ពិធីចែកមួកសុវត្ថិភាពនេះ ធ្វើឡើងនៅរសៀលថ្ងៃទី 17 មិនា ម្សិលមិញ នៅអនុវិទ្យាល័យលំផាត់ ដោយក្រុមមន្ត្រីចាចរជើងគោកខេត្ត និង នគរបាលនៃអធិការដ្ឋានស្រុកលំផាត់ ។
អធិការនគរបាលស្រុកលំផាត់ លោក ថេង ចន្ធី អោយដឹងព្រឹកថ្ងៃទី 18 មិនានេះថា សិស្សានុសិស្សចូលរួមចំនួន 257នាក់ ក្នុងនោះ50នាក់បានទទួលអំណោយមួកសុវត្ថិភាព ពីអភិបាលខេត្តរតនគិរី។
ពិធីចែកមួកនេះ សិស្សានុសិស្សក៏ត្រូវគេឃើញថា ទទួលការបង្ហាញនិងពន្យល់អំពីផ្លាកសញ្ញាចរាចរ ប្រការគួរយល់ដឹងពីគ្រោះថ្នាក់ចរាចរផងដែរ។
សូមជម្រាបថា ករណីគ្រោះថ្នាក់ចរាចរ គឺជាបញ្ហាមួយដែលរាជរដ្ឋាភិបាល កំពុងយកចិត្តទុកដាក់យ៉ាងខ្លាំង ដោយជម្រុញអោយមន្ត្រីអនុវត្តច្បាប់ផ្នែកចរាចរ ធ្វើការផ្សព្វផ្សាយច្បាប់ចរាចរថ្មី អោយកាន់តែអូលំទូលាយ ដើម្បីឈានទៅកាត់បន្ថយអត្រានៃការស្លាប់ដោយគ្រោះថ្នាក់ចរាចរនេះ ៕
ដោយ ៖ យឹម សារិទ្ធិ
