ទិវាមនុស្សចាស់កម្ពុជា និងទិវាមនុស្សចាស់អន្តរជាតិ ថ្ងៃទី០១ ខែតុលា ឆ្នាំ២០១៤ ត្រូវបានប្រារព្វធ្វើឡើងកាលពីថ្ងៃទី២២ ខែតុលា នោមន្ទីរសង្គមកិច្ចអតីតយុទ្ធជន និងយុវតី សម្បទាខេត្តបាត់ដំបង ដោយមានការ ចូលរួមពីលោក ស៊ូ អារ៉ាហ្វាត់ អភិបាល ខេត្តបាត់ដំបង។
ក្នុងសារលិខិតរបស់សម្តេចអគ្គមហាសេនាបតីតេជោ ហ៊ុន សែន ថ្លែងក្នុងឱកាសទិវាមនុស្សចាស់កម្ពុជា និងទិវាមនុស្សចាស់ អន្តរជាតិ ថ្ងៃទី០១ ខែតុលា ឆ្នាំ២០១៤ បានឱ្យដឹងថា ក្នុងនាមរាជរដ្ឋភិបាលកម្ពុជា ទូលព្រះបង្គំ ខ្ញុំព្រះករុណា ខ្ញុំសូមដែងនូវអំណរ សាទរ យ៉ាងស្មោះស្ម័គ្រជាមួយ លោកតា លោកយាយ ព្រឹទ្ធាចារ្យ និងបងប្អូនរួមជាតិទាំងអស់ ក្នុងឱកាសនៃទិវាមនុស្សចាស់ ក្រោម ប្រធានបទសមាគមមនុស្ស ជាយន្តការដ៏សំខាន់ជួយអភិវឌ្ឍន៍ និងសង្គមជាតិ ដែលជាទិវាមួយសម្រាប់ រំលឹកគុណដល់ មនុស្សចាស់ កម្ពុជា ក៏ដូចជាមនុស្សនៅទូទាំងសកលលោក និងលើកកំពស់ ទទួលខុសត្រូវរបស់យើង ក្នុងការចូលរួមកសាងសង្គមជាតិមួយ ដែល មានការយកចិត្តទុកដាក់កាន់តែខ្ពស់ ចំពោះសុខមាលភាព របស់ប្រជាជនគ្រប់វ័យពិសេសចំពោះ មនុស្សចាស់។ ជាការពិតការប្រារព្វ ទិវាមនុស្សចាស់កម្ពុជា និងទិវាមនុស្សចាស់ អន្តរជាតិ គឺស្របទៅនិង គោលនយោបាយរបស់រាជរដ្ឋាភិបាលនៃព្រះរាជាណាចក្រ កម្ពុជា និងស្របតាមសេចក្តីសម្រេច របស់អង្គការសហប្រជាជាតិ។
ជារួមប្រវត្តិសាស្ត្រ និងបទពិសោធន៍ នៃសង្គមនីមួយៗបានបង្ហាញឱ្យឃើញថា ការអភិវឌ្ឍន៍សេដ្ឋកិច្ច សង្គមកិច្ច និងវប្បធម៌ នៃប្រជាជាតិមួយ អាចប្រព្រឹត្តទៅបានប្រកបដោយវីរភាព និងសមធម៌ ទាមទារឱ្យមានការអភិវឌ្ឍន៍ផ្នែកអប់រំ សីលធម៌ គុណធម៌ និងវប្បធម៌ អហឹង្សា។ ក្នុងនាមរាជរដ្ឋាភិបាលកម្ពុជា ទូលព្រះបង្គំ ខ្ញុំព្រះករុណា ខ្ញុំសូមសំដែងនូវការកោតសរសើរចំពោះ ក្រសួង សង្គមកិច្ច អតីតយុទ្ធជន និង យុវតិ សម្បទា គណកម្មាធិការជាតិកម្ពុជា ដើម្បីមនុស្សចាស់ គ្រប់ក្រសួង ស្ថាប័ណ្ណ និងអាជ្ងាធរ រដ្ឋបាលថ្នាក់ក្រោមជាតិទាំងអស់ ដែលបាននិងកំពង់យកចិត្តទុកដាក់អនុវត្តគោនយោបាយជាតិ ចំពោះមនុស្សចាស់ទូទៅ និងសូម កោតសរសើរ ចំពោះកាកបាទក្រហមកម្ពុជា ដៃគូរអភិវឌ្ឍន៍ អង្គការមិនមែនរាជរដ្ឋាភិបាល និងសមាគមន៍នានា ដែលបានធ្វើសកម្ម ភាព គាំទ្រប្រកបដោយមនុស្សធម៌ និងសាមគ្គីធម៌ ចំពោះមនុស្សចាស់នៅតាមសហគមន៍នានា។ ជាងនេះទៀតសូមឱ្យក្រសួងពាក់ ព័ន្ធ ទាំងអស់ត្រូវបង្កើនយកចិត្តទុកដាក់ និងគាំទ្រគ្រប់មធ្យោបាយ ក្នុងការលើកស្ទួយសុខមាលភាពមនុស្សចាស់ឱ្យបានកាន់តែល្អ ប្រសើរឡើង ។
គួរបញ្ជាក់ផងដែរ, មនុស្សមកចូលរួម ២០០នាក់ ក្នុងម្នាក់ៗទទួលបាន ភួយ ០១ ក្រម៉ា ០១ សាប៊ូ ថ្នាំដុសធ្មេញ និង ថវិការ មួយម៉ឺនរៀល ៕
