ក្រចេះ ៖ អគ្គីភ័យបានឆាបឆេះផ្ទះប្រជាពលរដ្ឋអស់មួយខ្នង ធ្វើឲ្យមានការភ្ញាក់ផ្អើលទាំងកណ្តាលថ្ងៃត្រង់ បណ្តាលមកពីពីជាងផ្សារដំបូលដែក ។ ហេតុការណ៏នេះកើតឡើងនៅចំនុចភូមិស្រែស្តៅ សង្កាត់អូរឫស្សី ក្រុងក្រចេះ កាលពីវេលាម៉ោងជាង១រសៀលថ្ងៃទី២៤ខែមីនាឆ្នាំ២០១៧។
លោក នេត លីន អធិការក្រុងក្រចេះបានបញ្ជាក់ឲដឹងថាម្ចាស់ផ្ទះប្តីឈ្មោះប៉ុន សំបូរ អាយុ៣៣ឆ្នាំ ប្រពន្ធឈ្មោះ សែម សុគន្ធា អាយុ២៩ឆ្នាំ រស់នៅកន្លែងកើតហេតុខាងលើ ។ ភ្លើងឆាបឆេះផ្ទះសង្ក័សី ទំហំទទឹង១២មែត្របណ្តោយ១៥មែត្រ ដែលបណ្តាលមកពីជាងផ្សារដំបូលដែកជ្រុះផ្កាភ្លើងមកលើដំបូលបណ្តាលឲមានភ្លើងឆេះតែម្តង។
លោកបានបន្តទៀតថា ផ្ទះនេះខូចខាតស្ទើតែអស់នឹងសម្ភារះលក់ដូរក្នុងផ្ទះសរុបអស់ប្រហែលចំនួន១៥ម៊ឺនដូល្លា។ក្នងហេតុការនោះសមត្ងកិច្ចប្រើរថយន្តពន្លត់អគ្គីភ័យចំនួន៣គ្រឿងចុះទៅជួយបាញ់អន្តរាគមន៏បាញ់ពន្លត់ដោយប្រើទឹកអស់ចំនួន១២រថយន្តទើបរលត់ទាំងស្រុង។
លោកអធិការក្រុងក្រចេះបានបន្តថា ក្នុងហេតុការណ៏អគ្គីភ័យឆាបឆេះនេះក៏មានការបញ្ជាពីលោក លន់ សុផាតស្នងការខេត្តក្រចេះផ្ទាល់ហើយខណះនោះក៏មានវត្តមានលោក ច្រឹង ផល្លីស្នងការរងទទួលផែ្នកពន្លត់អគ្គីភ័យខេត្តក្រចេះបានចុះទៅកន្លែងកើតហេតុដើម្បីត្រួតពិនិត្តនឹងបញ្ជាកម្លាំងឲជួយក្នុងការពន្លត់នឹងរារាំងមិនឲភ្លើងឆេះរាលដាលទៅលំនៅស្ថានរបស់ពលរដ្ឋផ្សេងៗទៀត ៕
