បន្ទាយមានជ័យ ៖ លោក វង្ស សារី យកតួនាទីជាប៉ូលីស ប្រឆាំងបទល្មើស សេដ្ឋកិច្ចរបស់ខេត្តបន្ទាយមានជ័យទៅ ជំរិត កំហែង ឈ្មួញជាម្ចាស់ឃ្លាំង និងក្រុមអ្នកស៊ីឈ្នួលដឹកទំនិញតាមរថយន្តធុនតូចប្រភេទកាមរីពីប៉ោយប៉ែតមកកាន់ខេត្តបន្ទាយមានជ័យ ។ តាមទំនើងល្មើសនិងច្បាប់ដោយបង្ខំឲ្យរថយន្តដឹកទំនិញនិងម្ចាស់ឃ្លាំងបង់លុយប្រចាំខែដើម្បីចិញ្ចឹមមេ។
ដោយសារតែទ្រាំទ្រទៅនឹងការកៀបសង្កត់របស់សមត្ថកិច្ច នគរបាលប្រឆាំង បទល្មើសខេត្តបន្ទាយមានជ័យដែលបានមក គំរាមកំហែងដល់ម្ចាស់ឃ្លាំងនិងក្រុម អ្នកដឹកទំនិញតាមរថយន្តធុនតូចប្រភេទកាមរី ឲ្យបង់លុយឲ្យខ្លួនជាប្រចាំខែនោះពួកគាត់ក៏បានទម្លាយរឿងនេះឲ្យអ្នកសារព័ត៌មានធ្វើការផ្សព្វផ្សាយ ពីទង្វើ អាក្រក់របស់ លោក វង្សសារី ដែលជា មន្ត្រីនគរបាលប្រឆាំង បទល្មើស សេដ្ឋកិច្ចខេត្ត ដែលពូកែខាងជំរិតនោះថា ជា រៀងរាល់ខែ លោក វង្សសារី តែងដើរប្រមូលលុយកាក់ពីឃ្លាំងនៅក្នុងក្រុងប៉ោយប៉ែតក្នុង១ឃ្លាំង១៥០ដុល្លារ ហើយនឹងឲ្យម្ចាស់ឃ្លាំងកាត់លុយ១៥ដុល្លាពីអ្នកដឹកទំនិញរថយន្ត១គ្រឿងក្នុង១ខែបន្ថែមទៀតដោយលោកថាយកទៅឡើងឲ្យមេបើឈ្មួញជាម្ចាស់ឃ្លាំងនិងអ្នកដឹកទំនិញមិនព្រមបង់ប្រាក់តាមការទាររបស់លោកទេ លោក គំរាមថា និងចាប់ឬបិទឃ្លាំងចោល។
ចំណែកលោក វង្សសារី អ្នកយកព័ត៌មានយើងមិនអាចសុំការបកស្រាយបានទេ តែលោកឧត្តមសេនិយ៍ទោ អាត់ខែម ស្នងការ នគរបាលខេត្តបន្ទាយមានជ័យ បានប្រាប់ថា លោក វង្សសារី នេះមិនមែនជាមន្ត្រីនគរបាល សេដ្ឋកិច្ចទៀតទេគាត់បានផ្ទេរភារកិច្ច ទៅកាន់ការិល័យ ប្រយុទ្ធប្រឆាំងការជួញដូរមនុស្ស យូរហើយ។ ម៉េចបានជាលិចលឺ ថាដើរប្រមូលលុយកាក់ ពីអាជីវករទៀត។លោកស្នងការបញ្ជាក់ថាជាអំពើរខុសច្បាប់ ហើយសំណូមពរឲ្យអាជី វករ ម្ចាស់ឃ្លាំងរាយការណ៍មករូបលោកផ្ទាល់មកបើមានករណីអញ្ចឹងមែនលោកនឹងចាត់ការភ្លាម!។
ទោះជាយ៉ាងណា អាវករនិងក្រុមអ្នកដឹកទំនិញ មានការត្រេកអរជាខ្លាំងនិងរងចាំ សហការណ៍ផ្តល់ព័ត៌មានជូនលោកស្នងការជានិច្ចនៅពេលដែលឈ្មោះខាងលើបានមកជំរិតទារប្រាក់ពីពួកគាត់នៅថ្ងៃក្រោយ ។
ពួកគាត់រំលឹកថាទម្រាំតែដឹង មន្ត្រីរូបនោះគ្រប់ទឹកល្មម ព្រោះតែជារៀងរាល់ពួកគាត់បង់លុយកាក់ឲ្យមិនដែលលស់ទេព្រោះគេតែងយកឈ្មោះមេមកកាងពួកគាត់បង្ហើបថាគ្រាន់តែរថយន្តដឹកទំនិញធុនតូចកាមរីនៅក្រុងប៉ោយប៉ែតមិនក្រោមពី២០០គ្រឿងនោះទេហើយឃ្លាំងក៏មិនក្រោម៥០ឃ្លាំងដែដែលជាប្រភពមិនចេះរីងស្ងួតរបស់លោក វង្សសារីនោះ៕
