ខេត្តរតនគិរី៖ រថយន្តម៉ាកសាំយ៉ុងព័ណស ពាក់ស្លាក់លេខ ភ្នំពេញ2A 7762 ជាប្រភេទរថយន្តដឹកអ្នកដំណើរ ស្ទឹងត្រែងរតនគិរី បង្កប់ឈើប្រណិត ប្រភេទឈើនាងនួនសុទ្ធ ច្រក់ការ៉ុង ដាក់គ្រោមពូកភ្ញៀវអង្គុយ ចេញពីក្រុងស្ទឹងត្រែង ឆ្ពោះមកខេត្តរតនគិរី ត្រូវសមត្ថកិច្ចចម្រុះក្រុងបានលុងស្ទាក់ចាប់បានភ្លាមៗ។
កិច្ចប្រតិបត្តិការណ៍បង្ក្រាបរថយន្តខាងលើនេះដឹកនាំដោយលោក អ៊ុន សុីដេត អភិបាលរង ក្រុងបានលុង គឺធ្វើឡើង
កាលពីថ្ងៃទី 22/03/2017វេលាម៉ោង10;00នាទីថ្ងៃត្រង់ ។
លោក កៃ វិន មន្ត្រីអភិវឌ្ឈន៍ក្រុងបានលុងបានអោយអ្នកសារព័តិមានដឹងនៅល្ងាចថ្ងៃទី22/នេះថា៖ មុននិងឈានទៅធ្វើការចាប់បង្ក្រាបបានរថយន្តដឹកបទល្មើសខាងលើ នេះ គឺមានសេចក្តីរាយការណ៍ពីភ្នាក់ងារសំងាត់ ទើបកម្លាំងធ្វើការស្ទាក់ចាប់បានតែម្តង។ លោកបន្តថា ៖ ម្ចាស់រថយន្តត្រូវបានស្គាល់ឈ្មោះ ឡែម ភេទប្រុស ជនជាតិ ខ្មែរ ឃើញសភាពការណ៍មិនសូវស្រួល រកផ្លូវ កេចខ្លួនបាត់ស្រមោលផងដែរ ។
ក្រោយពេលឃាត់បានរថយន្តដឹកបទល្មើសខាងលើបានសម្រេច សមត្ថកិច្ចក្រុងនាំយករថយន្ត ទាំងវត្ថុតាងចូលខ័ណ្ឌរដ្ធបាលព្រៃឈើ និង ធ្វើការប្រគល់ជូនខ័ណ្ឌ នៅវេលាម៉ោង 4;30នាទីល្ងាច
អោយចាត់់ការបន្តតាមនិតិវិធីច្បាប់។
លោក លី សុផាន នាយសង្កាត់ផ្នែករដ្ធបាលព្រៃឈើខេត្តបានអោយក្រុមអ្នកសារព័តិមានដឹងអំពីតួរលេខនៃការវាស់វែងកំណាត់ឈើ នាងនួនដែលរិបអូសបានក្រោយពីទំលាក់ពីលើរថយន្តសាំយ៉ុង (ថ្លឹងគិឡូ) មានចំនួនសរុប 525គីឡូក្រាម ៕
ដោយ ៖ ចាប សំអាន
