ក្នុងនាមរដ្ឋបាលខេត្តបាត់ដំបង សូមគោរសរសើរ និងសំដែងការគាំទ្រចំពោះសិក្ខាសាលាដែលសហការរៀបចំឡើង ដោយ សភាពាណិជ្ជកម្មកម្ពុជា សហការជាមួយមណ្ឌលសភាពាណិជ្ជកម្ម មណ្ឌលខេត្តបាត់ដំបង និងប៉ៃលិន។
នេះជាប្រសាសន៍លោក សុខ គង់ អភិបាលរងខេត្តបាត់ដំបង ថ្លែងពិធីបើកសិក្ខាសាលាថ្នាកក្រោមជាតិ ស្តីពីវេទិការរាជ រដ្ឋាភិបាលផ្នែកឯកជន យន្តការសម្រាប់បរិស្ថានពាណិជ្ជកម្មល្អប្រសើរកាលពីថ្ងៃទី២៤ ខែតុលា នៅសណ្ឋាគាខេមរា Iខេត្តបាត់ដំបង។
លោកបានបន្តទៀតថា ដូចលោក គីង ច័ន្ទឡាយ អនុប្រធានសភាពាណិជ្ជកម្មមណ្ឌលប៉ៃលិន បានបញ្ជាក់ពីដំណើរការ និងសារៈ សំខាន់នៃវេទិការ រាជរដ្ឋាភិបាលផ្នែកឯកជន ដែលតែងតែរៀបចំឡើង នៅវិមានរាជរដ្ឋាភិបាល រឺ វិមានសន្តិភាព នៃរាជធានីភ្នំពេញ ។ វេទិការនេះជាកិច្ចប្រជុំគណរដ្ឋមន្ត្រីបើទូលាយ ដែលមានការចូលរួមពីតំណាងឯកជន សម្រាប់ធ្វើការពិភាក្សាស្វែងរកនូវដំណោះ ស្រាយ ប្រកបដោយសមធម៌ និងតម្លាភាព ពីប្រមុខរាជរដ្ឋាភិបាល ចំពោះបញ្ហាប្រឈមផ្សេងៗរបស់វិស័យឯកជន។ ដូនយើងបាន ជ្រាបហើយថា ខេត្តបាត់ដំបងជាខេត្តមួយមានសក្តានុពលសេដ្ឋកិច្ច ស្ទើរគ្រប់វិស័យ ដូចជាវិស័យកសិកម្ម កសិឧស្សាហកម្មសេវាកម្ម ទេសចរណ៍ ឧស្សាហកម្ម រ៉ែថាមពល និងការដឹកជញ្ជូនជាដើម។ វិស័យទាំងនេះ គឺជាការទ្រទ្រង់កំណើនសេដ្ឋកិច្ចខេត្ត ដែលចាំបាច់ ត្រូវមានការចូលរួមយ៉ាងសកម្មពីវិស័យឯកជន ទាំងការវិនិយោគធនធាន បច្ចេកទេស បង្កើនការងារគាំពារ នូវវឌ្ឍនៈភាពសង្គម និងការចូលរួមកាត់បន្ថយភាពក្រីក្រល។ ស្ថាប័នសាធារណៈទាំងឡាយ ត្រូវបានលើកទឹកចិត្ត និងពង្រឹងប្រសិទ្ធិភាពការផ្តល់សេវា សាធារណៈផ្សេងៗ ដល់វិស័យឯកជនឱ្យកាន់តែល្អប្រសើរ។ សហប្រតិបត្តិការនានា រវាងផ្នែកសាធារណៈ និងឯកជន គឺជាសញ្ញា ឆ្លុះ បញ្ចាំងជាវិជ្ជមាន ឈានដល់ការបង្កើតយន្តការប្រកបដោយនិរន្តរភាព ដើម្បីធានារាល់ការប្រឈមផ្សេងៗ របស់បងប្អូនអាជីករ ពាណិជ្ជករ ត្រូវបានការយកចិត្តទុកដាក់ ឆ្លើយតបនិងដោះស្រាយ។
ខ្ញុំសង្ឃឹមថា សិក្ខាសាលានាពេលនេះ និងបានការអនុវត្តភាពថ្មីមួយសម្រាប់ ជាជំនួយដល់វិស័យសាធារណៈ និង វិស័យឯកជន ឱ្យពង្រឹង និងបង្កើនកិច្ចសហប្រតិបត្តិការឱ្យកាន់តែយោគយល់គ្នាខ្ពស់ជាងមុន ដើម្បីស្វែងរកមធ្យោបាយសមស្រប ណាមួយួសម្រាប់ដោះស្រាយបញ្ហា ប្រឈមរបស់ភាពអសកម្មនានា ផ្តល់សេវាសាធារណៈ ពង្រឹងអភិបាលកិច្ចល្អ ដើម្បីចូលរួមកសាង ខ្លឹមសារលើគោនយោបាយផ្សេងៗ ដូចជាពង្រឹងការអនុវត្តច្បាប់ប្រកបដោយស្ថេរភាព និងសុខុមាលភាពសង្គម ដែលផ្តល់នូវបរិស្ថាន និងសមស្រប ដ៏ល្អប្រសើរសម្រាប់ទាក់ទាញ ការវិនិយោគ និងពាណិជ្ជកម្ម សម្រាប់ខេត្តរបស់យើង ៕