ស្ទឹងត្រែង ៖ កាលពីវេលាម៉ោង៧និង៣០នាទីព្រឹកថ្ងៃទី២ មីនា ឆ្នាំ២០១៧ មានករណីគ្រោះថ្នាក់ចរាចរណ៍មួយបានកើតឡើង ដោយម៉ូតូរឹម៉កមួយគ្រឿងបើកដឹកឥវ៉ាន់ពេញដោយជិះមានគ្នា៣នាក់បានបើកធ្លាក់ផ្លូវថ្នល់ បណ្តាលឪ្យបុរសម្នាក់ជាអ្នកបើកម៉ូតូរឹម៉កហ្នឹងបានស្លាប់បាត់បង់ជីវិតភ្លាមៗ នៅនិងកន្លែងកើតហេតុ ហើយចំណែកអ្នកជិះរួមដំណើរជាមួយ២នាក់ទៀតរងរបួសធ្ងន់បញ្ជូនទៅសង្គ្រោះនៅមន្ទីរខេត្ត ហេតុការណ៍បានកើតឡើងនៅចំណុចស្ពានអូរឫស្សីតាមបណ្តោយផ្លូវជាតិលេខ៩ ស្ទឹងត្រែង ព្រះវិហារ ស្ថិតនៅភូមិ ឃំុស្រែឫស្សី ស្រុកថាឡាបរិវ៉ាត់ ខេត្តស្ទឹងត្រែង ។
តាមប្រភពពីប្រជាពលរដ្ឋនៅជិតនិងកន្លែងកើតហេតុ បានឪ្យដឹងថា មុនពេលកើតហេតុគេបានឃើញម៉ូតូរឹម៉កហ្នឹងធ្វើដំណើរពីកើតទៅលិចចេញពីខេត្តស្ទឹងត្រែង លុះមកដល់កន្លែងកើតហេតុខាងលើនោះស្រាប់តែបានឃើញរថយន្តតទ្រុងធន់ធំមួយគ្រឿងបើកពីក្រោយរឹម៉កម៉ូតូហ្នឹងហើយឃើញតែរថយន្តទៅមុខបាត់ទៅ ចំណែកម៉ូតូរឹម៉កវិញបាត់មិនឃើញបន្តដំណើរទៅមុខ ។
ប្រភពបានបន្តថា មួយសន្ទុះក្រោយមកទើបមានអ្នកធ្វើដំណើរជិះម៉ូតូនិងរថយន្តទៅមកនៅតាមផ្លូវនោះគេបានឃើញហើយក៏បានស្រែកហៅបងប្អូនប្រជាពលរដ្ឋនៅក្បែរនោះឪ្យមកជួយនៅពេលដែលមកដល់បុរសម្នាក់ដែលជាអ្នកបើកម៉ូតូរឹម៉កនោះបានស្លាប់បាត់បង់ជីវិតភ្លាមៗនៅនិងកន្លែងទៅហើយ ហើយចំណែកមនុស្ស២នាក់ដែលជិះរួមដំណើរជាមួយគ្នាទទួលរងរបួសធ្ងន់ភ្លាមៗនោះដែលប្រជាពលរដ្ឋក៏បានរាយការណ៍ជូនដល់សមត្ថកិច្ចប៉ូលិសប៉ុស្តិ៍ស្រែឫស្សីបានចុះមកដល់កន្លែងកើតហេតុភ្លាមៗដែល បន្ទាប់មកក៏បានដឹកបញ្ជូនជនរងគ្រោះដែលមានរបួសធ្ងន់ធ្ងូខាងលើនោះយកទៅសង្គ្រោះនៅឯមន្ទីរខេត្ត ។
តាមប្រភពពីលោកពូ ឈឹម ឆេន ត្រូវជាឪពុករបសជនរងគ្រោះដោយគ្រោះថ្នាក់ខាងលើនោះបានឪ្យដឹងថា កូនរបស់គាត់ហ្នឹងបានបើកម៉ូតូរឹម៉កដឹកឥវ៉ាន់គ្រឿងជួសជុលម៉ូតូចេញពីភ្នំខៀវខេត្តក្រចេះ ដោយឆ្លងកាត់ខេត្តស្ទឹងត្រែង ដោយឆ្ពោះទៅនៅធ្វើជាជាងម៉ូតូនៅឃំុសន្តិភាពខេត្តព្រះវិហាត ដោយជិះដឹកឥវ៉ាន់ពេញរឹម៉កម៉ូតូមានគ្នា៣នាក់ ចំណែកអ្នកស្លាប់ម្នាក់នោះជាកូនបង្កើត រីឯ២នាក់ទៀតដែលរងរបួសធ្ងន់នោះ ម្នាក់ជាកូនបង្កើត ហើយម្នាក់ទៀតត្រូវជាកូនប្រសារ ឥឡូវនេះត្រូវបានសមត្ថកិច្ចនៅទីនោះបានជួយសង្គ្រោះដឹកយកទៅព្យាបាលនៅឯមន្ទីរពេទ្យខេត្តហើយ ។
ជុំវិញក្នុងរឿងករណីគ្រោះថ្នាក់ចរាចរណ៍ខាងលើនោះលោក ឌិន មណ្ឌល មេប៉ុស្តិ៍ស្រែឫស្សី បានឪ្យដឹងថា ជនរងគ្រោះដែលបានស្លាប់បាត់បង់ជីវិតខាងលើនោះ មានឈ្មោះ ឈឹម សុឃី ភេទប្រុស អាយុ២២ឆ្នាំ ជនជាតិខ្មែរ មានស្រុកកំណើតរស់នៅឃំុពោធិស្វាយមី ស្រុកអូររាំឪ ខេត្តត្បូងឃ្មុំ ហើយចំណែក២នាក់ទៀតដែលបញ្ជូនយកទៅសង្គ្រោះនៅឯមន្ទីរខេត្តនោះ មិនបានស្គាល់ឈ្មោះនិង អត្តសញ្ញាណនោះទេ ។ លោកបានបញ្ជាក់ថា ក្រោយពេលបានធ្វើកំណត់ហេតុរួចហើយ លោកបានប្រគល់សាកសពជនរគ្រោះនោះទៅឪ្យឪពុកម្តាយរបស់គេយកទៅធ្វើបុណ្យឪ្យតាមប្រពៃណី ៕
ចាប សាមឿន
