កោះកុង ៖ ប្រាសាទអង្គរភ្នំខ្លុងដែលជាបេតិកភណ្ឌជាតិ ត្រូវបានអ្នករកស៊ី កាយដឹកដីលក់ រំលោភកាយយកអាចម៍ដី ស្ទើរលើង ប្រាសាទ នឹងកាយចូលក្នុងរបងប្រាសាទទៀត តែសមត្តកិច្ចស្ងាត់ឈឹងទាំងមូលដ្ខាននិងមជ្ឍឹម(ក្រសួង) ។ម្ចាស់គ្រឿងចក្រដែលរកស៊ីកាយដីលក់ត្រូវបានគេស្គាល់ថា មានឈ្មោះទី សារឹម ប្ដីឈ្មោះ ហៃលាង រស់នៅទីក្រុងភ្នំពេញ និងមានផ្ទះ នៅក្នុងស្រុកស្រែអំបិលមួយទៀត។ម្ចាស់ឡានដឹកដីនិងការដ្ឋាបកាយដីឈ្មោះ ទី សារឹម ប្រាប់ថា គាត់កាយដីភ្នំជិតជើង ប្រាសាទអង្គរភ្នំខ្លុង គឺគាត់បានប្រាប់ទៅ លោក អ៊ូ សុភីដែលជាប្រធានការិយាល័យរ៉ែថាមពល ស្រុកស្រែអំបិល ហើយ លោក អ៊ូ សុភី បានប្រាប់គាត់ថា ឲ្យកាយដីភ្នំនោះចុះ ។
ប្រការដែលហួសចិត្តគឺ ឈ្មោះ ទី សារឹម បញ្ជាក់ថា៖ប្រធានមន្ទី រ៉ែថាមពលខេត្តកោះកុង បានឲ្យគាត់កាយដែរ និង មក វាស់វែងដីឲ្យគាត់កាយទៀតផង។ ដីដែលគាត់កាយនោះ ម្ចាស់ដីឈ្មោះ វាត ត្រូវជាប្អូនថ្លៃលោក វាន់រា ធ្វើការនៅគមនាគមន៌ខេត្ត។ទោះជាយ៉ាងណាករណីនេះលោកតាអាចារ្យនៅវត្ថភ្នំខ្លុង គាត់បានប្រាប់ទៅអ្នកបើកគ្រឿងចក្រ មិនអោយកាយដីជិតជើង ប្រាសាទអង្គរភ្នំខ្លុងទេ តែពួកគេនៅតែកាយដដែល ។
លោក អ៊ូ សុភី ប្រធានរ៉ែថាមពលស្រុកស្រែអំបិលវិញ និង លោក ពេជ្ស ស៊ីយុន ប្រធានមន្ទីរ៉ែថាមពលខេត្ដកោះកុង អ្នកសារព័ត៏មានមិនអាចទាក់ទងសុំការបកស្រាយបានទេ។ ចំណែក លោក ទួន សីលា អភិបាលស្រុកស្រែអំបិល អ្នកសារព័ត៍មានសួរពីរឿងកាយដីភ្នំជិតជើង ប្រាសាទអង្គរភ្នំខ្លុងនោះ គាត់ប្រាប់ថាចាំគាត់អោយគេទៅមើល(ស៊ិក)។
តាមប្រភពច្បាស់ការ ពីមន្ត្រីជើងចាស់ដែលសូមមិនបញ្ចេញឈ្មោះ បាននិយាយប្រាប់អ្នកសារព័ត៌មានថា ១ដីភ្នំនៅជិតការិយាល័យរ៉ែថាមពលស្រុក ២ដីភ្នំនៅជិតផ្លូវវត្តចុះមកភូមិចាម ៣ដីជើងភ្នំ ប្រាសាទអង្គរភ្នំខ្លុង តាំងពីពួកគាត់នៅជាមន្ត្រីសាលាស្រុកស្រែអំបិល ពួកគាត់មិនឲ្យអ្នកណា កាយដីភ្នំទាំងអស់នោះទេ តែមន្ត្រីសាលាស្រុកឡើងថ្មីឥឡូវនេះ លេងអស់ដីភ្នំ ដែលជាសម្បត្តិរបស់រដ្ឋ និងជាសម្បត្តិវប្បធម៏ជាតិ មិនគួរណាអស់លោក បណ្ដោយអោយអ្នករកស៊ីឡានដឹកកាយដីភ្នំលក់ ជាពិសេសគឺដីជើងភ្នំ ប្រាសាទអង្គរភ្នំខ្លុង។
ប្រជាពលរដ្ឋរិះគន់ថា ការឃុបឃិតគ្នារវាងប្រធានរ៉ែថាមពលស្រុក លោក អ៊ូ សុភី នឹងប្រធានមន្ទីរ៉ែថាមពលខេត្ត លោក ពេជ្រ សីយុន ដែលបានបើកដៃរឲ្យឈ្មួញរកស៊ីឡានដឹកដីលក់ កាយដីភ្នំរបស់រដ្ឋ ហើយឲ្យកាយដីជើងប្រាសាទអង្គរភ្នំខ្លុងទៀត ដែលជាបេតិកភណ្ឌ័ជាតិ គឺជាការឃុបឃិតគ្នាជាប្រពន្ធ័ កើបលុយស្ងាត់ៗ មកធ្វើមានធ្វើបាន យកលុយដាក់ហោប៉ៅ ទិញឡានថ្មី ធ្វើវិឡាថ្មី ដោយសារលក់ដីភ្នំ លក់សម្បត្តិរដ្ឋខ្លួនឯង មិនគឹតដល់ផលប្រយោជន៏ជាតិ ហើយតាមប្រជាពលរដ្ឋរិះគន់ទៀតថាលោក អ៊ូ សុភី បានបើកហាងថ្មី ហើយទិញឡានថ្មីជិះ ថែមទាំងទិញគ្រឿងចក្រមួយឈុតទៀត ទុករកស៊ីពេលអស់តំណែង។
ប្រជាពលរដ្ឋសំណូមពរ សួមអោយអង្គភាពប្រឆាំងអំពើពុករលួយ ចុះស៊ើបអង្កេត អំពើពុករលួយរបស់មន្ត្រីពាក់ពន្ធ័ ដែលបើកដៃឲ្យឈ្មួញកាយដីជើងភ្នំប្រាសាទអង្គរភ្នំខ្លុង ដែលជាសម្បត្តិវប្បធម៏ជាតិ។
ព័តិមានមួយនេះសង្ឃឹមថា លោក ប៊ុន លើត អភិបាលខេត្តកោះកុងពិសេសក្រសួងវប្បថមិនិងវិចិត្តសិល្បៈនឹង ចាត់វិធានការ ចំពោះអ្នកដែលឃុបឃិតគ្នា កាយដីភ្នំលក់ ជាពិសេសជើងភ្នំ ប្រាសាទអង្គរភ្នំខ្លុងមិនខានបើ បើមិនអញ្ជឹងទេ ប្រាសាទភ្នំខ្លុង ច្បាស់ជារលំហើយ ដែលជាប្រការគួរឲ្យសោកស្តាយជាទីបំផុត ព្រោះប្រាសាទនេះមានអាយុកាលរាប់រយឆ្នាំមកហើយ៕
