ្ឋដែលត្រូវឆ្នោត តែមិនបើកលុយឲ្យដោយសំអាងថាហួសម៉ោង ។ អាឡូវសុខៗ ប្រកាសក្ស័យធនហើយ ! តើអញណាទទួលខុសត្រូវ? ៕
