ស្ទឹងត្រែង ៖ កម្លាំងមន្ទីរប្រឆាំងគ្រឿងញៀន ក្រសួងមហាផ្ឌៃសហការជាមួយកម្លាំងការិយាល័យប្រឆាំគ្រឿងញៀនខេត្តស្ទឹងត្រែងចុះឃាត់ខ្លួនជនសង្ស័យជនជាតិឡាវម្នាក់ជាមួយគ្រឿងញៀន(ICE)ចំនួន៥កញ្ចប់ធំជិតប្រាំគីឡូក្រាម។
សមត្ថកិច្ចបានឱ្យដឹងថា ជនសង្ស័យជនជាតិឡាវដែលសមត្ថកិច្ចឃាត៎ខ្លួនមានឈ្មោះម៉ៃសនសៃញ៉ាខាម ភេទប្រុស អាយុ៣៩ឆ្នាំមានស្រុកកំណើតនៅភូមិណាឌី ស្រុកវៀងថងខេត្តបូលីខាំសៃ ប្រទេសឡាវ។
សមត្ថកិច្ចនគរបាលបានបញ្ជាក់ថា ៖ ករណីឃាត់ខ្លួនជនសង្ស័យជនជាតិឡាវខាងលើ នេះបានធ្វើឡើងនៅវេលាម៉ោង៩និង៣០នាទីព្រឹកថ្ងៃទៅ០៤មិនាឆ្នាំ២០១៧នៅចំណុចភូមិសាស្ត្រក្នុងភូមិខាំផាន់សង្កាត់សាមគ្គីក្រុងខេត្តស្ទឹងត្រែង។
ជនសង្ស័យឈ្មោះម៉ៃសន សៃញ៉ាខាមបានឆ្លើយសារភាពចំពោះមុខសមត្ថកិច្ចថា ខ្លួនពិតជាបាន នាំយកគ្រឿងញៀននេះចូលពីប្រទេសឡាវមកមែនដោយខ្លួនជាកសិករ គ្រួសារ ក្រីក្រស៊ីឈ្នួលទទួលកាន់យកមកដើម្បីជាថ្នូយកប្រាក់សំរាប់ចិញ្ចឹមជីវិតហើយក៏មិនបានដឹងថាសមត្ថកិច្ចតាមដានចាប់ខ្លួននេះទេ ។
លោកឧត្តមឧត្តមសេនីយ៏ត្រី ម៉ៅ តារ៉ា ស្នងការនគរបាលខេត្ត ស្ទឹងត្រែង បានបញ្ជាក់ថា៖រាល់សកម្មភាព ជួញដូរ គ្រឿងញៀនទោះក្នុងរូបភាពបែបណាក៏ដោយ សមត្ថកិច្ចដាច់ខាតមិនលើកលែងឡើយ ពីព្រោះទង្វើទាំងនេះវាបានបំផ្លាញសន្តិសុខសង្គមទាំងមូល ។
លោកឧត្តមសេនីយ៏ត្រីស្នងការបានបន្ថែមថា ៖ បញ្ហានេះទាំងកំលាំងនគរបាលកំពុងបង្កើនការប្រយុទ្ធប្រឆាំងយ៉ាងម៉ឺងម៉ាត់តាមដានមុខសញ្ញាផ្សេងៗទៀតឲ្យបានឆ្លើយតបតាមការណែនាំរបស់គណៈបញ្ជាការឯកភាពខេត្តនិងក្រសួងមហាផ្ទៃហើយនេះក៏ជាលើកទី១នៅក្នុងខែមិនានេះ ដែលជនសង្ស័យថ្លើមធំហ៊ាននាំថ្នាំញៀន៥កញ្ជាប់ធំស្មើនិង(៤៩២៨.៩ក្រាម)ចូលមកខេត្តស្ទឹងត្រែង។
ក្នុងនោះដែរ លោកស្នងការខេត្តក៏បានអំពាវនាវទៅដល់បងប្អូនប្រជាពលរដ្ឋ ទោះជាជនជាតិឡាវ ជនជាតិខ្មែរក្តី និងជនជាតិវៀតណាមក៏សូមកុំឪ្យជឿ តាមការញុះញុង់របស់មេក្លោង កំុឪ្យចង់បានប្រាក់ទោះក្នុងកំរិតណាក៏ដោយ ពីព្រោះសកត្ថកិច្ចដាច់ខាតត្រូវតែឃាត់ខ្លួនយកមកដាក់ទោសតាមច្បាប់។
បច្ចុប្បន្នជនសង្ស័យ រួមនឹងវត្ថុតាំងថ្នាំញៀនប្រភេទមេតំហ្វេតាមីន(ជិត៥គីឡូក្រាម) ត្រូវបានសមត្ថកិច្ច រៀបចំសំណុំរឿងពាក់ព័ន្ធ នាំខ្លួនទៅកាន់តុលាការចាត់ការតាមនីតិវិធីច្បាប់ ៕
ចាប សាមឿន
