ពោធិ៍សាត់៖ ប្រត្តិការបង្ក្រាបបទល្មើសព្រៃឈើនៅខេត្តពោធិ៍សាត់ ដែលដឹកនាំដោយឯកឧត្តនាយឧត្តសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសផ្ទួនៗត្រូវបានគេសង្កេតឃើញថាសកម្មភាពបំផ្លាញព្រៃឈើមានសភាពស្ងប់ស្ងាត់តែមួយរយៈខ្លី(មួយដង្ហើមចង្រឹតតែប៉ុណ្ណោះ)។អាឡូវនៅក្នុងទឹកដីខេត្តពោធិ៍សាត់អាណាចក្រគ្រប់គ្រងដោយលោក ម៉ៅ ធនិន បទល្មើសព្រៃឈើបានកើតឡើងវិញយ៉ាងគ្រឹកគគ្រេងថែមទាំងមានលក្ខណៈជាទ្រង់ទ្រាយធំទៀតផង។
សេចក្ដីរាយការណ៍ពីប្រជាពលរដ្ឋបានអោយដឹងថា ៖ ឈ្មួញឈើដ៏ល្បីមកពីខេត្តកំពង់ស្ពឺ ទី១.ឈ្មោះសរ.និងទី២.ឈ្មោះស្នា.បានមកទិញឈើម៉ៅការប៉ាវផ្ដាច់មុខក្នុងទឹកដីខេត្តពោធិ៍សាត់.ដោយរលូនដែលគេជឿថាបានបង់សេវាដាក់ខែអោយអាជ្ញាធរខេត្តជាថ្នូរហើយបានជាស្រួលចឹង។
បើតាមសេចក្តីរាយការណ៍សព្វថ្ងៃនេះឈ្មួញឈើទាំងពីរនាក់ខាងលើកំពុងឈរជើងចាំប្រម៉ូលទិញឈើនៅក្នុងស្រុកវាលវែងនិងស្រុកភ្នំក្រវ៉ាញ ។ ពួកគេបានបំផុសអោយប្រជាពលរដ្ឋនិងដាក់កម្មករផ្ទាល់ខ្លួនចូលទៅកាប់ឈើនៅក្នុងព្រៃដែនជម្រកជួរភ្នំសំកុសស្រុកវាលវែងនិងជួរភ្នំឱរ៉ាល់និងភ្នំក្រវ៉ាញស្រុកភ្នំក្រវាញខេត្តពោធិ៍សាត់យ៉ាងអនាធិប្បតេយ្យ។
ឈ្មួញឈើបានប្រើរថយន្តស្ទូចប្រម៉ូលកាប់ឈើស្ទូចដឹកទាំងយប់ទាំងថ្ងៃតាមរថយន្តយីឌុបយកទៅលក់នៅប្រទេសវៀតណាមចេញតាមច្រកទាន់ហន់.ដោយដឹកឆ្លងកាត់ខេត្តកំពង់ឆ្នាំងនិងខេត្តកំពង់ស្ពឺគ្មានសមត្ថពាក់ព័ន្ធណាមួយចេញមកបង្ក្រាបនៅឡើយ។
ជាក់ស្តែងនៅកំពតទាល់តែមានស្ពានបាក់ទើបដឹងថាឈ្មួញឈើនៅថ្វើសកម្មភាពមែន។ទោះជាយ៉ាងណាគេមិនឃើញមានសមត្តកិច្ចតាមរកម្ចាស់ឡានដឹកឈើប្រណិតថ្វើឲ្យបាក់ស្ពានយកមកផ្តន្ទាទោសឬឲ្យសងការខូចខាតស្ពានរបស់រដ្ឋនោះឡើយ។ដោយឡែកសម្រាប់បទល្មើសព្រៃឈើនៅខេត្តពោធិសាត់ប្រភពព័ត៌មានឲ្យដឹងថា៖បច្ចុប្បន្ននេះមានមន្ត្រីអនុរក្សបរិស្ថានក្នុងខេត្តពោធិ៍សាត់នៅតាមគោលដៅជាច្រើនពិសេសមន្ត្រីបរិស្ថានចំណុចអូរត្រាវក្លាយជាឆ្មាំរបស់ឈ្មួញឈើប្រណិតខាងលើទៅហើយ។សម្រាប់បប្រជាពលរដ្ឋវិញបើដឹកឈើធ្នុងក្នុងមួយគោយន្តត្រូវបង់លុយអោយ៤០ម៉ឺនរៀលទើបមិនបង្ក្រាប។
ក្នុងខេត្តពោធិ៍សាត់ទាំងមូលអាឡុវនេះមិនមានឈ្មួញមួយណាហ៊ានចុះទិញឈើឡើយក្រៅពីឈ្មួញឈ្មោះសរនិងស្នាដែលគេស្គាល់ថាជាសមត្តកិច្ចប៉េអឹមនោះប៉ុណ្ណោះ។
សេចក្ដីរាយការណ៍ខាងលើអ្នកយកព័ត៌មានយើងមិនទាន់អាចសុំធ្វើការបំភ្លឺពីសំណាក់ឯកឧត្ដម.ម៉ៅធនិន.អភិបាលខេត្តពោធិ៍សាត់បាននៅឡើយទេ។ ទោះជាយ៉ាងការិយាល័យនៃសារព័ត៌មានយើងរង់ចាំស្វាគមន៍រាល់ការបកស្រាយបំភ្លឺពីអាជ្ញាធរនិងសមត្ថកិច្ចពាក់ព័ន្ធដើម្បីទទួលបាននូវព័ត៌មានពិតនិងយុត្តិធម៕