ខេត្តឧត្តរមានជ័យ ៖ ប្រជាពលរដ្ឋដែលធ្វើការឆ្លងដែនចេញចូលនៅតាមច្រកទ្វារអន្តរជាតិជាំសាងាំ ជាពិសេសពលរដ្ឋ ដែលទៅធ្វើការព្យាបាលជំងឺបានរិះគន់ទៅលើមន្ត្រីប៉ុស្តិ៍នគ បាលអន្តោប្រវេសន៍ប្រចាំច្រកអន្ត រជាតិជាំសាងាំស្រុកអន្លង់វែងខេត្តឧត្តរមានជ័យថា បានធ្វើការទាមទារគាបសង្កត់យកប្រាក់ពួកគាត់ តាមតែអំពើចិត្តតាមរយៈការធ្វើបណ្ណ័ព្រំដែនជូនពួកគាត់ទៅព្យាបាលជំងឺនៅប្រទេសថៃ។
លោកពូវ័យចំណាស់ម្នាក់ឈ្មោះ សៀន សារ ធ្វើដំណើរមកពីស្រុកជាំក្សាន្ដខេត្តព្រះវិហារ បានចូលទៅព្យាបាលជំងឺនៅឯប្រទេសថៃបានអោយដឹងកាលពីថ្ងៃអាទិត្យនេះថារូបគាត់និងអ្នកភូមិជាង១០នាក់ទៀតដែលបានទៅធ្វើការព្យាបាលជំងឺរួមគ្នាដែលពួកគាត់ទៅធ្វើការឆ្លងដែនរួមគ្នាបានធ្វើបណ្ណ័ឆ្លងដែននៅប៉ុស្ដិ៍នគបាលអន្តោប្រវេសន៍នៅច្រកអន្តរជាតិជាំសាងាំដោយមន្ដ្រីបំរើការនៅទីនោះតម្រូវអោយពួកគាត់បង់ប្រាក់ចំនួន១២ម៉ឺនរៀលគ្រប់ៗគ្នាជាកំណត់ ។ ដោយពួកគាត់មិនហ៊ានធ្វើការត៍វ៉ាដោយមិនដឹងថាសៀវភៅបន្ទុកនោះក្រសួងតម្រូវអោយបង់ប៉ុន្មាននោះឡើយ ។
រីឯស្ត្រីនៅអន្លង់វែងម្នាក់ឈ្មោះ ណែត អាយុ៤៥ឆ្នាំ បានលើកឡើងដូចគ្នានេះដែរ ដោយរូបគាត់បានទៅធ្វើបណ្ណ័ឆ្លងដែន ដើម្បីនាំបងប្អូនទៅព្យាបាលជំងឺនៅខេត្តស៊ីសាកេតប្រទេសថៃដោយមន្ត្រីនគបាលអន្តោប្រវេសន៍តម្រូវអោយរូបគាត់បង់ប្រាក់១២ម៉ឺនរៀលដូចគ្នាផងដែរ។
ជុំវិញការផ្ដល់បណ្ណ័ឆ្លងដែនទៅដល់ពលរដ្ឋនៅតាមបន្ទាត់ព្រំដែនលើសសៀវភៅបន្ទុករហូតដល់គុណនឹង៦នៃអនុក្រិតរបស់ក្រសួងដែលបានកំណត់ដោយគេកសង្សយ័ថាមានការឃុបឃិតគ្នារវាងប្រធានស្នាក់ការច្រកនិងប្រធានការិយាលយ័អន្តោបវេសន៍ច្រកជាំសាងាំ។ ដែលរឿងខាងលើបានកើតឡើងជាច្រើនឆ្នាំមកហើយរហូតមកដល់ពេលនេះនៅតែប្រព្រឹត្តល្មើសច្បាប់ដដែល។
ពលរដ្ឋដែលរស់នៅតាមបន្ទាត់ព្រុំដែនសូមអំពាវនាវដល់ប្រមុខរាជរដ្ឋាភិបាលក្រសូងពាក់ព័ន្ធ និងអភិបាលខេត្តឧត្តរមានជយ័ជំរុញអោយមានការកែទម្រង់ពោលគឺអោយមន្ដ្រីនគបាលអន្តោប្រវេសន៍បំរើការនៅច្រករបៀងជាំសាងាំស្រុកអន្លង់វែងគោរពតាមសៀវភៅបន្ទុកដែលជាអនុក្រិតរបស់ក្រសួងដើម្បីជៀសវាងការគាបសង្កត់ធ្វើបាបដល់ពលរដ្ឋក្រីក្រជានាក់នៅតាមចុងកាត់មាត់ញក។
ជុំវិញករណីខាងលើ ក្រុមការងារយើងមិនអាចសុំការបំភ្លឺបានទេទៅលោក យូ សុធារិទ្ធប្រធានស្នាក់ការនគបាលអន្តោបវេសន៍ជាំសាងាំបានទេពីព្រោះទូសព្ទ័ចូលពុំមាននាក់ទទួល។ក្រុមការងាយើងបានធ្វើការសុំការបំភ្លឺតាមទូសព្ទ័ទៅប្រធានស្នាក់ការច្រកទ្វាដោយលោកបានលើកឡើងថាលោកមិនបានដឹងរឿងអ្វីទាំងអស់។ នេះមិនខុសពីពាក្យគេតែងនិយាយថា ត្រីងៀតឆ្លៀតពង ត្រីក្នុងសូង ឆ្លៀតបណ្ដើរកូនមែន៕
