កំពង់ធំ ៖ មានសេចក្តីរាយការណ៍ថាលោក ជូ កុល្លា ប្រធានមន្ទីរសាធារណៈការ និងដឹកជញ្ជូនខេត្តកំពង់ធំក្រោយពីត្រូវបានតែងតាំងជាប្រធានមន្ទីរជាង២ឆ្នាំមកនេះ បានលេងល្បែងឆ្ពិនភ្នែក កឹបកេងថវិកាជាតិ ក្លាំងជាង សម័យលោក ម៉ៅ ឡាំងប្រធានមន្ទីរចាស់ទៅទៀ ។ រាល់ថវិកាចំណាយរបស់មន្ទីរ គឺលោក ប្រធានមន្ទីរ ជូ កុល្លា តែងសម្លឹងរកមើលចំណុចណា ដែលគាត់អាចស៊ីបានគឺវាត់ហើយ មិនលើកលែងឡើយ។ ក្រៅពីនោះការងារណាដែលបានផលប្រយោជន៏ លោកប្រធានមន្ទីរផ្ដល់អោយតែបក្ខពួកខ្លួន ដោយនឹកអំពីគុណសម្បត្តិរបស់មន្ត្រីដែលខំតស៊ូពីមុនមកទាល់តែសោះ។ ប្រភពចំណូលរបស់លោក ជូ កុល្លា សព្វថ្ងៃគឺបានពីការកឹបកេងថវិកាចំណាយ លើផ្នែកថែទាំនឹងជូសជុលផ្លូវមួយផ្នែកធំ ការថែទាំនឹងជុសជុលអាគារ នឹងសម្ភារះបច្ចេកទេស ការចំណាយលើផ្នែករដ្ឋបាល សោហ៊ុយទូទាត់ក្នុងប្រទេស ទៅបីថវិកាសោហ៊ុយទូទាត់ក្នុងប្រទេសត្រូវបានដាក់បញ្ចូលទៅក្នុងគណនេយ្យធនាគារ តែប្រាក់ដែលគេខ្ចីចុះបេសកម្មគឺគេនៅតែមានឱកាសកឹបកេង ដោយគ្រាន់តែមិនច្រើនដូចសម័យមុន។
សូម្បីប្រេងក៏លោកប្រធានមន្ទីរក៏លោក ជូ កុល្លា យកមួយផ្នែកធំទៅបំរើប្រយោជន៏ផ្ទាល់ខ្លួនដែរ។ សូមបញ្ជាក់សកម្មភាពប្រព្រឹត្តអំពើពុករលួយរបស់លោក លោក ជូ កុល្លា គឺមានចូលរួមពី មន្ត្រីមួយចំនួនទៀត ដែលមនុស្សស្និទនឹង គាត់ ។ សកម្មភាព លោក ជូ កុល្លា ត្រូវបានគេវាយតម្លៃថា បានធ្វើអោយបាត់ប្រាក់ដោយអំពើពុករលួយរយះពេលជាង២ឆ្នាំមកនេះមិនតិចជាង៤០០លានរៀល ទៅ៥០០លានរៀល ហើយមួយផ្នែកធំបានទៅលើលោក ជូ កុល្លា ផ្ទាល់នឹងមួយផ្នែកបានទៅមន្ត្រីជំនិតៗ។
ប្រភពពីមន្ត្រីនៅក្នុងមន្ទីរឲ្យដឹងថា៖ កន្លងទៅលោក ជូ កុល្លា នឹងបក្ខពួកមានវាសនាខ្ពស់ដោយក្រុមសវនកម្ម ក្រសួងសាធារណះការ របស់លោកស្រី ផាត់ សូលីនី នឹងអគ្គារធិការ លោក គីម សាន់ រកមិនឃើញដោយសាក្រុមដែលចុះទៅយកបេសកម្ម ប្រែក្លាយជាដំណើរទេសចណ៏ចឹងហើយបានជា រឿងខ្មៅប្រែទៅជាស អាក្រក់ទៅជាល្អ ល្អនោះ។ ករណីនេះគួរ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីអាណត្តិថ្មីនៃ ក្រសួងសាធារណះការដែលល្បីថាជាមនុស្សស្អាតស្អំ និង អង្គភាពប្រឆាំងអំពើពុករលួយ នឹង បើកការសើបអង្កេតចំពោះសេចក្តីរាយការណ៍ពីអំពើពុករលួយក្នុងមន្ទីរសាធារណៈការ ខេត្តកំពង់ធំក្នុងរជ្ចកាលលោកជូកុល្លាទើបបាន៕
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ
លោក ជូ កុល្លា រដ្ឋមន្ត្រីក្រសួងសាធារណៈការ
