កំពង់ឆ្នាំង ៖ ប្រជាពលរដ្ឋបានរាយការណ៍ថា ៖ ពួកគាត់មានការខកចិត្តយ៉ាងខ្លាំងចំពោះការ រំពឹងទុកថានឹងមានបញ្ចុះតំលៃ ធ្វើដំណើរនៅឆ្នាំ២០១៧នេះ ព្រោះត្រូវផុតអណត្តិរបស់ក្រុមហ៊ុនចាស់របស់លោកលឹមចាន់(ស្លាប់)បច្ចុប្បន្នមានកូនស្រីឈ្មោះ លឹម ស្រីអូននិង ឈ្មោះ ស៊ីម ជាតំណាងក្រុមហ៊ុនដែលដេញថ្លៃបានពីរដ្ឋតាំងពីឆ្នាំ២០០៨ហើយត្រូវចប់អណត្តិនៅឆ្នាំ២០១៦នេះ ។ ប៉ុន្តែផ្ទុយទៅវិញគេនៅតែឃើញក្រុមហ៊ុននេះនៅតែបន្តធ្វើអាជីវកម្មដដែលមិនដឹងបានដេញថ្លៃបន្តឬក៏បញ្ចុះតម្លៃចម្លងដែលធ្វើឲ្យប្រជាពលរដ្ឋសង្ស័យថា៖មានការត្រូវរ៉ូវគ្នាជាមួយអាជ្ញាធរខេត្តឬមន្ត្រីជំនាញ?។
មន្ត្រីម្នាក់មានទីលំនៅក្រុងកំពង់ឆ្នាំងប៉ុន្តែធ្វើការនៅស្រស្រុកកំពង់លែង បាន ប្រាប់អ្នកយកព័ត៌មានយើងថា៖សព្វថ្ងៃបើសិនជាថ្លៃសំបុត្រចម្លងរថយន្តមានតម្លៃទាបគាត់នឹងជិះរថយន្តរបស់គាត់ទៅធ្វើការហើយ ប៉ុន្តែសព្វថ្ងៃថ្លៃសំបុត្រឆ្លងរថយន្តនោះវាថ្លៃហួសហេតុពេក ។
នៅក្នុងភូមិសាស្ត្រទឹកដីស្រុកកំពង់លែងគឺទឹកព័ទ្ធជុំវិញ ហើយប្រជាពលរដ្ឋត្រូវធ្វើដំណើរតាមផ្លូវទឹកដោយកាណូតដរ ដើម្បីដឹកជញ្ជូនសម្ភារៈផ្សេងៗ និងធ្វើដំណើរចេញចូលពីស្រុករបស់ខ្លួន ទៅកាន់ទីរួមខេត្ត។
ការធ្វើដំណើរតាមផ្លូវទឹក បានក្លាយជាទម្លាប់របស់អ្នកស្រុកទៅហើយ ប៉ុន្តែមានអ្នកស្រុកមួយចំនួនក៏នៅមានការត្អូញត្អែរអំពីផលលំបាក នៃការធ្វើដំណើររបស់ពួកគាត់ដែរ អំពីតម្លៃសំបុត្រឆ្លងរថយន្តដែលក្រុមហ៊ុននៅតែយកតម្លៃថ្លៃដដែលបើទោះជាមានការសម្រប សម្រួលពីអាជ្ញាធរខេត្តនិងមន្ទីជំនាញហិរញ្ញវត្ថុអោយបន្ធូបន្ថយតម្លៃយ៉ាងណាក៏ដោយ។
ជារៀងរាល់ថ្ងៃការធ្វើដណើរតាមរថយន្តឆ្លងទៅមកពីស្រុកកំពង់លែង ទៅខេត្តកំពង់ឆ្នាំងនិងពីកពង់ឆ្នាំងទៅកំពង់លែង គឺមានរថយន្តតិចតួចណាស់ដែលហ៊ានឆ្លងទៅមកដោយសារតែក្រុមហ៊ុនយកតម្លៃសំបុត្រឆ្លងរថយន្តថ្លៃពេកហើយរថយន្តដែលឆ្លងទៅមកនេះលុះត្រាតែមានកិច្ចការសំខាន់ទើបហ៊ាទិញសំបុត្រឆ្លង ចំណែកអ្នកដែលមានការងារល្មមៗឬចង់ដើរទេសចរណ៍កំសាន្តនោះមិនអាចហ៊ានឆ្លងរថយន្តទៅមកនោះឡើយ។
ប្រភពបានបន្តថាប្រសិនបើក្រុមហ៊ុនយកតម្លៃទាបដូចសាឡាងឆ្លងរថយន្តនៅតាមបណ្ដារខេត្តនានានោះ មួយថ្ងៃៗអាចមានរថយន្តរាប់សិប រាប់រយគ្រឿងដែលត្រូវឆ្លងទៅមក។ប៉ុន្តែសព្វថ្ងៃ ការធ្វើចរាចរមមាញឹកនេះមានតែនៅពេលថ្ងៃ ចំណែកនៅពេលយប់មានតិចតួច ឬគ្មានតែម្ដង។ ប្រសិនបើគ្មានការចាំបាច់បង់ថ្លៃកាណូតដខ្ពស់ឬពូកគាត់អត់មានលុយបង់ ឬត្រូវបញ្ជូនអ្នកជំងឺធ្ងន់ធ្ងរឡើងមកទីរួមខេត្តកំពង់ឆ្នាំង ឬរាជធានីភ្នំពេញ ដើម្បីសង្គ្រោះបន្ទាន់នោះ។
កាណូតដយកលុយពីប្រជាពលរដ្ឋខ្ពស់ប្រជាពលរដ្ឋម្នាក់រស់នៅស្រុកកំពង់លែង មានប្រសាសន៍ថា កន្លងទៅអ្នកភូមិរបស់លោកធ្លាប់ស្លាប់នៅពាក់កណ្ដាលផ្លូវដោយសារក្រុមហ៊ុនកាណូតដមួយនេះយកថ្លៃខ្ពស់ពេកអ្នកស្រុកត្រូវបង្ខំចិត្តជួលទូកជិះក្នុង១គ្រឿងតម្លៃ ១២ម៉ឺនរៀល នៅពេលមានការប្រញាប់ ឬត្រូវបញ្ជូនសាច់ញាតិទៅសង្គ្រោះបន្ទាន់នៅមន្ទីរពេទ្យបង្អែកខេត្ត ឬមន្ទីរពេទ្យនៅក្រុងភ្នំពេញ៖ «សព្វថ្ងៃនេះចង់បានស្ពាន ស្រួលយើងឆ្លងកាត់ទៅវិញទៅមកក៏យើងស្រួល ហើយអ្នកដំណើរមកពីឆ្ងាយចង់ប្រញាប់ ក៏គ្នាទាន់ពេលវេលា ឧបមាថា កូនក្មួយ ឬមួយក៏កូនបង្កើតឈឺកន្លែងណាមួយ យើងបានទៅទាន់កាណូត ជួនកាលផុតម៉ោងគ្នាទៅអត់ទាន់ទេ បានស្ពានហ្នឹងអរណាស់»។
ចំពោះពលរដ្ឋក្រីក្រក្រៅពីការលំបាកធ្វើដំណើរនៅពេលយប់ ឬខុសម៉ោងកាណូតដរដំណើរនោះ គឺត្រូវស្វែងរកការព្យាបាលពីគ្រូពេទ្យមណ្ឌលសុខភាព ឬគ្រូខ្មែរក្នុងស្រុកឲ្យអស់លទ្ធភាពជាមុន ទើបត្រូវបញ្ជូនមកទីរួមខេត្តកំពង់ឆ្នាំង ឬរាជធានីភ្នំពេញ។ ដើម្បីព្យាបាលឲ្យ
ស្របពេល នៃការចេញដំណើរកាណូតដរដែលមានតែនៅពេលថ្ងៃនោះ ការយកតម្លៃសំបុត្រពីប្រពលរដ្ឋនេះចំពោះអ្នកដំណើថ្មើរជើងឬតាមម៉ូតូមិនមានអ្វីចោទជាបញ្ហាទេ ប៉ុន្តែចំពោះរថយន្តនិងទំនិញ សម្ភារះផ្សេងជាដើមគឺមានបញ្ហាតែម្ដងដោយសារតែខាងក្រុមហ៊ុនយកតម្លៃថ្លៃនេះឯង។ ការយកតម្លៃសំបុត្រធ្វើដំណើរតាមកាណូតដរ គឺមនុស្សម្នាក់តម្លៃ ១.០០០រៀល ម៉ូតូ១គ្រឿង ២.០០០រៀល និងឡានតូច១គ្រឿងតម្លៃ ២០ដុល្លារ ហើយត្រូវចំណាយរយៈពេលប្រហែលកន្លះម៉ោង តែភាពពិតមិនបានកំណត់ដូចអ្វីចុះកិច្ចសន្យជាមួយរដ្ឋនោះទេក្នុងឆ្នាំ 2017នោះទេ។
ថ្លៃកាណូតដនៅតៃថ្លៃខ្ពស់គ្រប់ទំនិញសំភារៈគេយកគ្នាទាំងអស់ ហេតុដូច្នោះមានរាជរដ្ឋាភិបាលជាពិសេសមានតែសម្តេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលជានិច្ចកាលសម្ដេចតែងយល់ពីទុកលំបាករបស់ប្រជាពលរដ្ឋដូចនេះ សូមមេត្តាជួយពិនិត្យមើលករណីនេះឡើងវិញផង ។
ប្រជាពលរដ្ឋភាគច្រើន ចង់បានឲ្យរដ្ឋាភិបាល និងអាជ្ញាធរួយ ស្ថាបនាស្ពានសម្រាប់ឆ្លងកាត់ស្រុកណាដែលមានការលំបាកក្នុងការធ្វើដំណើរ ប៉ុន្តែបើមិនអាចគឺសុំត្រឹមជួយសម្រួល។
ទាក់ទងទៅនឹងបញ្ហានេះប្រជាពលរដ្ឋ សូមសំណូមពរអោយសម្ដេចតេជោមេតាជួយសម្រួលបញ្ចុះតំលៃទាបជាងនេះដើម្បីបង្កលក្ខណៈងាយស្រួលដល់ការធ្វើដំណើររបស់ប្រជាពលរដ្ឋផង ៕
