ខេត្តមណ្ឌលគិរី៖មេប៉ុស្តិ៍រដ្ឋបាល ឃុំមួយរូបរង ការចោទប្រកាន់ពីប្រជាសហគមន៍រស់នៅ ក្នុងភូមិក្រង់តេះ ឃុំក្រង់តេះស្រុកពេជ្រាដា ខេត្តមណ្ឌលគិរី ជាង១០០(រយគ្រួសារ) បានផ្ដិតមេ ដៃប្ដឹង លោកយឹម បាន នាយប៉ុស្តិ៍រដ្ឋបាលឃុំក្រង់តេះ ពីបទធ្វើជំនួញឈើខុសច្បាប់ ។
នៅព្រឹកថ្ងៃទី២៨ ខែតុលា ឆ្នាំ២០១៤ តំណាងប្រជាពលរដ្ឋនិងប្រធានសហគម៍ ជនជាតិ ដើមភាគតិច(ពូនង)បានមកសំណូមពរដល់អ្នកសារពត៏មានយើងអោយជួយផ្សាយពាក្យបណ្ដឹងរបស់លោកដែលមានតំណាង៨រូបជំនួសអោយប្រជាពលរដ្ឋចំនួន១៤៨នាក់(មួយរយសែសិបប្រាំបីគ្រួសារ)មកពីភូមិក្រង់តេះ ឃុំក្រង់តេះស្រុកពេជ្រាដាខេត្តមណ្ឌលគិរីដោយចោទប្រកាន់ឈ្មោះយឹមបាននាយប៉ុស្តិ៍ដែលកន្លងមកជាមេឈ្មួញដ៏ធំរកស៊ីកាប់បំផ្លាញព្រៃឈើរហូតមកដល់បច្ចុប្បន្ននេះ។ក្នុងន័យខាងលើបងប្អូនប្រជាសហគមន៍ បានបញ្ជាក់ប្រាប់អ្នកសារព័ត៌មានអោយដឹងថាការរកស៊ីរបស់លោកមេប៉ុស្តិ៍រូបនេះវាជារឿងធម្មតាទៅហើយ។ក៏ប៉ុន្តែអ្វីដែលពួកគាត់កើតទុក្ខមិនសុខចិត្តនោះគ្រាន់តែប្រជាសហគមន៍គាត់រកស៊ីដឹកតាមម៉ូតូបន្តិចបន្តួចមិនបានទាល់តែសោះ ក្រៅពីបក្សពួករបស់មេប៉ុស្តិ៍។
តាមប្រភពដដែលបាននិយាយថាលោក យឹមបាន មានរថយន្តសំរាប់ដឹកឈើចំនួន៤គ្រឿង និងត្រាក់ទ័រ១គ្រឿងជាពិសេសនៅថ្ងៃកើតហេតុគឺថ្ងៃទី៩.១០.២០១៤នៅកន្លែងប្រព្រឹត្ត កាប់ជ្រៀកឈើនៅក្នុងព្រៃសហគមន៏រាប់ពាន់ដើមប្រជាសហគមន៏ចំនួន៦រូបបានចូលទៅ ឃាត់កូនចៅលោកយឹមបាន អោយផ្អាកសកម្មភាពកាប់បំផ្លាញព្រៃឈើ សហគមន៍ តែត្រួវបានលោកតបតាមទូរស័ព្ទមកប្រធានសហគមន៍ ពួគឯងចង់ទៅប្ដឹងអ្នកណាក៏ទៅប្ដឹងទៅអញមិនខ្លាចទេ។
ក្រោយមកប្រជាសហគមន៍ជាង១០០គ្រួសារបានផ្ដិតមេដៃដាក់ពាក្យបណ្ដឹងលើរូបលោកយឹមបាន ជូនទៅឯកឩត្តមអភិបាលខេត្តមណ្ឌលគិរី តាមរយៈលោកមេភូមិ និងមេឃុំក្រង់តេះ ក៏ប៉ុន្តែពាក្យបណ្ដឹងរបស់ប្រជាពលរដ្ឋទាំងនោះត្រូវបានលោក ត្រេក សុផុន មេឃុំក្រង់តេះបានធ្វើការហាមឃាត់ដល់ប្រជាពលរដ្ឋទាំងអស់នោះ កុំទាន់អាលយកពាក្យបណ្ដឹងនេះទៅលើអីរង់ចាំថ្ងៃទី៣០តុលា២០១៤ លោកអភិបាលស្រុកពេជ្រាដា គាត់ចុះទៅចំណុច ឃុំក្រង់តេះដើម្បីដោះស្រាយ សំណុំរឿងខាងលើនេះ។
ប្រជាពលរដ្ឋទាំងអស់ដែលបានផ្ដិតមេដៃ លើពាក្យបណ្ដឹង គាត់គ្មានទំនុកចិត្តលើរូបលោក អភិបាលស្រុកទៅដោះស្រាយនោះទេព្រោះករណីរបៀបនេះ មានពីរទៅបីលើកទៅហើយ ប្រជាពលរដ្ឋលោកសូមអោយ លោកអភិបាលខេត្ត មណ្ឌលគិរី មេតាជួយរកយុត្តិធម៍ ដល់ប្រជាពលរដ្ឋទូទាំងឃុំ ក្រង់តេះនិងជួយការពារ ព្រៃសហគមន៏ ដែលជារបស់ជាតិយើងផង។ ហើយប្រជាពលរដ្ឋទាំងអស់ដែលរស់នៅក្នុងភូមិ ឃុំខាងលើបានសំណូមពរដល់លោកអភិបាល .ខេត្តមណ្ឌលគិរី ដកឈ្មោះលោក
យឹមបានពីប៉ូលីស និងដាក់ទោសទាន់ដល់លោក យឹមបាន តាមច្បាប់ផងចុះ៕
គុណ
