បាត់ដំបង ៖ កិច្ចប្រជុំសាមញ្ញោលីកទី៦ អាណត្តិទី២ របស់ក្រុមប្រឹក្សា ខេត្តបាត់ដំបង បានប្រព្រឹត្តទៅកាលពីថ្ងៃទី ៣០ ខែតុលា នៅសាលាខេត្ត ក្រោមអធិបតីភាព ឯកឧត្តម អ៊ុន វង្ស ប្រធានក្រុមប្រឹក្សាខេត្ត ហើយក៏មាន វត្តមាន លោកអភិបាលខេត្តស្តីទី និង អភិបាលរងចូលរួមផងដែរ។
ក្រោយពីប្រសាសន៍ប្រកាសបើកអង្គប្រជុំ របស់ឯកឧត្តមប្រធានក្រុមប្រឹក្សា ក៏ដូចជាការពិនិត្យ រួចមកអង្គប្រជុំបានអនុម័តសេចក្តីព្រាង របៀបវារៈ កិច្ចប្រជុំសាមញ្ញោលីកទី៦ រួចបានពិនិត្យអនុម័ត សេចក្តីព្រាងកំណត់ហេតុ កិច្ចប្រជុំសាមញ្ញោលីកទី៥ កាលពី ថ្ងៃទី២ ខែតុលា សេចក្តីព្រាង កំណត់ហេតុ កិច្ចប្រជុំវិសាមញ្ញ លើកទី៣ កាលពីថ្ងៃទី ១៨ ខែសីហា និងសេចក្តីព្រាងកំណត់ហេតុ កិច្ចប្រជុំវិសាមញ្ញោលីកទី៤ កាលពីថ្លៃទី ១៦ ខែតុលា ឆ្នាំ២០១៤។
ជាមួយគ្នានោះដែរ អង្គប្រជុំក៏បានស្តាប់របាយការណ៍សកម្មភាពការងារ របស់គណកម្មាធិការពិគ្រោះយោបល់កិច្ចការស្ត្រី និងកុមារប្រចាំខែតុលា របស់លោកជុំទាវ អ៊ីវតារា ប្រធាន គ,ក,ស,ក ខេត្ត ដែលមានសកម្មភាព និងលទ្ធផល របស់សមាជិក គ,ក,ស,ក មកពីមន្ទីរអង្គភាព ជំនាញ មានការងារ សង្គមកិច្ច អតីតយុទ្ធជន និង យុវតីសម្បទា ការងារ កិច្ចការនារី ស្នងការដ្ឋាននគរបាល អភិវឌ្ឍន៍ជនបទ អប់រំយុវជន និងកីឡា និង ការងារបណ្តុះបណ្តាលវីជ្ជាជីវៈ ជាដើម សម្រេចបានលទ្ធផលជាបន្តបន្ទាប់ ។ ក្នុងរបាយការណ៍ប្រចាំខែកញ្ញា ស្តីពីការអនុវត្តការងារ របស់រដ្ឋបាលខេត្ត បានបញ្ជាក់ ដោយផ្តោតទៅលើការងារគ្រប់គ្រងរដ្ឋបាល ការងាររបស់មន្ទីរ អង្គភាពជំនាញ មានការងារបង្កបង្កើនផលស្រូវរដូវវស្សា អនុវត្តបាន ២៧៧,៣៤៥ ហិចតា ស្មើ ១១០,០៦ % នៃផែនការ ២៥២,០០០ ហិកតា។ ការងារគ្រប់គ្រងគ្រោះមហន្តរាយ លើផ្ទៃដីដាំដុះ ស្រូវ ជាង ២៩៥ ហិចតា គ្រោះរាំងស្ងួតប៉ះពាល់ស្រូវជាង ៣ ម៉ឺន ៥ ពាន់ ហិចតា សង្គ្រោះបានជាង ២ម៉ីន ៩ ពាន់ ហិចតា ខូចខាតជាង ៨៦០០ ហិចតា ស្តារបានជាង ២៣០០ ហិចតា នៅសល់ជាង ៦៣០០ ហិចតា និងខូចខាត ដំឡូង ពោត សណ្តែក ជាង៣០០០ហិចតា សភាពការគ្រោះថ្នាក់សង្គម កើតមាន ៥៧ កើន ៥ លើកក្នុងគ្រោះថ្នាក់ចរាចរ ៣៣ លើក កើន ១៣ លើក ស្លាប់មនុស្ស ១៥ នាក់ របួស ៣៤ នាក់ និងសកម្មភាពច្រើនទៀតលើគ្រប់វិស័យរបស់ខេត្ត សម្រេចបានលទ្ធផលគួរកត់សំគាល់ ។ តមកអង្គប្រជុំបានស្តាប់ របាយការណ៍ លទ្ធផលសម្រេចបាន នៃការអនុវត្តផែនការ សកម្មភាព ការងារ ៣ខែ កន្លងមករបស់រដ្ឋបាលខេត្ត ក៏ដូចជាពិនិត្យ ពិភាក្សា អនុម័ត លើសេចក្តីព្រាងផែនការសកម្មភាព ការងារ ៣ខែបន្ត ព្រមទាំងអនុម័ត លើសេចក្តីព្រាងវិសោធនកម្ម ផែនការ សកម្មភាព ថវិការឆ្នាំ២០១៤ របស់រដ្ឋបាលខេត្ត ក្នុងក្របខ័ណ្ឌ ផ,អ,៣។
ក្រោយពីសំណួរ ចម្លើយ របស់សមាជិកអង្គប្រជុំរួចមក ឯកឧត្តម ប្រធានបានចាប់អារម្មណ៍លើបញ្ហាប្រឈមរបស់ គ,ក,ស,ក មានប្រជាពលរដ្ឋគ្រប់ស្រុក ខ្វះលិខិតអត្រានុកូលដ្ឋាន ខ្វះគ្រូ បង្រៀនគ្រប់កំរិតសិក្សា នៅតាមស្រុកឆ្ងាយៗ អំពីហឹង្សាមានការកើនឡើង ដោយគ្រឿងស្រវឹង គ្រឿងញៀន និងល្បែងស៊ីសង ជាដើមនោះ ឯកឧត្តមបានធ្វើការពិភាក្សា ប្តូរយោបល់ យ៉ាងផុសផុលក្នុង អង្គប្រជុំ ក្នុងគោលដៅ រិះរកគន្លឹះដោះស្រាយឱ្យបានទាន់ ពេលវេលា ៕
