ខេត្តរតនគិរី ៖ យុវជនម្នាក់ស៊ីឈ្មួលដឹកឈើប្រណីតបានដួលខ្លួនឯង រងរបួសធ្ងន់កាលពីវេលាម៉ោង២ រសៀលថ្ងៃទី១៥ ខែមិនា ឆ្នាំ២០១៧នៅត្រង់ជ្លូវលំមួយខ្សែចំណុចក្រុមហ៊ុនរ៉ែមាស ស្ថិតនៅភូមពាក់ ឃុំយ៉ាទុង ស្រុកអូរយ៉ាដាវ ខេត្តរនគិរី ។
មន្ត្រីនគរបាលស្រុកអូរយ៉ាដាវបានឲ្យដឹងថា ជនរងគ្រោះឈ្មោះ ម៉ន សាំង ភេទប្រុសអាយុ១៤ ឆាំជនជាតិខ្មែរ ជិះម៉ូតូកែច្នៃ អត់ស្លាកលេខ មានស្រុកកំណើតនៅទីរួមខេត្តតាកែវ។ មកស្នាក់នៅជាមួយបងប្អូននៅភូមិសោមកានិញ ឃុំសោមធំ ស្រុកអូរយ៉ាដាវ ខេត្តរតនគិរី។
មន្ត្រីដដែលបានបន្តថា មូលហេតុដឹកឈើប្រណិតប្រភេទសុក្រមមួយដំុធំដួលក្រឡាប់ខ្លនឯងហើយត្រូវឈើសង្កត់ចំក្បាលរងរបួសធ្ងន់ ត្រូវបានសាច់ញាតិដឹកបញ្ជូនទៅមណ្ឌលសុខភាពបកែវ ដោយសាររបួសធ្ងន់ពេកបានស្លាប់តែម្តង។
ក្រោយពេលកើតហេតុ សមត្ថកិច្ចមូលដ្ឋានចុះមកយកវត្ថុតាងទៅរក្សាទុកនៅប៉ុស្តិ៍ រង់ចាំសាច់ញាតិមកទទួលម៉ូតូយកទៅវិញ ។ ចំណែកសពត្រូវបានក្រុមគ្រួសារយកទៅធ្វើបុណ្យតាមប្រពៃណី ។
សូមបញ្ជាក់ថា ករណីដឹកឈើតាមម៉ូតូបានដួលស្លាប់ជាច្រើនដងមកហើយតែ ដោយសារមានជីវភាពក្រីក្រទើបចេះតែខំបែបនេះទៅ ៕ ដោយៈ យឹម សារិទ្ធិ
