សៀមរាប ៖ ជារៀងរាល់យប់ នាពេលថ្មីៗនេះគេឃើញមានរថយន្ត យីឌុបរបស់ក្រុមហ៊ុនដួងស្រួចជាច្រើនគ្រឿង ដឹកឈើលើសទម្ងន់ដែលគេជឿថាគ្មានច្បាប់អនុញ្ញាតិថែមទៀត ដឹកឈើចេញពីស្រុក ជាំក្សាន្ត ខេត្តព្រះវិហារ ឆ្លងកាត់ខេត្តឧត្តរមានជ័យ ឆ្ពោះទៅខេត្តបន្ទាយមានជ័យដោយមានមេការធំម្នាក់ឈ្មោះ ចិន (ឈ្មោះហៅក្រៅ) ជាប៉េអឹមផ្ទៃប្រទេស ជាអ្នករត់ការបង់លុយអោយសមត្ថកិច្ចតាមដងផ្លូវ គ្រប់ខេត្តក្រុង គ្រប់ជាន់ថ្នាក់។
អ្នកស្គាល់មេរត់ការរូបនេះបានឲ្យដឹងថា ៖ មន្ត្រីប៉េអឹមឈ្មោះចិននេះ ជាមេការរត់ការផ្លូវអោយឡានដឹកឈើរបស់ក្រុមហ៊ុន ដួងស្រួច ខាងលើនេះ កាលពីដើមឡើយនៅខេត្តសៀមរាបគាត់ មានដេប៉ូលក់ឈើនៅផ្លូវ៦០ម៉ែត្រ តែបន្ទាប់ពីបែកផ្លូវគ្នាជាមួយភរិយា ក៏បាត់មុខមួយរយៈ ស្រាប់តែពេលនេះលេខព័ត៌មានមកថា លោក ចិន បានក្លាយជាអ្នកមានលុយមានអំណាច ក្លាយជាប៉េអឹមផ្ទៃប្រទេស ហើយជាមេការរត់ការអោយឡានយីឌុបទាំងខ្សែៗជារៀងរាល់យ់ពីខេត្តព្រះវិហារទៅខេត្តបន្ទាយមានជ័យ ទទួលបានជោគជ័យរហូត។
ពេលថតបានរថយន្តដឹកឈើខាងលើ ត្រូវបានសមត្ថកិច្ចប្រាប់ថា មេការដឹកឈើឈ្មោះចិនគេប្រាប់ថាឡានគេ មានច្បាប់ តែគេមិនបានអោយអ្នកកាសែតណាម្នាក់បានឃើញច្បាប់អនុញ្ញាតិរបស់ពួកគេនោះទេ។ ប្រការនេះធ្វើអោយមានការសង្ស័យថា រថយន្តដឹកឈើរបស់ក្រុមហ៊ុន ដួងស្រួច មិនមានច្បាប់ពិតប្រាកដនោះទេ ហើយបើមានច្បាប់ត្រឹមត្រូវមែន ដឹកតាមចំនួនកំណត់មែន ក៏មិនចាំបាច់ បង់លុយដាក់ខែអោយសមត្ថកិច្ចតាមផ្លូវនោះដែរ។
ករណីលោក ឃុន ប៊ុនហេង នាយផ្នែករដ្ឋបាលព្រៃឈើស្រុកអន្លងវែង បានប្រាប់ភ្នាកងារសារពតមានតាមទូរស័ព្ទនៅព្រឹកថ្ងៃទី២៧ ខែគិម្ភៈ ឆ្នាំ២០១៧នេះថា លោកធ្លាប់បានឆែកមើលដែរ តែមិនបានឆែកគ្រប់ឡាននោះទេ លោកថាកាលលោកឆែកមើលឃើញថា មានច្បាប់។ប្រការដែលគួឲ្យហួសចិត្តគឺ លោកនាយផ្នែករូមនេះបានប្រាប់ដោយមិនទទួលខុសត្រូវថា បើចង់ដឹងច្បាស់ពីច្បាប់ទម្លាប់ ឬដឹកប៉ុន្មានម៉ែត្រគូបនោះសុំអោយអ្នកកាសែតសួរ ខាងក្រុមហ៊ុនគេផ្ទាល់នៅឯខេត្តព្រះវិហារនោះទៅ ព្រោះជួនកាលរថយន្តដឹកឈើខាងលើនេះឆ្លងកាត់ក៏មិនបានប្រាប់លោកផងដែរ។
សូមបញ្ជាក់ដែរថា ៖ ក្រុមហ៊ុនដួងស្រួចនេះទទួលបានសិទ្ធកាប់ដឹកជញ្ជូនឈើពីស្ថិតនៅភូមិក្តីដូបឃុំស្រយ៉ង់ជើងស្រុកគូលែនខេត្តព្រះវិហារ ។ បើគេចាំមិនទាន់ភ្លេចទេកាលពីវេលាម៉ោង៨ ព្រឹក ថ្ងៃទី២៧ខែកុម្ភ ឆ្នាំ២០១៦.នៅទីតាំងឃ្លាំងស្តុកឈើរបស់ក្រុមហ៊ុនឌួងស្រួចស្ថិតនៅភូមិក្តីដូបឃុំស្រយ៉ង់ជើងស្រុកគូលែនខេត្តព្រះវិហារមានអគ្គីភយ័បានឆាបឆេះឈើប្រណិតនិងឈើដែលប្រមូលទិញពីប្រជាពលរដ្ឋអស់ប្រមាណប្រមាណ៥០០ម៉ែតគូបនៅបន្សល់ទុកនៅឈើមុខការត់ធំៗប្រមាណ២០០ម៉ែតគូប ។
ករណីភ្លើងឆេះឈើក្នុងក្រុមហ៊ុនដួងស្រួចកាលនោះគេសង្ស័យថាជាការដុតបំផ្លាញភស្តុតាងឈើខុសច្បាប់ព្រោះវាបានកើតឡើងក្រោយពេលដែលសម្តេចតេជោហ៊ុនសែននៅថ្ងៃទី១៥មករាឆ្នាំ២០១៦បានបង្កើតក្រុមចំរុះបង្ក្រាបបទល្មើសព្រៃឈើដឹកនាំដោយលោកនាយឧត្តមសេនីយ៍សៅសុខាមេប៉េអឹមលើផ្ទៃប្រទេស ។
ក្រោយមកក៏ស្ងាត់ទៅបើទោះបីជាមានក្រុមលោកនាយឧត្តមសេនីយ៍សៅសុខាដឹកនាំកម្លាំងទៅបង្ក្រាបក្រុមហ៊ុនមួយឈ្មោះហុងសុភាព នៅខេត្តព្រះវិហ៊ារក៏ដោយ។
ទោះជាយ៉ាងណាគេឃើញឡានក្រុមហ៊ុនដួងស្រួចថ្មីៗនេះដឹកឈើពេញហៀរជារៀងរាល់យប់ពីខេត្តព្រះវិហារ ឆ្លងកាត់ស្រុកត្រពាំងប្រាសាទ ស្រុកអន្លង់វែង ក្រុងសំរោង ឆ្ពោះទៅខេត្តបន្ទាយមានជ័យ។គេមិនដឹងថាតើលោកចៅហ្វាយខេត្តព្រះវិហ៊ារម្ចាស់ដែនដីនិងលោក ស-ថាវី អភិបាលខេត្តឧត្តរមានជ័យ ទទួលបានផលប្រយោជន៍ពីក្រុមហ៊ុន ដួងស្រួចដែលប្រើទឹកដីខេត្តព្រះវិហ៊ាធ្វើជាទីតាំងកាប់ឈើនិងប្រើខេត្តឧត្តរមានជ័យសម្រាប់ឆ្លងកាត់ប៉ុនន្មាននោះទេព្រោះគេប្រើសុទ្ធតែរថយន្តយីឌុប ដឹកឈើពេញប្រៀបលើសទម្ងន់ ជាហេតុនាំ ខូចថ្នល់ បាត់បង់ថវិការរបស់រដ្ឋដោយគ្មានការត្រួតពិនិត្យត្រឹមត្រូវចឹងនោះ៕