ខេត្តរតនគិរី ៖ រថយន្តកាមរីដឹកឈើបើកលឿន បុកជាមួយរថយន្តប្រធានមន្ទីរប្រៃសណីយ៍ ទូរគនាគមន៍ ដែលហេតុការណ៍នេះបានកើតឡើងនៅថ្ងៃទី២៣ ខែមីនា ឆ្នាំ២០១៧ វេលាម៉ោង១០និង២០នាទីព្រឹក ស្ថិតនៅចំណុចផ្លូវបំបែកជា៤កែងស្នងការដ្ឋាន នគរបាលខេត្តស្ថិតក្នុងភូមិទេសអន្លុង សង្កាត់បឹងកន្សែង ក្រុងបានលុង។
សមត្ថកិច្ចនគរបាលផ្នែកខាងចរាចរណ៍ខេត្តបានឲ្យដឹងថា ក្រោយពីកើតហេតុបានមកធ្វើការវាស់វែង មូលហេតុដែលបុកគ្នានេះគឺឡានដឹកឈើម៉ាកកាមរីគូទហើមស៊េរីឆ្នាំ១៩៩១ ពណ៌ត្រាវ ពាក់ស្លាកលេខភ្នំពេញ 2A-8578 បើកមានល្បឿនលឿនមកពីទិសខាងលិចឆ្ពោះទៅកើតរួចរថយន្តម្ខាងទៀតម៉ាកវីហ្គូ ពណ៌ទឹកប្រាក់ ពាក់ស្លាកលេខរដ្ឋ22 2-0222 មកពីទិសត្បូងទៅជើង បើកបរដោយលោកស្រី ញៀន ចន្តា ប្រធានមន្ទីរប្រៃសណីយ៍ ទូរគនាគមន៍ខេត្តរតនគិរី។
ដោយឡែក ម្ចាស់ឡានដឹកឈើរត់គេចខ្លួន ក្នុងសកម្មភាពជាក់ស្តែងសមត្ថកិច្ចធ្វើការវាស់វែងនោះលទ្ធផលមើលឃើញថា ឡានដឹកឈើបុកចំពាក់កណ្តាលរថយន្តវីហ្គូល ហើយរងការខូចខាតរថយន្តហើមដឹកឈើផ្នែខាងមុខ ចំណែកឯរថយន្តវីហ្គូលរងការខូចខាតទ្វារផ្នែកខាងធ្វេងទាំងស្រុង ដោយឡែកម្ចាស់រថយន្តទាំង២គ្មាននណាម្នាក់គ្រោះថ្នាក់នោះទេ។
បើតាមប្រភពពត៌មានពីប្រជាពលរដ្ឋនៅកន្លែងកើតហេតុបានអោយដឹងថានៅមុនពេលកើតហេតុនោះពួកគាត់បានឃើញរថយន្តកាមរីហើមដឹកឈើបើកពីលិចទៅកើតមានល្បឿនយ៉ាងលឿនមកដល់ចំណុចកើតហេតុបុកគ្នាពេញទំហឹងតែម្តង ហើយពួកគាត់បានឃើញមានមនុស្សនៅក្នុងរថយន្តកាមរីហើមដឹកឈើជិះគ្នា៥នាក់ប្រុស៣ ស្រី២ បើកទ្វាររថយន្តរត់គេចខ្លួនភ្លាមៗ ដោយឡែករថយន្តវីហ្គូលគឺជិះតែម្នាក់ឯងបើកបរដោយលោកស្រីប្រធានមន្ទីរប្រៃសណីយ៍ ទូរគនាគមន៍។
បច្ចុប្បន្នរថយន្តទាំងពីរត្រូវបានប៉ូលិសចរាចរណ៍ជើងគោកនៃស្នងការដ្ឋាននគរបាលខេត្តរតនគិរីយករក្សាទុករង់ចាំការដោះស្រាយគ្នានៅពេលក្រោយ៕
ជីវ៉ា
