ខេត្តមណ្ឌលគិរី ៖ មន្ត្រីបរិស្ថានប្រចាំការនៅចំណុចអូរវ៉ាក់ ក្នុងស្រុកលំផាត់ជាប់ព្រំប្រទល់ខេត្តមណ្ឌលគីរី ប្រមូលទិញឈើប្រណិតពីក្នុងដែនជម្រកសត្វព្រៃលំផាត់មកលាក់ស្តុកទុកក្នុងព្រៃឫស្សីក្រោយស្នាក់ការសំរាប់ទុកលក់អោយឈ្មួញ។
ហេតុការណ៍នេះបានគេសង្កេតឃើញជាយួខែមកហើយ ជាក់ស្តែងនៅរសៀលថ្ងៃទី២៣ ខែកុម្ភៈ នេះតែម្តង គេសង្កេតឃើញឈើប្រណិតប្រភេទធ្នុងរាប់រយកំណាត់ និងគោយន្តកន្ត្រៃចំនួន២ទៅ៣គ្រឿងលាក់ទុកក្នុងព្រៃឫស្សីជាប់ខាងក្រោយទីស្នាក់ការនេះតែម្ដង។
បើយោងតាមសេចក្តីរាយការណ៍ ពីប្រជាពលរដ្ឋបានអោយដឹងថា រយៈពេលជាច្រើនខែ មកហើយគេសង្កេតឃើញ មន្ត្រីបរិស្ថានខាងលើ នេះមានគោយន្តកន្ត្រៃ២-៣គ្រឿងបានធ្វើសកម្មភាព ដឹកជញ្ជូនឈើចេញពីក្នុងព្រៃជ្រៅ មកលាក់ទុកនៅក្នុងព្រៃឫស្សីខាងក្រោយ ទីស្នាក់ការដើម្បីទុកលក់បន្ត អោយឈ្មួញដឹកតាមសាំយ៉ុងនៅពេលយប់ស្ងាត់ ក្រោយពីរថយន្តចេញចូលញឹកញាប់ក្នុងបរិវេន ទីស្នាក់ការមន្ត្រីបរិស្ថានទាំងនោះ បានបូមទឹកស្រោចដីតាមផ្លូវ រឺក៏កាប់មែឈើអូសពីលើ ដើម្បីលុបបំបាត់ដានរថយន្តទៀតផង។
ពាក់ព័ន្ធករណីដែលមន្ត្រីបរិស្ថានប្រមូលទិញនឹង លាក់ឈើប្រណិតទុកខាងក្រោយទីស្នាក់ការ ដែនជម្រកសត្វព្រៃនៅ អូររវ៉ាក់នោះ លោកនូវ ថេរ អភិបាលស្រុកលំផាត់ លោកថាមិនបានដឹងទេ ចាំលោកសួរទៅប្រធានមន្ទីរបរិស្ថានសិន
ហើយឈើប្រណិតទាំងអស់នេះ បន្ទាប់ពីបែកការណ៌ម្ដង ក្នុងកាលាក់ទុកឈើទាំងនោះបានស្ងប់ស្ងាត់មួយរយៈតែនៅថ្ងៃទី២៣នេះគេសង្កេតឃើញសកម្មភាពនេះកក្រើកឡើងវិញទៀតហើយ ។
ជុំវិញមន្ត្រីដែនជម្រកប្រមូលទិញឈើប្រណិតមកស្តុកទុកខាងក្រោយស្នាក់ការដើម្បីទុកលក់អោយឈ្មួញនេះដែរលោក អ៊ូ សុធី នាយកដែនជម្រកសត្វព្រៃលំផាត់ និងកូនប្រុសដែលត្រូវជាប្រធានស្នាក់ការដែនជម្រកមិនអាចសុំការបំភ្លឺណាមួយបានទេនៅថ្ងៃទី២៣ ខែកុម្ភៈ ឆ្នាំ២០១៧នេះ៕
