ខេត្តឧត្តរមានជ័យ ៖ ល្បែងស៊ីសងមួយប្រភេទ គឺការបាញ់កាំជ្រួចភ្នាល់ដាក់លុយ ដែលបង្កហានិភ័យខ្ពស់ដល់ប្រជាពលរដ្ឋមានថៅកែខ្មែរនិងថៅកែថៃចូលហ៊ុនគ្នាបានបើកឲ្យខ្មែរនិងថែលេងទៀតហើយនៅព្រុំដែនខ្មែរថៃក្នុងស្រុកអន្លង់វែងខេត្តឧត្តរមានជ័យ ។ ល្បែងចឹងៗនៅស្រុកសៀមគេហាមព្រោះផ្សែងកាំ ជ្រួច បង្កការបំពុលបរិយាកាស រីឯ រំសេវ និងសំបកកាំជ្រួចដែលធ្លាក់មកក្រោម អាចនឹងបង្កជាគ្រោះថ្នាក់ ដល់ប្រជាពលរដ្ឋតែបែជាខ្មែរឃុបឃឹតគ្នាបើកឲ្យលេងទៅវិញក្រោមលេសវិនិយោគដោយមានថៅកែខ្មែរម្នាក់ឈ្មោះផលសាម៉នដែលគេស្គាលថា៖ជានាយកក្រុមហ៊ុនអភិវឌ្ឍន៍ផ្សារ នៅមាត់ច្រកអន្តរជាតិជាំ ជាអ្នកបោះមេបង់លុយឲ្យសមត្តកិច្ច។
ប្រជាពលរដ្ឋនិយាយថា ! ក្រុមហ៊ុនវិនិយោគមួយនេះគឺជួយបង្កើតជម្ងឺ បង្កើនការ ស្លាប់ និងជួយឲ្យប្រជាពលរដ្ឋ ក្រីក្រ ក្នុងខេត្តឧត្តរមានជ័យទៅវិញទេតើ ព្រោះជា ល្បែង ភ្នាល់ បាញ់កាំជ្រួច ដែលល្បែងមួយ ប្រភេទ គ្រោះថ្នាក់បំផុតនៅប្រទេសថៃ ត្រូវបាន ច្បាប់ ហាមឃាត់។ល្បែងនេះបានមានវត្តមានស៊ីលុយម្តងនៅក្នុងឃុំត្រពាំងប្រីយ៍ ស្រុកអន្លង់វែងតែ បន្ទាប់ពីបាត់ ខ្លួនមួយ រយៈ ឥឡូវនៅច្រកអន្តរជាតិជាំសាង៉ាំ បានបើកជាចំហរ ទៀត ហើយ ឱ្យជនជាតិថៃនិងខ្មែរចូលមកលេងល្បែងភ្នាល់ បាញ់ កាំ ជ្រួចមួយនេះដោយសេរី ដែលធ្វើឲ្យប្រជាពលរដ្ឋខ្មែរដែលមាន ផ្ទះ នៅតាមជើងភ្នំដងរែកមានការព្រួយបារម្ភព្រោះអាចបង្កឲ្យឆេះផ្ទះសំបែងពួកគាត់បានគ្រប់ពេលវេលា ។
សកម្មភាព ជនជាតិថៃ ចូលមកបាញ់កាំជ្រួច នៅក្នុងទឹកដីកម្ពុជា បានធ្វើឡើង ជារៀងរាល់ថ្ងៃសៅរ៍ និងថ្ងៃអាទិត្យ ដែលមានចំងាយប្រហែលជា ០៦គីឡូម៉ែត្រ ស្ថិតនៅ ចំណុចភូមិអូរថ្មរ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ។ចំណែក នៅចំណុច ភូមិអូពក សង្កាត់អូរស្មាច់ ក្រុងសំរោងវិញ នឹងដំណើរការនៅថ្ងៃច័ន្ទ និងថ្ងៃអង្គារ៍ ។
ប្រជាពលរដ្ឋនិយាយទៀតថា៖ មេល្បែងបាញ់កាំជ្រួចភ្នាល់ចាក់លុយ ដែលត្រូវបានគេដឹង គ្រប់ៗគ្នាថា ជានាយកក្រុមហ៊ុនអភិវឌ្ឍន៍ផ្សារ នៅមាត់ច្រកអន្តរជាតិជា គឺលោក ផល សាម៉ន មានថានៈជាឯកឧត្តម ជាអ្នករៀបចំ ។
ប្រជាពលរដ្ឋបន្ថែមថា៖ កន្លងមក សំបកកាំជ្រួច បានធ្លាក់ទៅលើដីចំការ ជាប្រភេទបំពង់ទីប ជ័រ និងដើមឬស្សី ដែលមានប្រវែង ពី ០៥ ម៉ែត្រ ទៅ ០៦ម៉ែត្រ ហើយខ្លះទៀតមានប្រវែង ទៅដល់ ០៨ម៉ែត្រ ទៅ៩ម៉ែត្រ ក៏មានដែរ ! ហើយនៅប្រទេសថៃ កន្លងមកធ្លាប់កើត មានគ្រោះ ថ្នាក់ សំបកកាំជ្រួច បានធ្លាក់ចំមនុស្សស្លាប់ និងលំនៅដ្ឋានឆេះ និងគ្រោះថ្នាក់ ធ្លាក់ ទៅកន្លែងឆ្ងាយៗទៀត ព្រោះរយៈកំពស់របស់កាំជ្រួចមួយដើម ពេលបាញ់អាចហោះ បាន ចាប់ពី ១ពាន់ម៉ែត្រ ទៅ២ពាន់ម៉ែត្រ ហើយផ្សែងកាំជ្រួច ក៏ប៉ះពាល់ដល់បរិស្ថាន ទើបច្បាប់នៅប្រទេសធ្វើការហាមឃាត់មិនឱ្យបាញ់ ។
មហាជននិយាយរិះគន់ថា៖ ឯកឧត្តមផលសាម៉នមានលុយ ហេតុអីមិនវិនិយោគផ្សេង ពីនេះដើម្បីជួយប្រជាពលរដ្ឋឲ្យមានការងារធ្វើផង ! ម៉េចក៍ចូលចិត្តបង្កការលំបាកដល់ប្រជាពលរដ្ឋបែបនេះ។តើលោកសាថាវីចៅហ្វេយខេត្តឧត្តមានជ័យមានភាគហ៊ុនជាមួយក្រុមហ៊ុនលែងបាញ់កាំជ្រួចនេះដែរអត់? ៕