ព្រះវិហ៊ា ៖ ថ្មីៗនេះមានសារព័ត៌មានក្នុងស្រុកមួយចំនួនបានចុះផ្សាយថាមានទីតាំងម៉ាស៊ីនអារឈើចំនួន៩ស្ថិតនៅក្នុងដែនសមត្តកិច្ចយោធាអង្គរក្សបាននិងកំពុងបញ្ចេញសកម្មភាពអារនិងច្រៀកឈើដោយខុសច្បាប់គ្មានការបង្ក្រាប។ ក្រោយការបែកធ្លាយព័ត៌មាននេះ នៅថ្ងៃទី១ កុម្ភៈ រដ្ឋបាលខេត្តព្រះវិហារបានចេញសេចក្តីប្រកាសព័ត៌មានមួយបំភ្លឺថា៖ ទីតាំង(អារឈើ)ចំនួន៩កន្លែងនោះ ស្ថិតនៅលើផ្ទៃដីទំហំ ៧,៧២៩ហិកតា គឺជាដីដែលត្រូវបានរដ្ឋាភិបាលសម្រេចផ្តល់ជាសម្បទានសង្គមកិច្ច សម្រាប់ចែកជូនក្រុមគ្រួសារយោធិន ក្នុងកងពលធំលេខ៣។ ក្នុងនោះ គឺធ្វើអនុប្បយោគជាដីឯកជនរបស់រដ្ឋទំហំ២,៤៧១.៤១ហិកតា ស្ថិតនៅឃុំយាង ស្រុកជាំក្សាន្ត ខេត្តព្រះវិហារ សម្រាប់ធ្វើដីសម្បទានសង្គមកិច្ច ជូនដល់បញ្ជាការដ្ឋានកងអង្គរក្ស និងគ្រួសារ ដើម្បីសាងសង់ផ្ទះជូនយោធិនចូលនិវត្តន៍ ចំនួន២៥០ខ្នងបន្ថែម។
ដូច្នេះដើម្បីសាងសង់ផ្ទះជូនយោធិន អភិវឌ្ឍន៍អង្គភាពបញ្ជាការដ្ឋានកងអង្គរក្ស និងកងពលធំលេខ៣ បានប្រើប្រាស់ឈើដែលមាននៅក្នុងដីសម្បទានសង្គមកិច្ចទាំងនោះ ក្នុងរូបភាពលក្ខណៈគ្រួសារកងទ័ព ស្របតាមលិខិតបទដ្ឋានគតិយុត្ត ។ រដ្ឋបាលខេត្តព្រះវិហារ បានប្រកាសច្រានចោលទាំងស្រុងចំពោះការចោទប្រកាន់មកលើបញ្ជាការដ្ឋានកងអង្គរក្ស កងពលធំលេខ៣ និងថ្នាក់ដឹកនាំខេត្តព្រះវិហារ គឺគ្មានមូលដ្ឋានច្បាស់លាស់។
សេចក្តីប្រកាសព័ត៌មានដដែលបញ្ជាក់ថា រដ្ឋបាលខេត្តព្រះវិហារ បានខិតខំការពារធនធានធម្មជាតិ និងចាត់វិធានការយ៉ាងម៉ឺងមាត់ ដើម្បីទប់ស្កាត់ការបំផ្លាញព្រៃឈើខុសច្បាប់ និងទទួលយកការផ្តល់ព័ត៌មានពីគ្រប់មជ្ឈដ្ឋាន ដើម្បីបង្កើនប្រសិទ្ធភាពការងារការពារធនធានធម្មជាតិ និងបើកឱកាសដល់អ្នកពាក់ព័ន្ធនានា ក្នុងការផ្តល់ព័ត៌មានឲ្យគ្នាទៅវិញទៅមក ដើម្បីអភិរក្សធនធានធម្មជាតិប្រកបដោយចីរភាព។
ទោះជាយ៉ាងណានៅក្នុងសេចក្តីបំភ្លឹនវសាលាខេត្តព្រះវិហ៊ាមិនបានបង្ហាញតេថាតើឈើដែលម៉ាស៊ិនអារឈើទាំង៩កន្លែងដែលធ្វើសកម្មភាពទាំងយប់ថ្ងៃនោះអារឈើធ្វើផ្ទះជូនយោធាបានប៉ុន្មានខ្នងឡើយ។នេះហើយជាបញ្ហាដេលថ្វើឲ្យមាកកាសង្ស័យថាពួកឈ្មួញប្រើទីតាំងយោធាធ្វើសកម្មភាពកាប់បំផ្លាញនិងជួញឈើក្រោមស្លាកដីសម្បទានសេដ្ឋកិច្ចធ្វើផ្ទះឲ្យយោធិន ៕
