ភ្នំពេញ ៖ ថវិការដ្ឋសម្រាប់ប្រារព្ធធ្វើបុណ្យសពសម្តេចវិបុលបញ្ញាសុខអានឧបនាយករដ្ឋមន្ត្រីរដ្ឋមន្ត្រីទទួលបន្ទុកទីស្តីការគណរដ្ឋមន្ត្រីចំនួន៣ប៊ីលានរៀលប្រហែល៧៥ម៉ឺនដុល្លារនោះត្រូវបានបង្វឹលចូលរដ្ឋវិញ។ឯថវិការបុណ្យសពគឺគណបក្សប្រជាជនជាអ្នកចេញមុខចំណាយវិញ ។
យោងតាមលិខិតរបស់គណបក្សប្រជាជនកម្ពុជា លេខ០០៩/១៧ លគ.ខគក ចុះថ្ងៃទី១៨ ខែមីនា ឆ្នាំ២០១៧ ផ្ញើជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្តេចវិបុលសេនាភក្តី សាយ ឈុំ អនុប្រធានគណបក្សប្រជាជនបានបញ្ជាក់ថា៖ “ប៉ុន្មានថ្ងៃនេះខ្ញុំឃើញមានព័ត៌មានផ្សាយថា រាជរដ្ឋាភិបាលបានសម្រេចដកថវិការដ្ឋចំនួន បីពាន់លានរៀល (៣០០០.០០០.០០០រៀល) សម្រាប់ចំណាយលើការរៀបចំ បុណ្យសពសម្តេចវិបុលបញ្ញា សុខ អាន។
ផ្អែកលើនេះ ខ្ញុំបានប្រជុំគណៈប្រចាំការនៃគណៈអចិន្ត្រៃយ៍នៃគណៈកម្មាធិការកណ្តាល គណបក្សប្រជាជនកម្ពុជា នៅរសៀលថ្ងៃទី១៨ ខែមីនា ឆ្នាំ២០១៧នេះ អង្គប្រជុំបានឯកភាពគ្នា ឲ្យខ្ញុំធ្វើសំណើគោរពជូន សម្តេចនាយករដ្ឋមន្ត្រី មេត្តាបង្វែរលុយខាងលើនេះចូលទៅក្នុងថវិការដ្ឋវិញ រីឯការចំណាយសម្រាប់រៀបចំបុណ្យសពសម្តេចវិបុលបញ្ញា សុខ អាន គណបក្សប្រជាជនកម្ពុជា សូមទទួលរ៉ាប់រងទាំងស្រុង”។
សូមបញ្ជាក់ថាដោយយោងតាមគុណបំណាច់ដែលបានធ្វើចំពោះជាតិមាតុភូមិកន្លងមកឯកឧត្តមបណ្ឌឹតសុភាចារ្យសុខអានដែលទទួលបានគោរមងារមស្តេចវិបុលបញ្ញាសុខអានពីព្រមហាក្សត្រកាល់ពីថ្ងៃទី១៣មីនា។សម្តេចវិបុលបញ្ញាបានទទួលមរណៈភាពដោយរោគាពាធិកាលពីវេលាម៉ោង៦រសៀលថ្ងៃទី១៦មិនា ។ សពបានដង្ហែរតាមយន្តហោះពីក្រុងប៉េកាំងប្រទេសចិនមកតំកល់ធ្វើបុណ្យនៅភូមិគ្រឹះដែលជាគេហដ្ឋានហើយត្រូវដង្ហែរទៅបូជានាព្រឹកថ្ងៃទី១៩មីនានៅមេរុមុខវត្តបុទុមវត្តី ៕
