រតនគីរី ៖ ប្រជាពលរដ្ឋដែលរងផលប៉ះពាល់ដោយខ្យល់កន្ទ្រាក់ចំនួន១៥គ្រួសារ មកពីឃុំចំនួន ២ របស់ស្រុកវ៉ឺនសៃ នាព្រឹកថ្ងៃទី ១៨ ខែមិនាឆ្នាំ ២០១៧ បានមកជួបជុំគ្នា នៅសាលាស្រុកដើម្បីទទួល អំណោយមនុស្សធម៌ពី សារខាកាកបាទក្រហមកម្ពុជា ខេត្តរតនគិរី។
ពិធីនេះប្រព្រឹត្តទៅ ក្រោមវត្តមាន ឯកឧត្តម ថង សាវុនអភិបាលខេត្តនិងជាប្រធា គណៈកម្មាធិការ កាកបាទក្រហមកម្ពុជាខេត្ត ព្រមទាំង លោក លោកស្រី ជាសមាជិក សមាជិការ គណៈ កម្មាធិការ សាខាកាកបាទក្រហមខេត្ត ជាច្រើនរូបទៀត ។
ថ្លែងទៅកាន់ ប្រជាពលរដ្ឋដែលមកទទួលអំណោយ មនុស្សធម៌ពេលនេះ ឯកឧត្តម ថង សាវុន បានពាំនាំ មកនូវការសាកសួរសុខទុក្ខ និងការនឹករលឹកនិងការចូលរួមសោកស្តាយ ពីសំណាក់ សម្តេច អគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេច គតិព្រឹទ្ធបណ្ឌិត ប៊ុរ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចទាំងពីរតែងតែ គិតគូ និងខ្វល់ខ្វាយ ជានិច្ចចំ ពោះសុខទុក្ខ និងជីវភាពរស់នៅប្រចាំថ្ងៃរបស់ប្រជាពលរដ្ឋយើង នៅទូរទាំងប្រទេស ។
ឯកឧត្តម សង្កត់ ធ្ងន់ថា កាកបាទក្រហម្ពុជា ជាសេនាធិការអោយរាជរដ្ឋាភិបាល លើកិច្ចការមនុស្សធម៌ ហើយជាស្ថាប័ន មួយឯករាជ្យ ដោយឈរលើគោលការណ៍គ្រឹះទាំង ៧ របស់កាកបាទក្រហម អឌ្ឍច័ន្ទក្រហម អំណោយ មនុស្សធម៌ របស់កាកបាទក្រហម មិនប្រកាន់ពូជសាសន៍ ពណ៌សំប្បុរ ឬ និន្នាការនយោបាយ អ្វីឡើយ ពោល គឺទីណាមានទុក្ខលំបាក ទីនោះមានវត្តមានកាកបាទក្រហមកម្ពុជា ចុះជួយជានិច្ច ។
ឯកឧត្តម ថង សាវុន បានលើកឡើងពីការខិតខំប្រឹងប្រែង របស់សម្តេច គតិព្រឹទ្ធបណ្ឌិតប្រធាន កាកបាទក្រហម ក្នុងការគៀគរធនធាន ពីសប្បុរសជន នានា ដើម្បីកាកបាទក្រហម មានលទ្ធភាព បំពេញ ភារៈកិច្ច មនុស្សធម៌ ជួយដល់ ជនចាស់ជរា គ្មានទីពឹង ជនពិការ ស្ត្រីមេម៉ាយ កូនច្រើន កុមារកំព្រារ និងអ្នកកើត ជំងឺអេដស៍ ជាពិសេសដល់ប្រជាពលរដ្ឋដែល រងគ្រោះដោយសារគ្រោះ មហន្តរាយ ផ្សេងៗ ។
ជាក់ស្តែង អំណោយដែលយកមកចែកជូននាពេលនេះ គឺបានមកពីសប្បុរសជននានា ថ្វីត្បិតតែមិន អាចឆ្លើយតប ទៅនឹងសេចក្តីត្រូវការ របស់បងប្អូនក៏ពិតមែន តែក៏អាចជួយសម្រួលដល់ការលំបាកបានមួយរយៈពេល សម្រាប់បងប្អូនផងដែរ ។
ឯកឧត្តម ផ្តាំផ្ញើដល់ប្រជាពលរដ្ឋ ទាំងអស់ទាំង១៥គ្រួសាត្រូវខិតខំប្រកបមុខរបរទទួលទាន ជាពិសេសសូមមានប្រុងប្រយត្ន័គ្រោះមហន្តរាយផ្សេងៗផងដែរ ។
តមក ឯកឧត្តមក៏បានអញ្ជើញចែកអំណោយដល់ប្រជាពលរដ្ឋទាំង ១៥ គ្រួសារ ដោយក្នុង ១ គ្រួសារ ទទួលបានអង្ករ ៣០ គីឡូ មី ១ កេស ត្រីខ ១ យួរ ឃីតមួយកញ្ចប់ ព្រមទាំងថវិកាសម្រាប់យកទៅទិញសង្ក័សី ប្រក់ដំបូលផ្ទះឡើងវិញ តាមការជាក់ស្តែង ។ អ្នកដែលទទួលផលប៉ះពាល់តិចនិងច្រើន ។
គួរបញ្ជាក់ថា កាលពីថ្ងៃទី១៤ ខែមិនា ឆ្នាំ២០១៧ វេលាម៉ោង៦,០០នាទីមានខ្យល់កន្ទ្រាក់បក់បោកយ៉ាងខ្លាំងប៉ះចំឃុំចំនួន ២ ក្នុងស្រុកវ៉ឺនសៃ គឺឃុំប៉ាកកាឡាន់ និងឃុំកាចូន បណ្តាយអោយផ្ទះប្រជាពលរដ្ឋ១៥ខ្នង ផ្ទះរងផលប៉ះពាល់ប៉ើងដំបូល ៕
