ឧត្តរមានជ័យ ៖ បើមិនភ្លេចទេកាលពីថ្ងៃទី០៣ ខែមីនា លោកឧត្តមសេនីយ៍ឯក សថាវីអភិបាលខេត្តនិងជាប្រធានគណបញ្ជារការឯកភាពខេត្តឧត្ដរមានជ័យបានបើកអង្គប្រជំគណះកម្មការ ឯកភាពខេត្ត ដែលមានថ្នាក់ដឹកនាំចំរុះចូលរួមជិត ២០០នាក់ ។ ក្នុងកិច្ចប្រជុំនោះ លោក ស ថាវិ ដែលនៅក្នុងអាណាចក្រឧត្តរមានជ័យលោកមានអំណាចពេញដៃបាន ដាក់បទបញ្ជារឲ្យបំបាត់កុងត្រូលជជុះតាមស្រុកនិមួយៗ ឲ្យអស់ ជាពិសេស តាមច្រកអន្តរជាតិកម្ពុជាថៃ ច្រកជប់គគី ច្រកអូស្មាច់ និងច្រកជាំសាង៉ាំ ស្រុកអន្លង់វែងដែលបង្កការក្តៅក្រហាយដល់ប្រជាពលរដ្ឋដែលរកស៊ី។ ក្រោយពីកិច្ចប្រជុំ ដំណឹងភ្នំពេញ ថ្ងៃទី ០៥ខែមីនាឆ្នៗ០១៧ចេញផ្សាយអត្ថបទមួយមាន ចំណងជើងថា តើឯកឧត្ដម សថាវី ដឹងទេកុងត្រូលជជុះច្រកជាំសារង៉ាំស្រុកអន្លង់វែង?។ អត្ថបទនេះបានទទួលការគាំទ្រពីប្រជាអាជីវករតូចតាច។
ក្រោយមកគេសង្កេតឃើញ ថា៖ប៉ូលិសសេដ្ឋកិច្ចខេត្ត ប៉ូលិសសេដ្ឋកិច្ចក្រសួងបានបន្ថយសកម្មភាពទារប្រាក់ ពីអ្នករកស៊ីខ្លះ ។ តែខាងគយចល័តក្រោមការគ្រប់គ្រងរបស់លោកខាន់ ផល្លាអនុប្រធានសាខាគយខេត្តទទួលបន្ទុកគយចល័តខេត្តនិង លោកច្រាង គយចលត័មកពីគយធំភ្នំពេញ នៅនៅតែបន្តផ្គើនបទបញ្ជារលោកឧត្តមសេនីយ៍សថាវីដោយបន្តយកជំរឹតប្រាក់ខុសច្បាប់ ពីអាជីវករដដែល ។
កាលពីថ្ងៃទី ១១ ខែមីនា ២០១៧ក្នុងកម្មពិធី លោកជំទាវ ចាន់គុន្ធា ស ថាវីបាន ចែកអំណោយដល់ ម្ចាស់ផ្ទះភ្លើងឆេះ នៅសួនច្បារមុខមន្ទីបក្សប្រជាជនខេត្តបានលើកយកបទបញ្ជារ លោកចៅហ្វាយខេត្តមកក្រើនរំលឹកសារជាថ្មីម្ដងទៀត។ តែទឹកមាត់ ឫបទបញ្ជានេះនៅតែគ្មានប្រសិទ្ធិភាពឡើយចំពោះគយលោកខានផល្លាគឺដូចាក់ទឹកលើក្បាលទាចឹង។
តាមសេចក្ដីរាយការណ៏ពីប្រជាពលរដ្ឋអ្នករកដឹកទំនិញ គ្រឿងហូបចុកបានឲ្យដឹងថា៖គយ លោកខាន់ផល្លាដែលធ្លាប់ទារលុយមួយឡានសាំយុង០៨ មឺនរៀលនៅតែយកតាមហាងឆេងដដែលឯ ម្សៀច្រាង មន្ត្រីគយចល័តក្រសួងក៏នៅយកប្រាំ០៨ម៉ឺនដូចគ្នាដែរ។ទោះជាយ៉ាងណាពួកគាត់បន្តថា៖ អីឡូវនេះគេ(គយ)បានដូរស្ទីលជម្រឹតលុយហើយគឺឈប់ឲ្យបង់ប្រាក់នៅកន្លែងគេទៀតហើយតែ គេបញ្ជារឲ្យអ្នករកស៊ី ប្រាំជើងវេរលុយតាមវិងឲ្យគេម្ដង ស្មើ៤០មឺនរៀល។គេប្រើស្ទីលគោះថ្មីនេះគឺឲ្យចៃគយអង្គុយសំកុកចាំរាប់ក្បាលឡាន បាត់មួយណាមិនបានឡើយ។
សួមបញ្ជាក់ថា គយចល័តខេត្តលោកខាន់ផល្លា ក៏ស្ទាក់ចាំយកប្រាក់ នៅចំណុចភូមិប្រសាទ សង្កាត់កូនក្រៀលក្រុងសំរោង មួយកន្លែងទៀតដែរ។នៅទីនោះ អ្នករកស៊ីនីយាយថា៖ លោកគយម្សៀខាន់ផល្លា ម្សៀច្រាងសំឡុត យកលុយឆៅៗតែម្ដង មិនចេញក្រដាសស្នាមវិក័យបត្រ័អីទេ។ ពួកអ្នករកស៊ីបានសុំ ឯកឧត្ដម សថាវី ត្រួតពិនិត្យបទបញ្ជាររបស់លោកឡើងវិញដោយបំបាត់ឲ្យអស់ អាកុងត្រូលជជុះរបៀបហុតឈាមនេះ(ជាហៅថាហុតឈាមគឺយកឆៅមិនថាបានបង់ពន្ធឬអត់បងពន្ធទេគឺរាប់ក្បាលឡានយកលុយអត់ចេញវិក័យបត្រ័)។
គាត់ថា បើយកលុយពន្ធដាក់ប៉ុស្តិឲ្យត្រឹមត្រូវមកចេញលិខិតស្នាមទៅគាត់មិនថាអីទេព្រោះវាជាកាតព្វកិច្ចបង់ពន្ធជូនរដ្ឋ។ ពួកគាត់ដឹកចង់ខូចឡានអស់ហើយ គឹរកប្រាក់ឲ្យតែគេ។ ពួកគាត់បន្តថា នឹកឡើងវាហួសចិត្តថា៖ អីវ៉ាន់ទិញពីផ្សារអន្លង់វែង ដឹកយកទៅលក់ផ្សារស្រអែម ក៏លោកច្រាងយកប្រាក់ មួយឡានសាំយុង ០៥មឺនរៀលដែរ។
ចំពោះសេចក្តីរាយណ៍ការចោទប្រកាន់ខាងលើនេះ អ្នកសារព័ត៌មានបាន សុំពន្យល់ពីលោកខាន់ ផល្លាតាមទូរសព្ទ័។ ពេលសួរថា អ្នកដឹកទំនិញសង្ស័យកន្លែងគយលោកទារលុយលោក អត់ច្បាប់ឫយ៉ាងណាបានជាអត់ ដាក់ប៉ុស្ដិត្រឹមត្រូវចឹង?។ លោកខាន់ផល្លាឆ្លើយថា លោកជាគយចលត័ត្រូវ ឃ្លាំចាំមើល ទំនិញគេចពន្ធ(មានន័យថាជួបត្រង់ណាទារលុយត្រង់ហ្នឹងដូចសារកែសុមន្ទាចឹង?)។ ពេលសួថាមិនធ្វើប៉ុស្តិ ឲ្យត្រឹមត្រូ់វចាំបាច ពួនលាក់លៀម អើតឡើមចាំយកតែប្រាក់ចឹង? លោកខាន់ផល្លារមិនឆ្លើយសំនួរនេះទេ(ស៊ិក) ។
ឯចំណែកលោកច្រាងមន្ត្រីគយចល័តមជ្ឈឹម(ពាក្យសម័យកុំមុយនិស្តិអាឡូវគេថាគយថ្នាក់ជាតិ) ពេលសួរថា៖លោកប្អូនយកប្រាក់ពីអ្នកដឹកដូង និងអីវ៉ាន់ផ្សេងៗមានច្បាប់ឫអត់ទេ? លោកច្រាងឲ្យដឹងតាមទូរសព្ទ័ថា ខ្ញុំគយក្រសួង ចក្រលត័បីខេត្ត ចាំស្ទាក់ទំនិញគេចពន្ធ!។ពេលសួរម៉េចមិនដាក់ប៉ុស្ដិឲ្យបានត្រឹមត្រូវ លបៗចាំយកតែប្រាក់ចឹង?។ លោកមិនឆ្លើយសំនួនេះទេ បង្វែរទៅនិយាយរឿងផ្សេងទៅវិញ។
ករណីនេះ លោក ហោ ជិនវរៈយុទ្ធ អភិបាលស្រុក អន្លង់វែងពេលសួរតាមទូរសព្ទថា ក្នុងភូមិត្រពាំងប្រីយ័ គយ ខេត្ត និងគយក្រសួង មានឬអត់ច្បាប់? លោកយុទ្ធឆ្លើយថា គយមានច្បាប់ស៊ីញ៉េពី ឯកឧត្ដមអភិបាលខេត្តសថាវី។ពេលសួររឿងគយចល័តជជុះទាំងខេត្តនិងគយធំភ្នំពេញគាបគោះលុយពីប្រជាពលរដ្ឋរកស៊ីគ្មានចេញវិក័យបត្រ័លោកហោជិនវរៈយុទ្ធដែលមានអំណាចពេញដីក្និងអាណាចក្រស្រុកអន្លង់វែងចុចផ្ដាច់ប៉ាត់ធើអីគាត់។
អ្នកសារព័ត៌មានបាន ទូរសព្ទសួរលោក ជាពិសិដ្ឋ នាយករដ្ឋាបាលសាលាខេត្តឧត្តរមានជ័យដើម្បីចង់ដឹងពីបញ្ហាគយប្រព្រឹត្តអំពើពុករលួយប្រឆាំងបទបញ្ជារចៅហ្វាយខេត្ត មិនមានអ្នកលើកទទួលទេ។
សូមបញ្ជាក់ថា៖លោក ខាន់ ផល្លា មេគយចល័តម៉ាខេត្តឧត្តរមានជ័យ ត្រូវបានក្រុមឈ្មួញរិះគន់ថា កំពុងប្រើអំណាចរដើម្បីប្រមូលលុយពុំមានញញើតច្បាប់ ប្រឆាំងអំពើឬអាជ្ញាធរខេត្តឧត្តរមានជ័យអ្វីទាំងអស់។ក្រៅពីការប្រមូលលុយគ្មានលិខិត្តស្នាមមេគយចលត័ខេត្តឧត្តរមានជ័យរូបនវក៏កាក់កបនិងចំណូលក្បាលឡានពីក្រុមហ៊ុននាំប្រេងពីសៀមចូលដីខ្មែរផងដែរបើទោះជាគយភ្នំពេញប្រកាសបញ្ឈប់ឲ្យមានការនាំចូលតាមឡានក៏ដោយ ៕
