ខេត្តព្រះសីហនុ ៖គេនៅចាំបានថាកាលពីរសៀលថ្ងៃទី២០ ខែមករា ឆ្នាំ២០១៧កន្លងទៅនេះកម្លាំងគយចល័តខេត្តព្រះសីហនុបានចាប់ទំនិញនាំចូលជាទូរស័ព្ទម៉ាកអាយផូន(iPhone)ដែលឈ្មួញបំណងគេចមិនបង់ពន្ធចំនួន១៣កេស ដឹកចូលពីប្រទេសថៃនៅចំណុចក្នុងផែគមនាគមន៍ហៅផែឡើងទំនិញទំនប់រលកស្ថិតក្នុងភូមិ៣សង្កាត់លេខ១ក្រុងព្រះសីហនុនៅ ។
សកម្មភាពបង្ក្រាបនេះមាន កម្លាំងមន្ទីរយុត្តិធម៌ អាវុធហត្ថខេត្តចំនួន០៣នាក់ និងកកម្លាំងអាវុធហត្ថ ស្នាក់ការទំនប់រលកចំនួន៦នាក់ ដឹកនាំវរសេនីយ៍ឯក សេង ផុក មេបញ្ជាការស្តីទី កងរាជអាវុធហត្ថខេត្ត សហការជាមួយគយចល័ត ដឹកនាំដោយលោក កែវ សម្ភស្ស និងគយស្នាក់ការទំនប់រលក ដឹកនាំដោយលោក ឡឹក សុភាព។ប៉ុន្តែបើតាមប្រជាពលរដ្ឋនៅទំនប់រលកឲ្យដឹងថា៖ប្រតិបត្តិការបង្ក្រាបដែលយូៗបានកើតឡើងម្តងហើយកើតតែចំពោះឈ្មួញណាដែលមិនត្រូវគ្នាឬចង់លោតឆត្រ័ជាមួយគយតែប៉ុណ្ណោះ។
ជាក់ស្តែងការបង្ក្រាបបានទំនិញទូរសព្ទលោតឆត្រ័នេះគឺកើតឡើងតែ១១ថ្ងៃក្រោយពីលោកទុំ ណូ អតីតប្រធាន សាខាគយខេត្តប៉ៃលិនដែលធ្លាប់សាងកំហុសយ៉ាងច្រើនសន្ធឹកសន្ធាប់ ក្នុងការធ្វើឲ្យបាត់ចំណូលពន្ធត្រូវបានលោក នួន ច័ន្ទរិទ្ធ អគ្គនាយករង នៃអគ្គនាយដ្ឋាន គយនិងរដ្ឋាករ កម្ពុជា តំណាងឲ្យ លោក គុណ ញឹមប្រកាសឲ្យ ចូលកាន់តំណែងជាមេគយខេត្តព្រះសីហនុជំនួសលោកលោក យ៉ឹក យូ ដែលបានប្តូរទៅជាប្រធាន សាខាគយកំពង់ផែអន្តរជាតិ ក្រុងព្រះសីហនុ ជំនួសលោក គិន លី ដែលត្រូវដាក់ឲ្យចូលនិវត្តន៍ ។
នៅក្នុងតួនាទីថ្មីនេះលោកទុំ ណូត្រូវមើលការខុសត្រូវគយគយកំពង់ផែទំនប់រលកនិងគយកំពង់ផែកែវផុសដែលគេដឹងថាជាកន្លែងឈ្មួញគ្រាក់ៗនាំចេញនិងចូលទំនិញគេចពន្ធឬបង់ពន្ធមិនគ្រប់។គយកំពង់ផែទំនប់រលកក្រោមបញ្ជារលោកឡឹងសុភាពត្រូវគេរាយការណ៍មកថា បានឃុបឃឹតគ្នាជាមួយឈ្មួញនាំចូលទំនិញគេចពន្ធពីប្រទេសថៃ ដែលនាំឲ្យខាតថវិកាពន្ធរដ្ឋរាប់សិបម៉ឺនដុល្លារអាមេរិកក្នុងមួយឆ្នាំៗ។
ប្រជានេសាទនៅទំនប់រលកបានឲ្យដឹងថា គយនៅកំពង់ផែទំនប់រលកបានឃុបឃិតជាមួយឈ្មួញ ឲ្យនាំទំនិញ គេចពន្ធចូលតំបន់ទំនប់រលកសង្កាត់លេខ១ ក្រុងព្រះសីហនុធ្វើការចែកចាយក្នុងក្រុង និងនាំយកទៅបណ្តាខេត្តមួយចំនួនដោយខុសច្បាប់។ប្រជានេសាទនៅតំបន់ទំនប់រលកក្រុងព្រះសីហនុបានប្រាប់ថា ទំនិញគេចពន្ឋត្រូវបានលោក ឌឺន វ៉ាន់ឌីដែលគេស្គាល់ថា៖ ជាមេឈ្មួញធំ នាំចូលមកពីប្រទេសថៃតាមច្រកទំនប់រលក នាំចូលទាំងយប់ទាំងថ្ងៃ តាមទូកមួយយ៉ាងធំនៅតំបន់ទំនប់រលក។ប្រជានេសាទនៅជិតផ្ទះលោក ឌឹន វ៉ាន់ឌី នោះបានរាយការណ៍បន្ថែមថា ទំនិញគេចពន្ធទាំងនោះ ភាគច្រើនជាគ្រឿងឧបភោគ និងបរិភោគ ដូចជាទឹកក្រូច ហ្គាស ប្រេង និងសម្ភារៈប្រើប្រាស់ ជាច្រើនមុខទៀតរាប់មិនអស់។
ទំនិញទាំងនោះ ត្រូវគេដឹកយកទៅរក្សាទុកនៅទីតាំងមួយកន្លែងនៅផ្សារលើ និងឃ្លាំងអូរសេតេ ហើយធ្វើការចែកចាយតាមផ្សារទំនើបជាច្រើនកន្លែង នៅក្នុងក្រុងព្រះសីហនុ និងដឹកជញ្ជូនតាមរថយន្ត១២កៅអី និងរថយន្ត២តោនកន្លះឃ្លប់បិទជិត។ដូច្នោះការបង្ក្រាបទូកដឹកទូរសព្ទ័កាលពីថ្ងៃទី២០កមរាត្រូវបានអ្នរកស៊ីនិយាយថាគឺគ្រាន់តែជាល្បិចគោះទឹកបង្អើលត្រីរបស់លោកទុំណូតែប៉ុណ្ណោះ។ព្រោះមន្ត្រីគយបានលាក់បាំងឈ្មោះឈ្មួញដែលលួចនាំទូរសព្ទដែលបានបង្ក្រាបនោះ។
ចឹងហើយបានជាចាប់តាំងពី អគ្គនាយកដ្ឋានគយ និងរដ្ឋាករកម្ពុជាចាត់តាំងលោក ទុំ ណូ ប្រធានសាខាគយ ខេត្តព្រះសីហនុ ជំនួសលោក យ៉ឹក យូ ដើម្បីអ្វីដែលគេហៅថាពង្រឹងប្រសិទ្ធភាពប្រពន្ធឲ្យមានកំណើនប្រសើរជាងមុននោះ លុបបំបាត់អំពើពុករលួយមកក៏នៅតែមានសចក្តីរាយការណ៍ថាបទល្មើសគេចពន្ធដែលកើតចេញពីការត្រូវគ្នារវាងគយនិងឈ្មួញគឺនៅតែមាន ។
មន្ត្រីស្ថាប័នពាក់ព័ន្ធដែលឈរជើងនៅក្រុងព្រះសីហនុដែរនោះបានបង្ហើបឲ្យដឹងថា គេសង្កេតឃើញ ទំនិញគេចពន្ធរបស់ឈ្មួញធំៗ នៅតែបន្តហូរចូល យ៉ាងគគ្រឹកគគ្រេងដូចមុនដដែល ដោយគេសង្ស័យថា លោក ទុំ ណូ ដែលទើបទៅកាន់តំណែងថ្មី កំពុងដើរតាមគន្លងចាស់ គឺបន្តការចាត់តាំងមន្ត្រីថ្នាក់ក្រោមឲ្យប្រមូលលុយគ្មានវិក្កយបត្រ ពីឈ្មួញនាំទំនិញខុសច្បាប់ និងបង់ពន្ធមិនគ្រប់ ដែលឆ្លងកាត់ផែទំនប់រលក ផែស្ទឹងហាវ ផែកែវផុស ផែលោកឧកញ៉ា សូ ជុងហួ។ល។ដែលស្ថិតក្រោមអំណាចលោកទុំណូដែលជាមេគយខេត្ត ។
គួររំលឹកថា ក្នុងអំឡុងពេលដែល លោក ទុំ ណូ កាន់តំណែងជា ប្រធានសាខាគយ ខេត្តប៉ៃលិន ក្រុមឈ្មួញគ្រាក់ៗ មានឱកាសពេញលេញក្នុងការ ដឹកជញ្ជូន ទំនិញគេចពន្ធ ឆ្លងកាត់ខេត្តប៉ៃលិន ដោយរលូន ។ ក្នុងនាមជាប្រធានសាខាគយ ខេត្តប៉ៃលិនលោក ទុំ ណូ បានចាត់តាំងឲ្យមន្ត្រីស្និទ្ធក្រោមឱវាទ ប្រមូលលុយ ដោយមិនខ្វល់ ពីការកែទម្រង់របស់ក្រសួង អ្វីនោះឡើយ។
ប្រភេទទំនិញចម្រុះ និងគ្រឿងបន្លាស់ ដែលឈ្មួញនាំចូលបង់ត្រឹមតែ ៣០ទៅ៤០ ភាគរយដែលនាំឲ្យរដ្ឋត្រូវខាតបង់ ចំណូលពន្ធ រាប់សិបម៉ឺនដុល្លារ ក្នុងមួយខែៗ តែប្រាក់ទាំងនោះបានធ្លាក់ចូល ដៃមនុស្សដែលលោកទុំណូចាត់តាំង ។សេចក្តីរាយការណ៍ខាងលើនេះសង្ឃឹមថានឺងមានការស៊ើបអង្កេតពីសមត្តកិច្ចជំនាញថ្នាក់លើពិសេសអង្គភាពប្រឆាំងអំពើពុករលួយឬប្រតិកម្មបកស្រាយពីលោកទុំណូក្នុងតួនាទីថ្មីជាមេគយខេត្តព្រះសីហនុជាមិនខាន!ព្រោះលោកទុំណូមិនមែនមកដោយស្រួយលនោះទេចឹងត្រូវរកសងវិញ ៕
