ក្រចេះ៖ មានករណីគ្រោះថ្នាក់ចរាចរណ៍មួយបានកើតឡើងកាលពី ថ្ងៃទី២២/៨/២០១៥ ម៉ោងហែល ៨យប់បង្កឡើងដោយ លោក ហេង រ័ត្នម៉ូនីដា ប្រធានមន្ទីរធនធានទឹកខេត្តក្រចេះដែលកាលនោះគេឃើញថាគាត់ ស្ថិតក្នុងភាពស្រវឹងជោគជាំដោយបើកបររថយន្តយ៉ាងលឿនរេពេញផ្លូវ ហើយបានទៅបុកចំយុវជនឈ្មោះ ប៉ឹង រតនា ធ្វើឲ្យមានរបួសយ៉ាង ធ្ងន់ធ្ងរ ដោយក្រពះដាច់រហែក និង ថ្លើមបែក រហូតមន្ទីរពេទ្យក្រុង ក្រចេះ បានបញ្ជូនទៅព្យាបាលនៅប្រទេសវៀតណាម។តែមកដល់ពេលនេះ ករណីខាងលើនេះត្រូវបាន តុលាការខេត្តក្រចេះ កប់សំណុំរឿងចោលលែងចាត់ ការឯសមត្ថកិច្ចស្នងការដ្ឋាននគរបាលខេត្ត ក៏បានប្រគល់រថយន្តអោយលោក ហេង រ័ត្នម៉ូនីដា ប្រធានមន្ទីរធនធានទឹកខេត្តក្រចេះ ដែលជាជនល្មើសវិញ ជាមួយនឹងសំណងដ៏តិចតួចជូនជននរងគ្រោះ។
លោក ហ៊ន ប៉ូច ស្នងការរងនគរបាលខេត្តក្រចេះ បានអោយដឹងករណីនេះ បន្ទាប់ពីកើតហេតុសមត្ថកិច្ច បានយករថយន្តនឹងម៉ូតូ មករក្សាទុក្ខ តែលោក ហេង រ័ត្នម៉ូនីដា មិនត្រូវបានឃាត់ខ្លួនទេ ។ ពេលនោះរូបគាតមានរបួសនឹងបញ្ជូនអ្នករងរបួសទៅព្យាបាល។ ចំពោះសុំណុំរឿងគឺសមត្ថកិច្ចរបស់លោកបានបញ្ជូនទៅតុលាការ ហើយក្រោយមកតុលាការ បានបញ្ជារអោយប្រគល់ឡាននឹងទៅម្ចាស់ដើមរាងៗខ្លួន ហើយក៏បញ្ចប់សំណុំរឿងតែម្ដង។
សូមបញ្ជាក់ ក្រោយមានករណីនេះកើតឡើង ភ្លាមៗ លោក ហេង រ័ត្នម៉ូនីដា ប្រធានមន្ទីរធនធានទឹកខេត្តក្រចេះ រូបគាត់មិនត្រឹមតែមិនជួយមើលជនរងគ្រោះទេ ថែមទាំងរត់គេចខ្លួនបាត់ និង មិនព្រមបង្ហាញខ្លួនដើម្បីទទួលខុសត្រូវ ហើយក្រោយមកទើបគាត់បានចូលខ្លួនដោះស្រាយ។ ចំពោះហើយម៉ូតូជនរងគ្រោះក្នុងពេលគ្រោះថ្នាក់ក្រោយពេលជួបរឿង កង់ម៉ូតូមុខរាងមូលកើតជាលេខ៨ ឯរថយន្តបង្កបែកកង់ទៀតផង។
បើតាមអ្នកច្បាប់បានចាត់ទុកបញ្ហានេះថា៖ជាការរំលោភច្បាប់យ៉ាងធ្ងន់ធ្ងនឹងមានការពាក់ព័ន្ធនឹងអំពើពុករលួយផងដែរទើបតុលារការមិនចាត់ការ។ ប្រសិនបើជនធម្មតាប្រហែល ចូលគុកបាត់ទៅហើយ តែសំរាប់រូបគាត់ជាមន្ត្រីមានបក្ខពួកនឹងមានប្រាក់ បែជារួចពីសំណាញ់ច្បាប់ទៅវិញ ។ ក្រោយពីបើកបរដោយភាពស្រវឹងបង្កគ្រោះថ្នាក់ចរាចរលើអ្នកដទៃ មកដល់ពេលនេះលោក ហេង រ័ត្នម៉ូនីដា ប្រធានមន្ទីរធនធានទឹកខេត្តក្រចេះត្រូវបានគេរាយាករណ៍ថា៖បាននិង កំពុងបន្តដឹកនាំមន្ទីរ របៀបបក្ខពួកដែលធ្វើឲ្យគាត់អាច ប្រព្រឹត្តអំពើពុករលួយរួមដៃជាមួយក្មួយប្រុសបង្កើតរបស់គាត់ថែមទៀត។គ្រួសារជនរងគ្រោះតាមរយៈគេហទំព័រមាតុភូមិសូមលើកដៃសំពះទៅដល់សមត្ថកិច្ចពាក់ព័ទ្ធមេត្តាជួយស្រាវជ្រាវករណីនេះផង៕
