កំពង់ធំ៖ លោកឧត្តមសេនីយ៍ទោ ជូ សំអានស្នងការនគរបាលខេត្តកពង់ធំត្រូវបានអនុរបស់ខ្លួនចំនួន៥រូប ប្ដឹងជាផ្លូវការ ទៅកាន់សម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃពីបទប្រកាន់បក្ខពួកនិងពុករលួយ ។ ស្នងការរងនគរបាលខេត្តកំពង់ធំទាំង៥រូបរួមមាន ថ្នាក់ឧត្តមសេនីយ៍ត្រី៤រូប និងវរៈសេនីយ៍ឯកមួយរូបនោះ ក៏បានប្ដឹងស្នងការរងម្នាក់ទៀត គឺលោកវរសេនីយ៍ឯកអ៊ិត គឹមស្រ៊នដែលជា ស្នងការរងទទួលផែនធនធានមនុស្ស ពីបទមានការឃុបឃិតដឹកនាំខុសឆ្គងយ៉ាងធ្ងន់ធ្ងរ ជាមួយលោកឧត្តមសេនីយ៍ទោ ជូ សំអាន។
មុននិងធ្លាយពតិមានធ្ងន់ធ្ងខាងលើនេះវាក៏មានលេចពតិមានថាមាន មន្ត្រីនគរបាលថ្នាក់នាយប៉ុស្តិ៍ ក៏បានប្ដឹងទៅសម្ដេចក្រឡាហោម ស ខេង ឲ្យដកតំណែងលោកឧត្តមសេនីយ៍ទោ ជូ សំអាន និងស្នងការរង អ៊ិត គឹមស្រ៊ន និងស្នងការរងទទួលការងារសន្តិសុខ លោក ខៀវ ចាន់នី ដោយពួកគេចោទថា «មានភាពមិនប្រក្រតី ពុករលួយ និងបក្ខពួកនិយម ក្នុងការដឹកនាំជាពិសេសនោះការតែងតាំងមន្ត្រីឲ្យកាន់តំណែង និងឈរជើងនៅកន្លែងណាមួយ គឺត្រូវកំណត់តម្លៃយ៉ាងជាក់ច្បាស់»ផងដែរ។
ករណីនេះលោកឧត្តមសេនីយ៍ទោ ជូ សំអាន បានចេញមកធ្វើការបដិសេធ ដោយលើកហេតុផលថា មានគេអ្នករៀបចំប្ដឹងលោក ហើយចោទថា មន្ត្រីដែលប្ដឹងលោកនោះ អសកម្មការងារ តែលើកនេះពាក្យបណ្ដឹង ដែលបែកធ្លាយដាក់ទៅសម្ដេចក្រឡាហោម គឺអ្នកប្ដឹងជាស្នងការរងទាំង៥នាក់ ដូច្នេះតើការដាក់ពាក្យបណ្ដឹងទៅកាន់ថ្នាក់លើជាការមួរបង្កាច់ ឬជាការពិត។
យោងតាមពាក្យបណ្ដឹងរបស់ ស្នងការរងទាំង៥រូប រួមមាន៖ លោកឧត្តមសេនីយត្រី ឱម ទីលី លោកឧត្តមសេនីយ៍ត្រី លឹម ហេន លោកឧត្តមសេនយ៍ត្រី លន ណាឡោម លោកឧត្តមសេនិយ៍ត្រី កែ ខាន់ណាឡា និងលោកវរសេនីយ៍ឯក កែវ សុផល ដែលកាសែតទទួលបានបានរៀបរាប់ពីភាពមិនប្រក្រតី ក៏ដូចជា អំពើពុករលួយនៃការដឹកនាំរបស់ លោកឧត្តមសេនីយ៍ទោ ជូ សំអាន និងស្នងការរង អ៊ិត គឹមស្រ៊ន។
អសមត្ថភាពដឹកនាំ គ្មានការទទួលខុសត្រូវ ជឿតែការចាក់រុកពីស្នងការរង អ៊ិត គឹមស្រ៊ន។ មានភាពយឺតយ៉ាវ ស្ពឹកស្រពន់ ពេលមានបញ្ហាមិនចេះផ្ដល់យោបល់ ឬគោលការណ៍ច្បាស់លាស់ ពុំដែលប្រជុំគណៈស្នងការ ក៏ដូចជា គណៈកម្មាធិការស្នងការ ធ្វើតែតាម ស្នងការរង អ៊ិត គឹមស្រ៊ន។
ពាក្យបណ្ដឹងនេះ បានលើកឡើងថា លោកស្នងការ បានឃុបឃិតជាមួយស្នងការរង អ៊ិត គឺមស្រ៊ន តែងតាំងមន្ត្រីថ្នាក់នាយរងប៉ុស្តិ៍ និងនាយការិយាល័យពី៥០០ទៅ៣០០០ដុល្លារ ពីនាយ នាយរងផ្នែក និងអធិការដ្ឋាន ពី៥០០ទៅ១០០០ដុល្លារ ព្រមទាំងលួចដំឡើងស័ក្តិតែបក្ខពួករបស់ខ្លួន។ករណីមួយនេះជាករណីធ្ងន់ធ្ងបើទោះបីសម្របសម្រួលក៏មិនសុខជាមួយគ្នាដែរសង្ឃឹមថាអគ្គស្នងការនគរបាលជាតិនិងសម្ដេចក្រឡាហោមសខេង មានករសម្រេចចិត្តច្បាស់លាស់ជាមិនខាន៕