កំពង់ឆ្នាំង ៖ រហូតមកដល់ពេលនេះស្នងការដ្ឋាននគរបាលខេត្តកំពង់ឆ្នាំង មិនទាន់ស្រាវជ្រាវរកចាប់ខ្លួនជនដៃដល់ជាទាហានទំនើងនៅកងពលអន្តរាគមន៍ពិសេស លេខ១ លង្វែក ហ៊ានយកកាំភ្លើងAKបាញ់ចំនួន៤គ្រាប់ សំលាប់យុវជនម្នាក់អាយុ១៨ឆ្នាំនិងយាយចាស់អាយុ៥២រងរបួសក្នុងវង់ផឹកស៊ីនៅវេលាម៉ោង១និង៣០នាទីរំលងអាទ្រាតឈានចូល ថ្ងៃទី២ ខែ មិនា ឆ្នាំ ២០១៧នៅឡើយ។ ជនដៃដល់ជាទាហ៊ានទំនើងនៅកងពលអន្តរាគមន៍ពិសេសលេខ ១ លង្វែក ឈ្មោះ ហែម សទ្ធា ឋានៈជំនួយការសុខាភិបាលបានយកកាំភ្លើងAKបាញ់ទៅលើយុវមួយក្រុមដែលកំពុងផឹកស៊ីនៅផ្ទះជិតគ្នា នៅមុខផ្ទះឈ្មោះ ប្រាក់ នឿន ស្ថិតក្នុងភូមិស្ពានពោធិ៍ ឃុំសេដ្ឋី ស្រុកសាគ្គីមានជ័យ ខេត្តកំពង់ឆ្នាំង។
ជនរងគ្រោះដែលស្លាប់ ឈ្មោះ សោម វណ្ណា ហៅ(ឆាង) ភេទប្រុស អាយុ១៨ឆ្នាំ រស់នៅភូមិ អន្លង់ត្នោត ឃុំ លង្វែក ស្រុកកំពងត្រឡាច ខេត្តកំពង់ឆ្នាំង។ជនរងគ្រោះដែលរងរបួសធ្ងនលោក យាយ ឈ្មោះ តុល យាន អាយុ៥២ឆ្នាំ រស់នៅភូមិស្ពានពោធិ៍ ឃុំសេដ្ឋី ស្រុក សាមគ្គីមានជ័យ ខេត្តកំពង់ឆ្នាំង។
កាលពីព្រឹកថ្ងៃទី១០ខែមិនា ឆ្នាំ២០១៧ នេះ លោក ឡុច សុវណ្ណរ៉ា ស្នងការខេត្តបាន ប្រាប់តាមទូរស័ព្ទ មកដល់ អ្នកយកព័ត៍មាន យើងដឹងថាមកដល់ពេលនេះ ជនដៃដល់ ឈ្មោះ ហែម សទ្ធា ជា (ទាហ៊ានកងពលអន្តរាគ្គមន៍ពិសេសលេខ១ ល្វែក) មិនទាន់ចាប់បានទេ តែកម្លាំងរបស់លោក និងបន្តចុះស្រាវជ្រាវតាមចាប់ ជនដៃដល់រូបនេះ មកផ្តន់ទាទោសតាមផ្លូវច្បាប់ឱ្យខាងតែបាន។
បើតាមប្រសាសន៍ លោក វរសេនីយ៍ត្រី ដួង ហុង អធិការស្រុកសាមគ្គីមានជ័យបាន ប្រាប់ អ្នកយកព័ត៍មានឱ្យដឹងថា ករណីខាងលើនេះជនរងគ្រោះ ដែលស្លាប់ បានដាក់ពាក្យបណ្តឹង តែចំណែកលោកយាយ រងរបួស ឈ្មោះ តុល យាន អាយុ៥២ឆ្នាំ មិនបានប្តឹងទេដោយ ដំណាងភាគី ខាងជនសង្ស័យ ចេញថ្លៃព្យាបាលឱ្យនិងបង់ប្រាក់ចំណាយផ្សេងៗនិងជម្ងឺចិត្តជាច្រើនផងដែរ។
ដោយឡែក ជនរងគ្រោះដែលបានស្លាប់គេនៅមិនទាន់ឃើញភាគីជនដៃដល់ចេញមុខដោះស្រាយនៅឡើយ។មិនតែប៉ុណ្ណោះមានបែកធ្លាយព័តមានថាជនដៃដល់កំពុងត្រូវបានគេចខ្លួនពួនសំងំលាក់ខ្លួននៅផ្ទះបងប្អូននិងមានអ្នករត់ការដោះស្រាយក្រៅប្រព័ន្ធដោយចំណាយទឹកប្រាក់ប្រមាណ២ម៉ឺនដុល្លាដើម្បីបិទបាំងរឿងអាស្រូវរបស់ជនសង្ស័យជាទាហ៊ានទំនើងឈ្មោះហែម សុទ្ធានេះទៀតផង។
ក្នុងករណីខាងលើនេះ បងប្អូនជនរងគ្រោះដែលស្លាប់ទាំងអស់បានស្រែកយំសោកសៅ សោកស្តាយ យ៉ាងពន្ធពេក និងបានខឹងសប្ប៉ាយ៉ាងខ្លាំង ទៅលើ ជនដៃដល់ និង រិះគន់ទៅដល់លោក( ឧត្តមសេនីយ៍ឯក ព្រុំ ផេង) មេបញ្ជាការ កង ទាហ៊ានកងពលអន្តរាគ្គមន៍ពិសេសលេខ១ល្វែក ដែលជាថ្នាក់នាំនិងគ្រប់គ្រងអង្គភាពករណីខាងលើនេះ បើតាមប្រភព បានលួចបង្ហើបប្រាប់ ថា ជនដៃដល់ឈ្មោះ ហែម សទ្ធា គឺត្រូវ ជាកូនរបស់លោកព្រុំ កុសលជានាយហិរញ្ញវត្ថុកងពលអន្តរាគមន៍ពិសេសលេខមួយ០១លង្វែកនិងត្រូវជាចៅ របស់លោក(ឧត្តមសេនីយ៍ឯក ព្រុំ ផេង) មេបញ្ជាការកងពលអន្តរាគ្គមន៍ពិសេសលេខ១ល្វែកនេះតែម្តង(គឺជាខ្សែស្រឡាយតែមួយ)តែទោះជាយ៉ាងណាប្រភពខាងលើគ្រាន់តែជាប្រភពមួយ ខាងក្រៅតែប៉ុណ្ណោះ។
ក្រុមគ្រួសារជនរងគ្រោះសូសណូពរដល់ឯកឧត្តម ទៀ បាញ់រដ្ឋមន្ត្រីក្រសួងកាពាជាតិ ឯកឧត្តមប៉ុលសារឿនអគ្គមេបញ្ជាការកងយោទ្ធពលខេមរៈភូមិន្ទ ពិសេសឯកឧត្តមនាយឧត្តមសេនីមាស សុភា អគ្គមេបញ្ជាការរងកងយោទ្ធពលខេមរៈភូមិន្ទ និងជាមេបញ្ជាការកងទ័ពជើងគោគនិងឯកឧត្តមនាយឧត្តមសេនីយ៍សៅ សុខាមេបញ្ជាការកងរាជអាវុធហត្ថលើផ្ទៃប្រទេសពិសេសសម្ដេចតេជោហ៊ុន សែនត្តាជួយអន្តរាគមន៍ជួយរកយុត្តិធម៍អោយកកូនគាត់ជាជនរងគ្រោះដែលបានស្លប់ដោយសារជនដៃល់បាញ់សម្លាបនោះផងនិងអោយតាមចាប់ជនៃដល់យកមកផ្ដន្ទាទោសតាមផ្លូវច្បាប់ផង៕