ខេត្តរតនគីរី៖ ប៉ុស្តុ៍អនុគណ:កម្មាការចរាចរណ៍ផ្លូវគោក(ជញ្ជីង)នៅសោមត្រក ឃុំសោមធំ ស្រុកអូរយ៉ាដាវ បានជំរឹតពលរដ្ឋដឹកកសិផលយកលុយ ទាំងថ្ងៃទាំងយប់។
ក្រុមអ្នកដឹកកសិផលបានត្អូញត្អែរថាពួគគាត់បានដើរទិញដំឡូងមីស្ងួតពីប្រជាពលរដ្ឋពីឆ្ងាយៗយកទៅលក់នៅទីផ្សារវៀតណាមដើម្បីឲ្យមានទីផ្សារដំឡូងមី តែខាងប៉ុស្តិ៍ជញ្ជីង (អនុគណកម្មការចរាចរណ៍ផ្លូវគោកមិនយោគយល់ ពេលខ្លះកាក់រថយន្តឲ្យកកស្ទះពេញផ្លូវ យកលុយថ្លៃផ្លូវក្នុង១ថយន្តតូចកែច្នៃ៣ម៉ឺនរៀល រថយន្តធំ៦ម៉ឺនរៀល ដោយមិនមានលិខិតស្នាមទេ ហើយប៉ុស្តុ៍ជញ្ជីងខាងលើដាក់ជាប្រចាំ មិនថាថ្ងៃយប់ឬថ្ងៃបុណ្យទានទេ ។ រថយន្ត គោយន្តច្នៃ រថយន្តធំ ក៏មិនដឹកលើសទំងន់អីដែរ ហេតុអីគេយកលុយថ្លៃដឹកកសិផលដូច្ននេះ?។
កសិផលដំឡូងមីស្ងួតកំពុងចុះថ្លៃ ពួគគាត់ទិញពីកសិករ១តោនតម្លៃ៤ម៉ឺន៣ពាន់រៀល ហើយថ្កៃប្រេង និងកម្មករក្នុង១ជើង៤០ម៉ឺនរៀល ចំពោះគោយន្តច្នៃដឹកបាន៨ទី១០តោន (បង់ជញ្ជីង៣ម៉ឺនរៀល ច្រកទ្វារច្រើនស្ថាប័ន១២ម៉ឺនរៀល) ដឹកទៅលក់នៅវៀតណាមបាន១តោនតំលៃ៤ម៉ឺន៨ពាន់រៀលថេរ យូរៗម្តងលក់បាន១តោន៥ម៉ឺនរៀល ។ ហើយពេលខ្លះឲ្យលុយគេមិនគ្រប់តាមការកំណត់ក្រុមជញ្ជីងមានទីតាំងខាងលើបានកាយចាក់ដំឡូងមីចោលពាសពេញផ្លូវ មិនឲ្យដឹកបន្តទៅមុខទៀត។ បើសិនកន្លែងជញ្ជីងខាងលើយកលុយតិចតួច ពួកខ្ញុំក៏សប្បាយចិត្តនិងរកស៊ីដែរ។
ចំណែកឈ្មួញឈើដឹកតាមរថយន្តសាំយ៉ុងបានពោលថា កន្លែងជញ្ជីងនៅសោមត្រក (អនុគណកម្មាការចរាចរណ៍ផ្លូវគោក) ហេតុអីដាក់ប៉ុស្តិ៍យកលុយដែរ ក្នុង១ជើងបង់ចំនួន១២ម៉ឺនរៀល បើរថយន្តសាំយ៉ុងដឹកបន្តុចបន្តួចសំរាប់ចិញ្ចឹមក្រពះ ហើយមិនលើសទំងន់ផង ឲ្យតែម៉ាកនេះលេងចង់រកស៊ីហើយ ។
ចំពោះក្រុមប៉ុស្តុ៍យកលុយនេះអ្នកសារព័ត៌មានសួរទៅមន្ត្រីនៅទីនោះដើម្បីបញ្ជាក់ពីបញ្ហាយកលុយពីប្រជាពលរដ្ឋរកស៊ីដឹកកសិផល ពួគគាត់ថា សួរទៅលោក មឿង សារឹទ្ធ ប្រធានការិយាក័យចរាចរណ៍ផ្លូវគោក ព្រោះលោកប្រធានជាអ្នកគ្រប់គ្រង។
ពាក់ព់័ន្ធខាងលើលោក មឿង សារឹទ្ធ ប្រធានការិយាល័យចរាចរណ៍ផ្លូវគោកខេត្តរតនគីរី បានឆ្លើយឆ្លងតាមទូរស័ព្ទប្រាប់អ្នកយកព័ត៌មាននៅរសៀលថ្ងៃទី២០ ខែកុម្ភ: ឆ្នាំ២០១៧ថា ចំពោះប៉ុស្តិ៍ខាងលើសូមទាក់ទងទៅលោក ឃឹម រមណី អនុប្រធានមន្ទីរសារធារណ:ការណ៍ជាអ្នកគ្រប់គ្រង ចំណែកកម្លាំងនគរបាលគ្រាន់តែចូលរួមសហការប៉ុណ្ណោះ។
ចំពោះលោក ឃឹម រមណី អនុប្រធានមន្ទីរសាធារណ:ការបានឆ្លើយឆ្លងអ្នកសារព័ត៌មានតាមទូរស័ព្ទកាលម៉ោង៤និង០៧នាទីរសៀលថ្ងៃទី២០ ខែកុម្ភ: ឆ្នាំ២០១៧ ទាំងគំរោះគំរើយថា (អាណាថាកន្លែងជញ្ជីង អាណាថាកន្លែងជញ្ជីង) រួចបិទទូរស័ព្ទដោយមិនបានស្រាប់ហេតុផល ។
នៅកន្លងពេលថ្មីៗនេះ កាលថ្ងៃទី១៥ ខែកុម្ភ: ឆ្នាំ២០១៧ នាយឧត្តមនាយសេនីយ៍ នេត សាវឿន អគ្គស្នងការនគរបាលជាតិបានក្រើនរំលឹកដល់ស្នងការដ្ឋាននគរបាលរាជធានី ខេត្តទាំងអស់រឹតបន្តឹងការដាក់ប៉ុស្តិ៍អនាធិតេយ្យ (កុងត្រូលជជុះ) ជាពិសេសលុបបំបាត់នូវការដាក់ប៉ុស្តិ៍យកលុយតាមផ្លូវ ៕
