កំពង់ឆ្នាំង ៖ អាងទឹកទ្រុឌទ្រោម១កន្លែងដែលជាសំណង់សល់ពីសង្គមរាស្ត្រនិយស្ថិតនៅភូមិរ៉ា ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំងត្រូវបានឈ្មួញឃុបឃិតជាមួយអាជ្ញាឃុំត្បែងខ្ពស់និងស្រុកសាមគ្គីមានជ័យយកធ្វើអាជីវកម្មបង្កការភ័យខ្លាចដល់ប្រជាពលរដ្ឋរស់នៅក្បែខាងនិងបានស្នើអោយឯកឧត្តមអភបាលខេត្តនិងមន្ត្រីជំនាញពាក់ព័ន្ធជួយអន្តរាគមន៍។
ប្រភពពីប្រជាពលរដ្ឋបានអោយដឹងថា ដំបូងកាលពីអំឡុងឆ្នាំ២០១៤ឈ្មោះ ផុ សុគុណ ជានាយករង សាលាវិទ្យាល័យទេពប្រណំ ស្រុកឧដ្ដុង បានទៅសុំមេឃុំត្បែងខ្ពស់ឈ្មោះសំសានជួសជុលអាងទឹកមួយកន្លែងនៅចំណុរ៉ារថភ្លើង ស្ថិតក្នុងភូមិរ៉ា ឃុំត្បែងខ្ពស់ ស្រុកសាមគ្គីមានជ័យ ដើម្បីជួសជុលបណ្ដោះអាសន្នអាងទឹកចាស់ ទម្រាំសាង់សង់អាងទឹកថ្មីបាន បន្តែរហូតមកដល់ពេលនេះលោកផុន សុនបានឃុបឃិតគ្នាជាមួយលោកមេឃុំលួចលាក់យកអាងទឹកចាស់នេះនៅប្រើប្រាស់រហូតមកដល់សព្វថ្ងៃដោយមិនបានធ្វើអាងថ្មីនោះឡើយ ។
មិនតែប៉ុណ្ណោះ ក្រុមអាជ្ញាធរខាងលើបានបើកដៃអោយម្ចាស់អាជីវកម្មបូមទឹកឈ្មោះ ផុន សុគុណ ដាក់ម៉ាស៊ីនបូមខ្សាច់ដឹកលក់ធ្វើអាជីវកម្មយកផលប្រយោជន៍ចែកគ្នាថែមទៀតផងមិនដឹងថាអាជីវកម្មទឹកស្អាតនិងអាជីវកម្មបូមខ្សាច់ខាងលើមានច្បាប់ឬអត់ច្បាប់នោះទេ ។
ប្រជាពលរដ្ឋម្ចាស់ឆ្នោតស្នើអោយឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងមន្ត្រីជំនាញពាក់ព័ន្ធ មេត្តាចុះត្រួពិនិត្យករណីខាងលើឡើងវិញផងដើម្បីអោយប្រជាពលរដ្ឋមានទំនុកចិត្ត ៕